«ДИДОРИ НАСЛҲО». Имрӯз дар Душанбе мулоқоти варзишгарони ҷавон бо собиқадорони соҳа доир гардид
ДУШАНБЕ, 08.08.2019 /АМИТ «Ховар»/. Бахшида ба Рӯзи варзишгарони Тоҷикистон имрӯз дар шаҳри Душанбе таҳти унвони «Дидори наслҳо» мулоқоти варзишгарони ҷавону муваффақ бо собиқадорони соҳа доир гардид.
Зимни мулоқот Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода зикр намуд, ки имрӯз варзиш аз самтҳои афзалиятноки сиёсати иҷтимоии давлату Ҳукумат ва муаррифи миллати тоҷик ба шумор меравад.
Ҳоло тамоми шароити маишиву тамринӣ ва фароғатӣ барои варзишгарони ҷавон муҳайё карда шудааст. То ҷавонон аз он бархурдор шуда, парчами Тоҷикистонро дар арсаи байналмилалӣ баланд бардоранд.
Ба ибрози номбурда, агар дар 70 соли собиқ Иттиҳоди Шӯравӣ варзишгарони тоҷик 133 медал ба даст оварда бошанд, дар 28 соли соҳибистиқлолӣ ин шумора ба 5 ҳазор расидааст, ки ин 40 маротиба зиёд мебошад.
«Ҳоло баҳри тамрини варзишгарон ҳудуди 10 ҳазор иншооти варзишӣ фаъолият доранд. Танҳо давоми ду соли охир ба истифода додани беш аз 200 иншооти гуногуни варзишӣ дар шаҳри Душанбе аз таваҷҷуҳи бевоситаи Пешвои миллат нисбат ба соҳаи варзиш дарак медиҳад»,- гуфт Аҳтам Абдуллозода.
Бояд зикр намуд, ки бо мақсади муаррифии варзиши тоҷик варзишгарони ҳайати дастаи мунтахаби ҷумҳурӣ дар шаш моҳ дар 65 мусобиқаи байналмилалӣ иштирок намуда, 231 медал ба даст оварданд. Ин нисбат ба ҳамин давраи соли гузашта 134 адад зиёд мебошад.
Сарвари давлат: «Футбол дар Тоҷикистон рамзи ваҳдат ва ифтихори миллӣ мебошад»
Президенти Тоҷикистон: «Барномаҳои давлатии рушди футбол барои оммавӣ гардонидани ин намуди варзиш ва инфрасохтор заминаи мусоид мебошанд»
ИДИ ҲАҚИҚИИ ФУТБОЛ! Рӯзи ҷаҳонии футбол дар Душанбе бо шукӯҳу шаҳомат таҷлил шуд
Рушди варзиш ва инфрасохтори муосир муҳимтарин самт дар сиёсати Ҳукумати Тоҷикистон мебошад
Эмомалӣ Раҳмон: «Рӯзи ҷаҳонии футбол боз як нишонаи нақши фаъол ва обрӯи афзояндаи Тоҷикистон дар арсаи ҷаҳонӣ мебошад»
ИМРӮЗ — РӮЗИ ҶАҲОНИИ ФУТБОЛ. Ташаббуси Президенти Федератсияи футболи Тоҷикистон Рустами Эмомалӣ миллиардҳо нафарро дар саросари дунё муттаҳид менамояд
Дар шаҳри Душанбе Фестивали футбол ва шоми ҷавонӣ баргузор гардид
РӮЗИ ҶАҲОНИИ ФУТБОЛ. Пагоҳ дар Душанбе Фестивали футбол барои кӯдакон баргузор мегардад
РУШДИ ФУТБОЛИ МИЛЛӢ. Барои расидан ба ин ҳадаф тадбирҳои муҳим андешида мешаванд
Мусобиқаи ҷумҳуриявии футболи хурд барои дарёфти «Ҷоми Ҳизби Халқии Демократии Тоҷикистон» баргузор шуд
Дар Хатлон ба муносибати Рӯзи ҷаҳонии футбол фестивали бозиҳои варзишӣ доир шуд
РӮЗИ ҶАҲОНИИ ФУТБОЛ. Бозии нахустини Лигаи футболи Вилояти Мухтори Кӯҳистони Бадахшон доир шуд
