Баррасии таъминоти метрологии воситаҳои ченак дар муассисаҳои тандурустӣ

Декабрь 19, 2019 11:03

ДУШАНБЕ, 19.12.2019. /АМИТ «Ховар»/. «Моҳияти таъминоти метрологии воситаҳои ченак дар муассисаҳои тандурустӣ»- таҳти ин ном дар Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон (“Тоҷикстандарт”) семинари омӯзишӣ доир гардид.

Тавре ба АМИТ «Ховар» аз “Тоҷикстандарт” хабар доданд, дар семинар зиёда аз 60 нафар намояндагони озмоишгоҳ ва муассисаҳои тиббии шаҳри Душанбе, ки бо таҷҳизоти озмоишӣ фаъолият доранд, иштирок намуданд.

Дар оғози ҳамоиш аз ҷониби роҳбарияти  Агентии “Тоҷикстандарт” таъкид гардид, ки имрӯз барои ҳифзи солимии омма таъминоти соҳаи тандурустӣ бо таҷҳизоти муосиру ба талабот ҷавобгӯ дар мадди назари роҳбарияти давлату Ҳукумати мамлакат қарор дорад ва маблағгузориҳо ба ин соҳаи ҳаётан муҳим сол то сол афзун мешавад. Ҳоло дар мамлакат садҳо озмоишгоҳ дар сохтори беморхонаҳо  фаъолият доранд, ки вазифаи онҳо бо истифода аз технологияҳои муосир ва таҷрибаи  пешқадами ҷаҳонӣ ташхис ва муайян кардани бемориҳо мебошад. Тибқи маълумоти мақомоти дахлдор,  мутаассифона, ҳоло ҳам дар ин самт мушкилиҳо ҷой дошта, дар бештари озмоишгоҳҳо истифодаи таҷҳизоти муосир ва сифати хизматрасонӣ қонеъкунанда нест. Дар як қисми ин муассисаҳо таҷҳизоту технология кӯҳнаву аз санҷишӣ метрологӣ нагузаштаанд.

Дар идомаи семинар мутахассисони соҳаи метрологияи Агентии “Тоҷикстандарт” иброз доштанд, ки метрология дар ҳаёти ҳаррӯзаи инсон аҳамияти аввалиндараҷа дошта, ҳар лаҳза инсон бо метрология сару кор дорад. Санҷишу истифодаи дурусти таҷҳизоту воситаҳои ченак дар соҳаи тиб низ воситаи таъмини солимии аҳолӣ мебошад. Воситахои ченак, ба монанди вазн, қувва, фишор, ҳаракат, дарозӣ, ҳаҷм, кунҷ ва дигар воситаҳои ченак бояд сари вақт дар муҳлати муайяншуда аз санҷиш гузаронида шаванд. Би ин восита тандурустии сокинон таъмин карда мешавад. Гуфта шуд, ки мутахассисон бояд таҷрибаи баланди корӣ дошта бошанд ва ё ҳар як воситаи ченакро дурусту дақиқ аз худ карда, ҳангоми санҷишу ташхис масъулияти баланд эҳсос намоянд.

Зимни семинар ҳозирин доир ба як зумра масъалаҳо оид ба дурусту самаранок истифода бурдани воситаҳои ченак дар соҳаи тиб  машварат анҷом доданд. Миёни намояндагони муассисаҳои тиббӣ ва мутахассисони Агентии “Тоҷикстандарт” саволу ҷавоб доир шуда, барои баланд бардоштани сифати кору хизматрасонӣ ва омӯзишу дуруст истифода бурдани таҷҳизоти озмоишии тиббӣ пешниҳоду андешаҳо баён гардиданд.

Декабрь 19, 2019 11:03

Хабарҳои дигари ин бахш

Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд