Дар шаш моҳи гузашта дар Тоҷикистон зиёда аз 2136 корхонаи саноатӣ ба қайд гирифта шудааст

Июль 30, 2019 10:15

ДУШАНБЕ, 30.07.2019. /АМИТ «Ховар»/. Дар шаш моҳ дар ҷумҳурӣ зиёда аз 2136 корхонаи саноатии ҳисоботдиҳанда (якҷо бо корхонаҳои хурд) ба қайд гирифта шуд. Дар ин бора имрӯз зимни нишасти ин ниҳод Вазири саноат ва технологияҳои нави Ҷумҳурии Тоҷикистон Заробиддин Файзуллозода ибрози назар намуд.

 Ба маълумоти номбурда, дар давраи ҳисоботӣ дар ҷумҳурӣ 146 корхона ва коргоҳҳои нав бо таъсиси 1864 ҷойҳои кории нав ба истифода дода шудаанд.

Аз ҷумла:

Бино ба маълумоти Вазир, дар давраи ҳисоботӣ барои таъсиси истеҳсолоти нав, воридоти таҷҳизоти технологӣ ва васеъгардонии фондҳои истеҳсолӣ дар соҳаҳои саноат 219,8 миллион сомонӣ маблағ сармоягузорӣ карда шудааст.

«Таҷҳизоти муосири воридгардида, аз қабили дастгоҳҳои мебелбарорӣ дар корхонаи ҶДММ «Бисот»-и шаҳри Душанбе, хатти технологии истеҳсоли маҳсулоти ширӣ дар корхонаҳои ҶДММ «Истеҳсоли маҳсулоти ширии «Ватан»-и шаҳри Душанбе ва ҶДММ «Авитсена»-шаҳри Ҳисор ва дастгоҳи сангбурӣ дар ҶДММ «Зиркон»-и шаҳри Душанбе васлу насб гардидаанд, ки барои истеҳсоли маҳсулоти ба талаботи стандартӣ ҷавобгӯ ва дар бозорҳои дохил ва хориҷ рақобатпазир мусоидат менамоянд»,-гуфт Заробиддин Файзуллозода.

Ба нақли номбурда, пас аз бунёди як зумра корхона ва коргоҳҳои бузурги саноатӣ, аз қабили  Маҷмааи нассоҷии ҶСП «Ҷунтай Данғара Син Силу Текстил»,  ҶДММ «Фарм текс» ва истеҳсоли рангҳои эмулсионии   МОИ «Данғара»  дар ноҳияи Данғара,  корхонаҳои коркарди пӯсти ҶДММ «Матин Чарм» дар шаҳри Душанбе ва ҶДММ «Ҳасан саноат» дар шаҳри Ваҳдат, корхонаи истеҳсоли орди  «Анҳор» дар шаҳри Бӯстон, корхонаи истеҳсоли бозичаҳои бачагонаи ҶДММ «Ариана металл пласт»-и вилояти Суғд, корхонаи коркарди маъдан ба СА «Минералз» дар ноҳияи Мурғоби ВМКБ, корхонаи истеҳсоли тракторҳои кишоварзии ҶСП «Агротехсервис» дар шаҳри Ҳисор ва як қатор корхонаву коргоҳҳои саноатӣ дар рушди соҳаи саноат нақши арзандаи худро гузошта, барои таъмини бозори дохилии мамлакат бо маҳсулоти  ватанӣ  ва баланд бадоштани иқтидори содиротии ҷумҳурӣ саҳми назаррас гузоштанд.

Инчунин зикр гардид, ки бо пурра ба роҳ мондани фаъолияти истеҳсолӣ дар корхонаҳои мазкур молу маҳсулоти дар бозори ҷаҳонӣ рақобатпазир истеҳсол гардида, дар марҳилаи аввал беш аз 3000 нафар бо ҷойи кори доимӣ таъмин мегарданд.

Вазири саноат ва технология шумораи корхонаҳои аз фаъолият бозмондаро дар нимсолаи якум 181 адад ном бурд.

Заробиддин Файзуллозода дар идома сабабҳои фаъолият накардани корхонаҳои саноатиро дар баробари таъсири омилҳои берунӣ, нарасидани ашёи хому маблағҳои гардишӣ, тамдид нашудани муҳлати иҷозатнома, мавсимӣ будани фаъолият,  фарсуда гаштани таҷҳизоти технологӣ, маҳдуд гардидани бозорҳои анъанавии фурўши маҳсулот дар натиҷаи рақобат карда натавонистани маҳсулоти истеҳсолшуда ва иваз намудани самти фаъолияту баҳсҳои амволӣ, инчунин дар наомӯхтани бозори дохилию хориҷӣ ва бе хулосаи мутахассисони соҳибтаҷрибаи соҳаи саноат таъсис додани корхонаву коргоҳҳо вобаста донист.

«Чунин корхонаву коргоҳҳо дар натиҷа молҳои истеҳсолнамудаи худро ба фурўш бароварда натавониста, ба муфлисшавӣ дучор мегарданд ё аз фаъолият боз мемонанд, ки ин боиси сарфи ғайримақсадноки маблағҳо дар истеҳсолот мегардад. Дар натиҷаи таҳлили фаъолияти корхонаҳои истеҳсолии  аз фаъолият бозмонда маълум гардид, ки аксарияти корхонаҳое, ки дар рӯйхати корхонаҳои аз фаъолият бозмонда дарҷ гардидаанд, бинобар қарздор будан аз андоз, бо дигар ном фаъолият кардан ва ё ин ки ба дигар соҳибкор ба иҷора додани корхонаҳо боиси дар ҳисоботи оморӣ ҳамчун корхонаҳои аз фаъолият бозмонда ба қайд гирифта мешаванд»,-гуфт Вазири саноат ва технологияҳои нав.

Аз ин лиҳоз Вазорат дар самти аз рӯйхати корхонаҳои аз фаъолиятбозмонда баровардани чунин корхонаҳое, ки бо дигар ном фаъолият карда истодаанд, кор бурда истодааст.

 

Июль 30, 2019 10:15

Хабарҳои дигари ин бахш

Дар Душанбе густариши ҳамкории тиҷоратии дуҷониба миёни Тоҷикистон ва Туркия баррасӣ гардид
ИМРӮЗ-РӮЗИ УМУМИҶАҲОНИИ МЕТРОЛОГҲО. Баъд аз 25 сол Қонуни Ҷумҳурии Тоҷикистон «Дар бораи таъмини ченаки ягона» вобаста ба шароити замон таҳия шуд
ФОРУМИ САРМОЯГУЗОРӢ ДАР БРЮССЕЛ. Ширкатҳои Тоҷикистон ва Аврупо якчанд санади ҳамкорӣ ба имзо расониданд
Дар Душанбе ҳамоиши соҳибкорони Тоҷикистон ва Туркия баргузор гардид
Намояндаи Тоҷикистон дар нишасти роҳбарони маъмурияти сайёҳии кишварҳои СҲШ дар Тошканд иштирок намуд
Миёни Тоҷикистон ва Туркия робитаҳои иқтисодӣ, тиҷоратӣ ва фарҳангӣ тақвият меёбанд
Дар Душанбе Созишнома оид ба маблағгузории Лоиҳаи барқарорсозии неругоҳи «Норак», марҳилаи II ба имзо расид
Ҳайати вилояти Суғд ба Ҷумҳурии Туркия сафар намуд
Созишнома оид ба маблағгузории Лоиҳаи барқарорсозии устувори ландшафтҳо дар Тоҷикистон ба имзо расид
Дар Тоҷикистон ҷамъоварии ҳосили пилла ҷараён дорад
Барномаи мутобиқшавӣ ба тағйирёбии иқлим ва кам кардани таъсири он дар ҳавзаи баҳри Арал мавриди баррасӣ қарор гирифт
«БЕҲ АЗ САНОИ ОЛАМ ДЕҲҚОН АСТ!..». Дар Кодекси нави андоз имтиёзҳои соҳаи кишоварзӣ на танҳо нигоҳ дошта шуданд, балки зиёд гардиданд