Дар ноҳияи Шамсиддини Шоҳин 15 маркази саломатӣ ва 18 бунгоҳи тиббӣ кумаки аввалини тиббию санитарӣ мерасонанд

Ноябрь 2, 2019 11:31

ДУШАНБЕ, 02.11.2019 /АМИТ «Ховар»/. Дар Беморхонаи марказии ноҳияи Шамсиддини Шоҳин  шуъбаҳои занона, таваллуд, ҷарроҳӣ, эҳёгарӣ, кӯдакона ва шуъбаи бемориҳои даруна амал мекунанд.

Сартабиби Беморхонаи марказии ноҳия Аҳмадхон Дӯстов зимни суҳбат изҳор дошт, ки беморхонаи маркази ноҳия аз солҳои шӯравӣ фаъолият дорад. Он ду сол боз тариқи барномаи кафолати давлатӣ амал намуда, ба шаҳрвандони камбизоат ройгон хизмати тиббӣ мерасонад.

Ҳоло дар беморхона 28 духтури дорои маълумоти олӣ фаъолият мекунанд. Дар самти кумаки аввалини тиббию санитарӣ 15 маркази саломатӣ ва 18 адад бунгоҳи тиббӣ фаъолият доранд. Инчунин беморхона дорои 123 кат буда, феълан дар он 25 нафар беморон ба табобат фаро гирифта шудаанд.

Соли 2020 бо дастгирии Ҳукумати Ҷумҳурии Тоҷикистон ва маблағгузории Бонки рушди Осиё дар ноҳияи Ш. Шоҳин сохтмони бинои нави беморхонаи маркази ноҳия оғоз мегардад. Бинои мазкур то ҷашни 30 – солагии Истиқлолияти давлатӣ мавриди баҳрабардорӣ қарор мегирад.

Айни замон дар ноҳияи Ш. Шоҳин 50 нафар духтурони маълумоти олидор намерасанд.

Дар беморхонаи марказии ноҳия 2 мошини ёрии таъҷилӣ дар ҳолати омодабош қарор доранд. Дар 9 моҳи сипаригардида 726 таваллуди кӯдак ба қайд гирифта шудааст.

То ҷашни 30-солагии Истиқлолияти давлатӣ дар ноҳияи Ш.Шоҳин дар баробари дигар иншоот бунёди 10 бунгоҳи тиббӣ ва маркази саломатӣ дар назар дошта шудааст.

Ноябрь 2, 2019 11:31

Хабарҳои дигари ин бахш

Дар Файзобод ба муносибати ҷашни Сада барои ятимону маъюбон барномаи идона доир карданд
ОБУ ҲАВО. Имрӯз дар Тоҷикистон ҳаво рӯзона то 10 дараҷа гарм мешавад
30 январ дар вазоратҳои энергетика ва захираҳои об, кишоварзӣ, фарҳанг ва Хадамоти алоқа оид ба ҷамъбасти соли 2022 нишасти матбуотӣ доир карда мешавад
ОБУ ҲАВО. Имрӯз дар Тоҷикистон ҳавои камабри бебориш дар назар аст
Дар ноҳияи дурдасти Мурғоб корхонаи муосири дӯзандагӣ ба фаъолият оғоз кард
ОБУ ҲАВО. Имрӯз дар шаҳри Душанбе ҳаво рӯзона то 8 дараҷа гарм мешавад
ОБУ ҲАВО. Имрӯз дар ноҳияҳои алоҳидаи Тоҷикистон бориши сусти барф ба амал меояд
Дар вилояти Хатлон амалиёти «Ҳифзи ҳайвоноту парандагони нодир» идома дорад
ОБУ ҲАВО. Имрӯз дар шаҳри Душанбе ҳаво рӯзона 4 дараҷа гарм мешавад
ТАВСИЯҲО БА БОҒДОРОН ДАР ТОҶИКИСТОН: дар рӯзҳои сард аз буридани шохаҳои дарахтон худдорӣ намоед!
ОБУ ҲАВО. Имрӯз дар Тоҷикистон ҳавои абрнок мешавад
ҲАДАФ-ҲИФЗИ ПАРАНДАГОНУ ҲАЙВОНОТ АЗ САРМО. Дар Муъминобод корҳои биотехникӣ гузаронида шуданд