Ҷамолиддин Нуралиев: «Татбиқи тарҳи «Digital CASA» аз сӯи Бонки ҷаҳонӣ иқтисоди рақамиро дар Тоҷикистон рушд медиҳад»
ДУШАНБЕ, 11.07.2019/АМИТ «Ховар»/. Татбиқи лоиҳаи «Digital CASA» дар Ҷумҳурии Тоҷикистонро муовини аввали раиси Бонки миллии Тоҷикистон Ҷамолиддин Нуралиев барои рушди иқтисоди рақамӣ дар Тоҷикистон муҳим арзёбӣ намудааст. Вай ин матлабро дар мулоқоташ бо гурӯҳи намояндагони Бонки ҷаҳонӣ, дар ҳайати намояндаи доимии БҶ дар Ҷумҳурии Тоҷикистон Ян-Петер Олтерс, сармутахассисони бонк оид ба рушди рақамӣ Хуан Навас-Сабатер, Олег Петров, Михаил Бунчук зимни баррасии масъалаҳои татбиқи лоиҳаи «Digital CASA» дар Ҷумҳурии Тоҷикистон» зикр намуд.
Намояндагони Бонки ҷаҳонӣ таъкид карданд, ки ҳадафи ташрифи ҳайат ба Тоҷикистон ба таври ниҳоӣ муайян ва ҳамоҳанг намудани барномаҳои марбут ба татбиқи самараноки лоиҳаи «Digital CASA» ва механизми маблағгузории он мебошад.
Гуфта шуд, ки ҳадафи асосии лоиҳа зиёд намудани дастрасӣ ба шабакаи Интернети босуръат дар Тоҷикистон, бахусус дар ноҳияҳои дурдаст аст. Татбиқи лоиҳаи мазкур амалигардонии маҷмӯи чорабиниҳоеро дар бар мегирад, ки ба рушди иқтисоди рақамӣ, зиёд намудани пешниҳоди хизматрасониҳои молиявии рақамӣ аз ҷониби ташкилотҳои қарзии молиявӣ, ташкилу тавсеаи тиҷорат ва татбиқи ҳукумати электронӣ мусоидат менамоянд. Татбиқи лоиҳаи номбурда ба Ҷумҳурии Тоҷикистон имконият медиҳад, ки хати шабакаи интернети босуръатро якбора аз чанд самт -аз шарқ – Чин, аз ғарб Қазоқистон, Қирғизистон ва ғайра ба ҷумҳурӣ ворид намояд, ки он сабаби таъминоти устувори Интернет мешавад.
Бояд тазаккур дод, ки рушди иқтисодиёти рақамӣ дар доираи лоиҳаи «Digital CASA» ба пайваст намудани ду минтақаи Осиё- Марказӣ ва Ҷанубӣ мусоидат хоҳад кард. Таъмини ҳамгироии кишварҳои Осиёи Марказӣ ҷиҳати дастрасии комил ба иқтисодиёти рақамии минтақавӣ ва ҷаҳонӣ, фароҳам овардани имконият барои истифода аз хизматрасонии рақамии босифат аз ҳадафҳои муҳими лоиҳаи мазкур маҳсуб меёбад.
Ҷамолиддин Нуралиев зикр намуд, ки татбиқи ин лоиҳа барои рушди минбаъдаи иқтисодиёти кишвар, рушди инфрасохтори рақамӣ ва фароҳам овардани шароити мусоид барои ҳамгироӣ дар минтақа, дастрасии молиявӣ ба шабакаи ҷаҳонии интернет, ба миён омадани рақобати солим ва таъсиси ҷойҳои нави корӣ кумак хоҳад кард.
Ҷамолиддин Нуралиев дар баробари аҳамияти минтақавии лоиҳаи мазкур зикр кард, ки марҳилаи ҷалби бахши хусусӣ дар раванди амалигардонии он мушаххас карда шавад. Дар ин росто, вай аз мутахассисони Бонки ҷаҳонӣ хоҳиш намуд, ки дар ҷараёни ташкили Маркази татбиқи лоиҳаи «Digital CASA» дар Ҷумҳурии Тоҷикистон таҷрибаи мусбати бонк дар амалисозии ҳамин гуна лоиҳаҳо дар мамлакатҳои дигар ба инобат гирифта шавад. Ташкили Маркази боиқтидори татбиқи лоиҳа имконияти назорати амалиёти рақамиро дар сатҳи зарурӣ фароҳам месозад.
Тоҷикистон ва Хазинаи Авруосиёии субот ва рушд лоиҳаи тавсеаи буҷети барномавиро оғоз менамоянд
Ширкатҳои Ҳиндустон ба истеҳсоли молу маҳсулоти саноатӣ дар Тоҷикистон изҳори ҳавасмандӣ намуданд
Имрӯз дар Бангкок ҷаласаи вазирони Барномаи махсуси СММ барои иқтисодиёти Осиёи Марказӣ доир шуд
Тоҷикистон ва Узбекистон гузариши транзитии мошинҳои боркашро осон менамоянд
Дар корхонаи «Роҳи оҳани Тоҷикистон» 130 вагон аз таъмири асосӣ ва умумӣ бароварда шуд
Дар Тоҷикистон беш аз 1,6 миллион тонна бор ва 95,8 ҳазор мусофир интиқол дода шуд
Дар мулоқоти ҳайати Тоҷикистон бо директори Бонки ҷаҳонӣ оид ба масъалаҳои бахши амалиётӣ маблағгузорӣ ба сохтмони неругоҳи «Роғун» баррасӣ гардид
Дар Тоҷикистон иҷрои нақшаи андозҳо ва дигар пардохтҳои ҳатмӣ ба андозаи 105,9% таъмин гардид
Ҳайати Тоҷикистон дар маҷлиси машваратии давлатҳои электорати ҷаласаҳои баҳории Хазинаи Байналмилалии Асъор ва гурӯҳи Бонки ҷаҳонӣ иштирок намуд
Дар Вашингтон машварати мудирони Хазинаи Байналмилалии Асъор аз давлатҳои Шарқи Наздик ва Осиёи Марказӣ доир гардид
Гумрукчиён дар вилояти Суғд қочоқи 2,7 тонна маводи дорувориро пешгирӣ намуданд
Ҳайати Тоҷикистон бо Президенти Бонки сармоягузории Аврупо ҷалби сармоя барои бунёди иншооти гидроэнергетикиро баррасӣ намуд
