Сафири навтаъйини Украина дар Тоҷикистон Василий Серватюк ба Душанбе омад
ДУШАНБЕ, 07.08.2019 /АМИТ «Ховар»/. 6 августи соли 2019 муовини Вазири корҳои хориҷии Ҷумҳурии Тоҷикистон Зоҳир Саидзода нусхаи эътимодномаи Сафири навтаъйини Фавқулода ва Мухтори Украина дар Ҷумҳурии Тоҷикистон Василий Серватюкро қабул намуд.
Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, зимни мулоқот ҳолати кунунӣ ва дурнамои рушди муносибатҳои Ҷумҳурии Тоҷикистон бо Украина мавриди баррасӣ қарор гирифт.
Зоҳир Саидзода Василий Серватюкро ба муносибати ба ин вазифа таъйин шуданаш табрик намуда, ба ӯ дар пешбурди фаъолияти пурмасъулаш барору комёбиҳо таманно кард.
Ёдовар мешавем, ки Серватюк Василий Николаевич 12 марти соли 1957 дар деҳаи Украинкаи вилояти Кировоград таваллуд шудааст. Омӯзишгоҳи олии ҳарбии сарҳадии ба номи К. Ворошилов (с.1978) ва Академияи ҳарбии ба номи Фрунзе (с.1987)-ро хатм кардааст. Аз соли 1978 то соли 1992 дар Закавказ ва Осиёи Миёна хизмат кардааст.
Сафири навтаъйини Украина рутбаи генерал-лейтенант дорад. Ӯ доктори илмҳои ҳарбӣ оид ба ихтисоси «Ҳимояи сарҳади давлатӣ», профессор мебошад.
То ин дам Серватюки 62-сола ба ҳайси муовини раиси Хадамоти сарҳади давлатии Украина кор мекард.
То таъйин шудани В. Серватюк намояндагии дипломатии Украинаро дар Тоҷикистон Виктор Никитюк, ки аз моҳи августи соли 2012 то октябри соли 2018 ҳамчун Сафири Украина дар Ҷумҳурии Тоҷикистон фаъолият дошт, намояндагӣ мекард.
Дар Ню-Йорк ҳамкории Тоҷикистон ва Созмони Милали Муттаҳид дар соҳаи иртибототи глобалӣ баррасӣ гардид
Густариши ҳамкории Тоҷикистон бо Чин, Қирғизистон ва Покистон баррасӣ шуд
Сироҷиддин Муҳриддин дар нишасти Шурои вазирони корҳои хориҷии Созмони ҳамкории Шанхай иштирок намуд
Масири дӯстӣ: Марҳилаи нави таърихӣ дар муносибатҳои Тоҷикистон ва Муғулистон
Сафири Тоҷикистон бо намояндагони Котиботи давлатии ИМА мулоқот намуд
САФАРИ ТАЪРИХӢ БА ҚАЛБИ ОСИЁ. Ва ё чаро Муғулистон барои Тоҷикистон муҳим аст?
Дар Москва қатъномаи СММ оид ба «Даҳсолаи байналмилалии таҳкими сулҳ ба хотири наслҳои оянда» муаррифӣ шуд
Дар Масқат масъалаи рушди ҳамкории Тоҷикистону Умон дар соҳаи тандурустӣ баррасӣ шуд
Рушди муносибатҳои дуҷонибаи Тоҷикистон ва Кувайт баррасӣ шуд
Идибек Қаландар дар Муколамаи сатҳи баланди сиёсӣ ва амниятии Иттиҳоди Аврупо ва Осиёи Марказӣ иштирок намуд
Сафири Тоҷикистон дар Давлати Кувайт бо Дабири кулли Муколамаи ҳамкории Осиё мулоқот намуд
Мероси Мир Сайид Алии Ҳамадонӣ дар нишасти байналмилалӣ дар Теҳрон баррасӣ гардид
