Инфрасохтори сайёҳии Бонки миллии Тоҷикистон дар Намоишгоҳи байналмилалии сайёҳии «Тоҷикистон-2019» муаррифӣ гардид

Август 10, 2019 10:53

ДУШАНБЕ, 10.08.2019 /АМИТ «Ховар»/. Дар нахустин  Намоишгоҳи байналмилалии сайёҳии «Тоҷикистон-2019», ки шоми 8 август дар Боғи фарҳангу фароғатии «Куруши Кабир» доир гардид, дар радифи  дигар имконоти сайёҳии мамлакат  инчунин сатҳи хизматрасонӣ ва зарфиятҳои Осоишгоҳи «Баҳористон», истироҳатгоҳи «Шоҳин» ва Маркази таълимии Бонки миллии Тоҷикистон ба  меҳмонони дохиливу хориҷӣ муаррифӣ гардиданд.

 Дар ин намоишгоҳи имкониятҳои  сайёҳӣ ва ҳунармандӣ Гӯшаи зерсохторҳои  Бонки миллии Тоҷикистонро муовинони Раиси Бонки миллии Тоҷикистон Лола Салимова ва Ҳамидулло Машрабзода муаррифӣ карда, оид ба имконияти фарохи марказҳои таълимии Бонки миллии Тоҷикистон дар шаҳри Гулистон ва Хоруғ, истироҳатгоҳи «Шоҳин», Осоишгоҳи «Баҳористон» ба меҳмонон маълумоти зарурӣ пешниҳод намуданд.

Гуфта шуд, ки имкониятҳои фароҳам гашта дар марказҳои сайёҳии Бонки миллии Тоҷикистон барои сайёҳони дохиливу хориҷӣ мувофиқ ба стандартҳои байналмилалӣ буда, сол то сол шумораи ташрифоварандагон меафзояд. Инро дида, масъулин сатҳи хизматрасониву малакаи касбии кормандони марказҳои мазкурро бо баргузории семинару чорабиниҳои таълимӣ такмил медиҳанд.

Бояд тазаккур дод, ки намоишгоҳи мазкур дар доираи баргузории нахустин Форуми байналмилалии сайёҳии «Тоҷикистон-2019» доир гардида, аз он намояндагони 25 кишвари ҷаҳон дидан намуданд.

Август 10, 2019 10:53

Хабарҳои дигари ин бахш

Дар даромадгоҳи дараи Камароб Маркази хизматрасонии сайёҳӣ ба истифода дода шуд
ИСТИҚЛОЛИЯТ ТОҶИКИСТОНРО БО ҶАҲОН ВА ҶАҲОНРО БО ТОҶИКИСТОН ПАЙВАНДИ ҲАМЕШАГӢ БАХШИД. Андешаҳои Пешвои миллат доир ба ин неъмати бебаҳо
ИСТИҚЛОЛИЯТ ОЛИТАРИН ДАРАҶАИ БАХТУ САОДАТИ МИЛЛАТРО ТАЪМИН МЕНАМОЯД. Андешаҳои Президенти Тоҷикистон муҳтарам Эмомалӣ Раҳмон доир ба ин неъмати бебаҳо
Фаҳд Ҳамад Ал-Сулайтӣ: «Қатар ният дорад ҳамкориро бо Тоҷикистон дар бахшҳои гуногун вусъат диҳад»
Донишгоҳи байналмилалии сайёҳӣ ва соҳибкории Тоҷикистон ҳамкориро бо ширкатҳои хориҷӣ тақвият мебахшад
Мотосиклронҳои «Ралли Осиёи Марказӣ-2025»-ро дар Тоҷикистон истиқбол гирифтанд
Нишасти муштарак байни роҳбарони ширкатҳои сайёҳии Тоҷикистон ва Эрон баргузор шуд
Ҷаласаи чоруми Гурӯҳи кории ҷумҳуриявӣ дар самти рушди сайёҳӣ доир шуд
Дар Бадахшон Форуми байналмилалии сайёҳӣ баргузор гардид
Рушди ҳамкории дуҷонибаи Тоҷикистон ва Белгия дар соҳаи сайёҳӣ баррасӣ гардид
Дар Конфедератсияи Швейтсария имконоту зарфияти сайёҳии Тоҷикистон муаррифӣ гардид
Ҷаласаи кумитаи тадорукоти «Намоишгоҳи байналмилалии сайёҳии Душанбе» доир гардид