Аъзои Маҷлиси миллӣ пешниҳоди Президентро ҷонибдорӣ намуданд

Июнь 12, 2019 13:50

ДУШАНБЕ, 12.06.2019 /АМИТ «Ховар»/. Беш аз бист масъалаи муҳими фарогири ҳаёти сиёсию иқтисодӣ  ва иҷтимоию фарҳангӣ Ҷумҳурии Тоҷикистон дар иҷлосияи нуздаҳуми Маҷлиси миллии Маҷлиси  Олии Ҷумҳурии Тоҷикистон, даъвати  панҷум,  ки имрӯз дар шаҳри Душанбе доир гардид,  мавриди баррасии аъзои палатаи болоии Парлумони Тоҷикистон қарор гирифт.

Аъзои Маҷлиси миллӣ Қонуни конститутсионии Ҷумҳурии Тоҷикистон  «Оид ба ворид намудани  тағйиру иловаҳо ба  Қонуни конститутсионии  Ҷумҳурии Тоҷикистон «Дар бораи мақомоти  прокуратураи Ҷумҳурии Тоҷикистон», Қонуни Ҷумҳурии Тоҷикистон

«Дар бораи ҳолати ҷангӣ», «Дар бораи ворид намудани илова ба  Кодекси ҷиноятии Ҷумҳурии Тоҷикистон», «Дар бораи ворид намудани тағйиру иловаҳо ба Кодекси ҳуқуқвайронкунии маъмурии  Ҷумҳурии Тоҷикистон»,  «Дар бораи ворид  намудани  тағйирот ба Кодекси  мурофиавии граждании Ҷумҳурии Тоҷикистон», «Оид ба ворид намудани  тағйироту илова  ба Қонуни Ҷумҳурии Тоҷикистон «Дар бораи  истеҳсолоти иҷро», «Оид ба ворид намудани тағйиру  илова ба Қонуни Ҷумҳурии Тоҷикистон «Дар бораи  милитсия», «Оид ба ворид намуани  тағйир ба Қонуни Ҷумҳурии Тоҷикистон «Дар бораи нотариати давлатӣ» , «Оид ба ворид намудани тағйиру иловаҳо ба Қонуни Ҷумҳурии Тоҷикистон  «Дар бораи разведкаи ҳарбии Қувваҳои Мусаллаҳи  Ҷумҳурии Тоҷикистон» -ро баррасӣ ва ҷонибдорӣ намуданд.

Раисони Кумитаҳои Маҷлиси миллӣ Озода Раҳмон, Зафар Файзуллозода, Фарҳод Раҳимӣ ва Раҳмоналӣ Амирзода  масъалаҳои баррасигардидаро тавзеҳ дода, зикр намуданд, ки ҳадафи қонунҳои баррасишуда пеш аз ҳама ба такмили қонунгузорӣ, мутобиқ намудани  онҳо ба  Конститутсия ва дигар санадҳои меъёрию ҳуқуқии мамлакат,  тақвияти  волоияти қонун дар ҷомеа, баланд бардоштани маърифати ҳуқуқии шаҳрвандон, таҳкими амният ва субот дар кишвар,  рушди иқтисодиёти миллӣ ва беҳдошти вазъи иҷтимоии ҷомеа нигаронида шудаанд.

Ҳамзамон, аъзои Маҷлиси миллӣ Қонуни Ҷумҳурии Тоҷикистон «Дар бораи ассотсиатсияи истифодабарандагони об»-ро, ки аз ҷониби Маҷлиси намояндагони Маҷлиси Олии Ҷумҳурии Тоҷикистон қабул гардидааст, бо инобати хулосаи пешниҳодгардидаи Кумитаи дахлдори Маҷлиси миллӣ бинобар сабаби мухолиф будани баъзе меъёрҳои он ба дигар кодексу қонунҳои амалкунанда бе ҷонибдорӣ барои такмил баргардониданд.

Дар иҷлосия ҳамчунин аъзои Маҷлиси миллӣ дар асоси пешниҳоди Президенти Ҷумҳурии Тоҷикистон  як қатор Қарорҳои Маҷлиси миллии Маҷлиси Олии Ҷумҳурии Тоҷикистонро дар бораи аз вазифаи судяи Суди Олии Ҷумҳурии Тоҷикистон  бозхонд намудани судяҳо  Аҳтам Акрамов  ва Шавкат Лутфуллозодаро  қабул намуданд. Бо пешниҳоди Президенти Ҷумҳурии Тоҷикистон  ва қарори Маҷлиси миллии Маҷлиси Олии Ҷумҳурии Тоҷикистон  Шавкат Лутфуллозода муовини якуми  Раиси Суди Олии Ҷумҳурии Тоҷикистон, инчунин Хисрав Давлатзода, Маҳмад Раҳмонзода  ва Рухшона Ҳаким судяҳои Суди Олии Ҷумҳурии Тоҷикистон интихоб гардиданд.

Дар анҷоми иҷлосияи нуздаҳуми палатаи болоии Парлумони мамлакат аъзои Маҷлиси миллӣ Муҳаммадюсуф Имомзода,  Наргис  Раҳмонова, Раҳмоналӣ Амирзода ва Фарҳод Раҳимӣ бо мақсади  саҳми босазо гузоштан дар таҳкими ҳамкории байнипарлумонии давлатҳои Иттиҳоди Давлатҳои Мустақил  бо медал ва Ифтихорномаҳои Ассамблеяи байнипарлумонии Иттиҳоди Давлатҳои Мустақил сарфароз гардонида шуданд.

Июнь 12, 2019 13:50

Хабарҳои дигари ин бахш

Дар Душанбе дурнамо ва рушди қонунгузории шаҳрак ва деҳот дар шароити ҷаҳонишавӣ баррасӣ карда шуд
Қонуни Ҷумҳурии Тоҷикистон «Дар бораи мақоми омӯзгор» қабул карда шуд
Ҳайати вакилони Тоҷикистон дар Муколамаи дуюми минтақавии парламентӣ оид ба рушди технологияҳои «сабз» иштирок намуд
Дар Маҷлиси намояндагон лоиҳаи Қонуни Ҷумҳурии Тоҷикистон «Дар бораи мақоми омӯзгор» мавриди баррасӣ қарор гирифт
Дар Русия ҷаласаҳои навбатии Ассамблеяи байнипарламентии давлатҳои ИДМ баргузор гардиданд
Файзалӣ Идизода бо ваколатдор оид ба ҳуқуқи инсон дар Федератсияи Русия вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо муовини Раиси Ҳукумати Федератсияи Русия Марат Ҳуснуллин мулоқот намуданд
Файзалӣ Идизода дар ҷаласаи маҷозии роҳбарони парламентҳои кишварҳо иштирок намуд
Иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Ҳайати Гурӯҳи дӯстӣ ва ҳамкории Маҷлиси намояндагони Тоҷикистон бо Палатаи намояндагони Маҷлиси миллии Беларус мулоқот намуд
Намояндаи Тоҷикистон дар Конфронси умумиҷаҳонии парламентӣ оид ба мубориза бо терроризм ва пешгирии ифротгароӣ иштирок намуд
Вакили Маҷлиси намояндагон: «Парлумони Тоҷикистон иштирокчии фаъол ва шарики муътамади Форуми осиёии ҳамкории парламентӣ мебошад»