Ҷаҳонпаҳлавони тоҷик Сомон Маҳмадбеков ба Ватан баргашт

Октябрь 24, 2019 13:50

ДУШАНБЕ, 24.10.2019. /АМИТ «Ховар»/. Чанд лаҳза пеш паҳлавони маъруфи тоҷик Сомон Маҳмадбеков пас аз ғолибият дар Чемпионати ҷаҳон оид ба дзюдо тавассути хатсайри Красноярск – Душанбе ба Ватан баргашт. Дар ин бора шореҳи варзиши АМИТ «Ховар» Меҳрони Қурбон хабар медиҳад.

Тибқи иттилои манбаъ, имрӯз Фурудгоҳи байналмилалии Душанбе пур аз мухлисону дӯстдорони варзиш, хешовандону наздикон ва масъулони соҳаи варзиши мамлакат буд. Ҳамагӣ аз субҳи барвақт мунтазири нафаре буданд, ки дар арсаи ҷаҳонӣ суруди миллии Тоҷикистонро ба гӯши ҷаҳониён расонида, парчами давлатиро дар арсаи олам парафшон намуд.

Ёдовар мешавем, ки чанд рӯз пеш дар Чемпионати ҷаҳон дар Марокаш паҳлавони шинохтаи тоҷик Сомон Маҳмадбеков дар вазни то 73 кг миёни ҷавонон аз рӯи варзиши дзюдо қаҳрамони ҷаҳон гардид.

Дар ин  мусобиқаи сатҳи баланди ҷаҳонӣ, ки 517 варзишгар аз 81 кишвари ҷаҳон ширкат варзиданд, Сомон ба ҳамаи рақибонаш пирӯз гардида, медали тиллои мусобиқаро ба даст овард.  Паҳлавони тоҷик баъд аз ин пирӯзӣ дар раддабандии олимпии вазни 73 килои Федератсияи ҷаҳонии дзюдо аз ҷои 21-ум ба мақоми 14-ум ва дар раддабандии ҷаҳонӣ аз ҷои 31-ум ба ҷои 19-ум баромад.

Кумитаи миллии олимпии Ҷумҳурии Тоҷикистон дар Чемпионати ҷаҳон оид ба дзюдо миёни ҷавонон соҳиби медали тилло ва унвони чемпионӣ гардидани паҳлавони  маъруфи  тоҷик Сомон Маҳмадбековро қадрдонӣ карда, ӯро бо мукофотпулӣ дар ҳаҷми 10 000 сомонӣ қадрдонӣ намуд.

Қобили зикр аст, ки Сомон Маҳмадбеков аз дастгирии молиявии Кумитаи миллии олимпии Тоҷикистон ҳар моҳ дар ҳаҷми 300 доллари ИМА бархурдор буда, охири сол барои ин дастовардаш дар ҳаҷми 50 000 сомонӣ бо Ҷоизаи Президенти Ҷумҳурии Тоҷикистон сарфароз мегардад.

Октябрь 24, 2019 13:50

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад