Парлумони Тоҷикистон Протокол ба Конвенсия дар бораи меҳнати маҷбуриро тасдиқ намуд
ДУШАНБЕ, 14.05.2019. /АМИТ «Ховар»/. Маҷлиси намояндагони Маҷлиси Олии Ҷумҳурии Тоҷикистон Протокол ба Конвенсия дар бораи меҳнати маҷбурӣ аз соли 1930-ро тасдиқ намуд.
Имрӯз вакилони палатаи поёнии Парлумони Тоҷикистон зимни ҷаласаи навбатии иҷлосияи панҷуми Маҷлиси намояндагон, даъвати панҷум Протокол ба Конвенсия дар бораи меҳнати маҷбурӣ аз соли 1930 ва лоиҳаи як қатор қонунҳои Ҷумҳурии Тоҷикистонро мавриди баррасӣ қарор доданд.
Тавре АМИТ «Ховар» бо истинод ба маркази матбуоти ин ниҳод иттилоъ медиҳад, ҷаласаи мазкур таҳти раёсати Раиси Маҷлиси намояндагон Шукурҷон Зуҳуров доир гардид.
Бояд гуфт, ки Протокол ба Конвенсияи мазкур 11 июни соли 2014 дар Конференсияи генералии Ташкилоти Байналмилалии Меҳнат қабул гардида, яке аз санадҳои байналмилалии ҳатмӣ — ҳуқуқии дорои хусусияти қатъӣ ба шумор меравад.
Тавре узви Кумитаи Маҷлиси намояндагон оид ба қонунгузорӣ ва ҳуқуқи инсон Бахтовар Сафарзода дар суҳбат ба мухбири АМИТ «Ховар» баён дошт, «ин ҳуҷҷат талаботи Конвенсия дар бораи меҳнати маҷбуриро дар самти амалҳои бар зидди чунин зуҳуроти муосир, аз қабили савдои одамон бо мақсади меҳнати маҷбурӣ пурра менамояд».
Бояд гуфт, ки Конвенсияи зикргардида дар мубориза бо ҳама гуна шаклҳои меҳнати маҷбурӣ нақши ҳаётан муҳим гузоштааст.
«Солҳои охир дар ҷараёни татбиқи муқаррароти Конвенсия номутобиқатии он ба масъалаҳои замони муосир ва норасоиҳо дар чораҳои тавсияшавандаи амалӣ, ба монанди чораҳои иловагии пешгирӣ, ҳимоя ва воситаҳои ҳимояи ҳуқуқӣ, ҷуброни зарар ва тавонбахшии ҷабрдидагони меҳнати маҷбурӣ нақши намоён гаштааст», — илова намуд мавсуф.
Ба гуфтаи ин вакили мардумӣ, мазмун ва шаклҳои меҳнати маҷбурӣ айни замон дигаргун шуда, аз ҷумла савдои одамон бо мақсади меҳнати маҷбурӣ ва истисмори шаҳвонӣ мавзӯи изтироби рӯзафзуни ҷомеаи байналмилалӣ гаштаанд.
Бояд гуфт, ки ин норасоиҳоро ба инобат гирифта, коршиносони Ташкилоти Байналмилалии Меҳнат пешниҳодҳоро дар шакли Протокол ба Конвенсия таҳия намуданд.
«Тибқи талаботи протоколи мазкур давлатҳои аъзо уҳдадор мешаванд, ки дар ин самти сиёсати миллӣ чораҳои ба талаботи замон мувофиқ амалӣ намоянд», — илова намуд Бахтовар Сафарзода.
Мавриди зикри хос аст, ки мутобиқи моддаи 8-и Кодекси меҳнати Ҷумҳурии Тоҷикистон дар мамлакати мо меҳнати маҷбурӣ манъ мебошад.
Барно Саидвализода дар ҷаласаи Комиссияи доимии Ассамблеяи байнипарлумонии давлатҳои иштирокдори ИДМ оид ба илм ва маориф иштирок намуд
Файзалӣ Идизода дар музокироти умумии Ассамблеяи 152-юми Иттиҳоди байнипарламентӣ дар шаҳри Истанбул иштирок намуд
Вакили Маҷлиси намояндагон дар ҷаласаи ҳамоҳангсози Ассамблеяи парламентии Осиё иштирок намуд
Раиси Маҷлиси намояндагони Тоҷикистон бо Раиси Жогорку Кенеши Қирғизистон вохӯрӣ намуд
Ҳайати Тоҷикистон дар ҷаласаи 152-юми Иттиҳоди байнипарламентӣ ва иҷлосияи ҳамоҳангсози Ассамблеяи парламентии Осиё иштирок менамояд
Ҷаласаи навбатии иҷлосияи дуюми Маҷлиси намояндагони Маҷлиси Олӣ, даъвати ҳафтум баргузор гардид
ДУШАНБЕ — НИГИНИ КИШВАРИ ОФТОБИИ ТОҶИКОН. Ба Рӯзи пойтахти Тоҷикистон бахшида мешавад
Вакилони парлумонҳои кишварҳои аъзои ИДМ тарҳи таҳрири нави қонуни намунавии «Дар бораи мақоми ваколатдори ҳуқуқи инсон»-ро тасдиқ намуданд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Дар Душанбе масъалаҳои таълиму тарбия, сифати таҳсил ва гузариш ба низоми 12-солаи таълим баррасӣ гардиданд
Ҳамкории Тоҷикистон ва Иттиҳоди Аврупо дар самти такмили низоми идоракунии молияи давлатӣ густариш меёбад
Дар Душанбе тавсияҳои Кумитаи СММ оид ба бартараф намудани ҳама гуна ҳуқуқпоймолкунӣ нисбат ба занон муҳокима гардид
