Дар Бишкек Шукурҷон Зуҳуров бо Вячеслав Володин мулоқот намуд
ДУШАНБЕ, 21.05.2019. /АМИТ «Ховар»/. Масъалаи рушди ҳамкории гуногунсоҳаи Ҷумҳурии Тоҷикистон ва Федератсияи Россия зимни мулоқоти Раиси Маҷлиси намояндагони Маҷлиси Олии Ҷумҳурии Тоҷикистон Шукурҷон Зуҳуров ва Раиси Думаи давлатии Федератсияи Россия Вячеслав Володин, ки 20 майи соли равон дар доираи иштирок дар кори ҷаласаи сайёри Шӯрои Ассамблеяи Парламентии Созмони Аҳдномаи амнияти дастаҷамъӣ дар шаҳри Бишкеки Ҷумҳурии Қирғизистон доир шуд, мавриди баррасӣ қарор гирифтанд.
Тибқи иттилои котиби матбуоти Маҷлиси намояндагон Муҳаммадато Султонов, Шукурҷон Зуҳуров ва Вячеслав Володин масъалаи тақвияти ҳамкории байнипарлумонии Тоҷикистону Россияро муҳокима карданд.
Ба иттилои манбаъ, ҷонибҳо аз рушди ҳамкориҳо, аз ҷумла шарикии стратегии ду мамлакат ёдовар шуда, саҳми сарони давлатҳо-Эмомалӣ Раҳмон ва Владимир Путинро дар ин самт баланд арзёбӣ карданд.
Шукурҷон Зуҳуров самтҳои асосии фаъолияти афзалиятноки Тоҷикистонро дар доираи Созмони Аҳдномаи амнияти дастаҷамъӣ, махсусан вазъи мушкили амниятии вақтро дар ҷаҳон таъкид намуд.
«Шохаҳои нави фаъолшавии хатарҳо, аз ҷумла густариши терроризм, тарғиби экстремизм (ифротагроӣ)-и исломӣ ва хушунат, ба таври зӯроварона истифода намудани шабакаҳои Интернет бо мақсади ифротӣ кардани андешаи аҳолӣ ва ҷалби ҳаммаслакон дар назди Созмони Амнияти аҳдномаи дастаҷамъӣ вазифаҳои иловагии мушаххасро мегузорад. Бо назардошти ин, баргузории ҷаласаи навбатии Шӯро, ҷаласаи умумии бистуми Ассамблеяи парлумонии Созмони Аҳдномаи амнияти дастаҷамъиро бо иштироки ҳайати нозир дар соли 2020 дар Ҷумҳурии Тоҷикистон, вобаста ба вазъи кунунии Ҷумҳурии Исломии Афғонистон саривақтӣ мешуморам»,-гуфт Раиси Маҷлиси намояндагони Маҷлиси Олии Ҷумҳурии Тоҷикистон.
Раиси Думаи давлатии Федератсияи Россия зикр намуд, ки парлумонҳо бавуҷудоварандагони фазои мусоиди қонуниву ҳуқуқӣ барои тақвияти ҳамкорӣ мебошанд.
«Аз ин хотир, бояд талош кунем, ки ин ҳамкорӣ беш аз пеш густариш ёбад, зеро ҳар қадами устувор дар рушди муносиботи тарафайн дар сатҳи минтақавию байналмилалӣ аз кӯшишҳои парлумонҳои ҳарду давлат вобастагии амиқ дорад»,-илова намуд В.Володин.
Дар даври омӯзишии байналмилалӣ дар Италия масоили дипломатияи илмӣ ва ҳамкории байналмилалӣ баррасӣ мешаванд
Файзалӣ Идизода бо муовини раиси Маҷлиси миллии Ҷумҳурии Корея вохӯрӣ намуд
Файзалӣ Идизода бо Сафири Ҷумҳурии Корея дар Тоҷикистон мулоқот намуд
Намояндаи Тоҷикистон дар ҷаласаи солонаи Ассамблеяи парлумонии САҲА иштирок намуд
Раиси Маҷлиси миллии Маҷлиси Олии Ҷумҳурии Тоҷикистон бо Раиси Агентии Чин оид ба ҳамкории рушди байналмилалӣ мулоқот намуданд
Мулоқоти Раиси Маҷлиси намояндагон бо Раиси Кумитаи миллӣ оид ба ҳуқуқи инсони Давлати Қатар доир гардид
Файзалӣ Идизода бо Раиси Маҷлиси Шурои Подшоҳии Арабистони Саудӣ вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон бо Раиси Маҷлиси Шурои Подшоҳии Арабистони Саудӣ мулоқот намуданд
Дар Душанбе тавсеаи робитаҳои парлумонии Тоҷикистон ва Русия баррасӣ гардид
Раиси Маҷлис-аш-Шурои Подшоҳии Арабистони Саудӣ бо сафари расмӣ ба Ҷумҳурии Тоҷикистон ташриф меорад
Қабули қатъномаи Даҳсолаи байналмилалӣ оид ба таҳкими сулҳ барои наслҳои оянда рӯйдоди воқеан таърихӣ ва мояи ифтихори ҳар як шаҳрванди Тоҷикистон мебошад
Дар ҷаласаи навбатии иҷлосияи дуюми Маҷлиси намояндагони Маҷлиси Олӣ созишномаи сармоягузорӣ ба тасвиб расид
