«САПЕДА-2019». Дар Душанбе даври ҷамъбастии Фестивал-озмуни кӯдакон ва наврасони ҳунарманд доир мешавад
ДУШАНБЕ, 21.12.2019. /АМИТ «Ховар»/. Пагоҳ, 22 декабр дар Филармонияи давлатии Тоҷикистон ба номи Акашариф Ҷӯраеви шаҳри Душанбе даври ҷамъбастии Фестивал-озмуни кӯдакон ва наврасони ҳунарманд таҳти унвони «Сапеда-2019» баргузор мегардад.
Тавре аз маркази матбуоти Вазорати фарҳанги Ҷумҳурии Тоҷикистон ба хабарнигори АМИТ «Ховар» иттилоъ доданд, дар фестивал-озмун 41 нафар ғолибони ду даври озмун аз муассисаҳои таълимии санъат ва мусиқии шаҳри Душанбе, ки дар риштаҳои гуногун маҳорату истеъдоди хосса нишон додаанд, иштирок мекунанд.
Бино ба иттилои манбаъ, озмуни мазкур бо ташаббуси Вазорати фарҳанги Ҷумҳурии Тоҷикистон роҳандозӣ гардида, ҳадаф аз баргузории он фароҳам овардани шароит барои вусъати эҷодӣ ва қобилияти кӯдакону наврасон, дарёфти чеҳраҳои нави иҷрокунандагони нақшҳои таърихӣ, овозхону навозандагон, раққосон, наттоқон, ровиён ва дигар ҳунармандон, инчунин ба ин восита муҳайё намудани шароит барои равнақи суннатҳои миллӣ ва тарбияи маънавии ҷомеа мебошад.
Ёдовар мешавем, ки Фестивал-озмуни кӯдакон ва наврасони ҳунарманд «Сапеда-2019» соати 14:00-и санаи зикршуда оғоз мегардад.
Дар Осорхонаи миллии Тоҷикистон оид ба дастовардҳои Истиқлоли давлатӣ ҳамоиш доир гардид
Моҳи октябр дар Душанбе Бозиҳои XX Делфии ҷавонони кишварҳои аъзои ИДМ доир мегардад
Дар Душанбе Рӯзҳои кинои Эрон баргузор мегарданд
Дар Рим Намоишгоҳи байналмилалии «Тоҷикистон – кишвари ёдгориҳои нодир» ташкил карда мешавад
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар Осорхонаи миллии Тоҷикистон маҳфили «Шоҳномахонӣ» баргузор гардид
«ТОҶИ СОМОН». Марҳилаи интихоби беҳтарин филмҳо барои синамоҷоизаи миллӣ оғоз гардид
Котиби генералии Ассамблеяи парламентии Осиё дар Осорхонаи миллӣ бо таъриху тамаддуни тоҷикон шинос шуд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
