Раиси Кумитаи иҷроияи ҲХДТ дар шаҳри Душанбе номзад ба вакилии Маҷлиси намояндагон пешбарӣ шуд
ДУШАНБЕ, 13.01.2020. /АМИТ «Ховар»/. 11-уми январи соли 2020 дар Конференсияи муштараки ташкилотҳои Ҳизби Халқии Демократии Тоҷикистон дар ноҳияҳои Фархор ва Панҷ номзадии раиси Кумитаи иҷроияи ҲХДТ дар шаҳри Душанбе Зоир Раҳмонзода ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатаи Фархор №34 пешбарӣ шуд.
Дар кори Конференсия узви Раёсати КИМ ҲХДТ Саидмурод Фаттоҳзода, раиси Кумитаи иҷроияи ҲХДТ дар вилояти Хатлон Абдулло Раҳмонзода, раиси Кумитаи иҷроияи ҲХДТ дар ноҳияи Фархор Алиҷон Назаров ва раиси Кумитаи иҷроияи ҲХДТ дар ноҳияи Панҷ Каримҷон Файзиев ширкат намуданд.
Дар конференсия масъалаи пешбарии номзад ба вакилии Маҷлиси намояндагони Маҷлиси Олии Ҷумҳурии Тоҷикистон дар ҳавзаи интихоботии якмандатаи Фархор №34 мавриди баррасии вакилон қарор гирифт.
Ҳамин тариқ, тибқи овоздиҳии пинҳонӣ ва хулосаи комиссияи баҳисобгирии овозҳо раиси Кумитаи иҷроияи ҲХДТ дар шаҳри Душанбе Зоир Раҳмонзода бо гирифтани овози бештар номзад ба вакилии Маҷлиси намояндагони Маҷлиси Олии Ҷумҳурии Тоҷикистон аз ҳавзаи интихоботии якмандатаи Фархор №34 пешбарӣ гардид.
Ёдовар мешавем, ки Раҳмонзода Зоир 8-уми январи соли 1981 дар ноҳияи Фархори вилояти Хатлон дар оилаи деҳқон таваллуд шудааст. Баъди хатми мактаби миёна, таҳсилро дар Донишкадаи соҳибкорӣ ва хизмати Тоҷикистон идома бахшида, соли 2003 онро ба итмом мерасонад.
Номбурда корро дар ин Донишкада аз зинаҳои ибтидоии коромӯзу, ассистент ва муаллими калон оғоз намуда, то соли 2013 дар ин боргоҳи илму маърифат вазифаҳои директори Маркази иттилоотӣ – коммуникатсионӣ, мудири кафедра ва декани факултет адои вазифа намудааст.
Номбурда рисолаи номзадии худро дар риштаи илмҳои технологияи муосир соли 2011 дифоъ намуда, сазовори дипломи нозади илмҳои иқтисодӣ мегардад. Ӯ соҳиби як монографияи илмӣ, 11-китоби дарсӣ ва беш аз 110 мақолаву матолиби илмӣ-тадқиқотӣ мебошад. Соли 2013 директори Коллеҷи омори шаҳри Ваҳдатро бар уҳда дошт. Аз соли соли 2015 вакили Маҷлиси вакилони халқии ноҳияи Фирдавсии шаҳри Душанбе мебошад. Соли 2013 бо ҷоизаи ба номи Исмоили Сомонӣ ҳамчун олими ҷавон дар соҳаи илм ва технологияи муосир қадрдонӣ гардидааст. Раҳмонзода З. Ф. аз моҳи марти соли 2017 ба ҳайси раиси Кумитаи иҷроияи ҲХДТ дар шаҳри Душанбе ифои вазифа намуда истодааст.
Қонуни Ҷумҳурии Тоҷикистон «Дар бораи мақоми омӯзгор» қабул карда шуд
Ҳайати вакилони Тоҷикистон дар Муколамаи дуюми минтақавии парламентӣ оид ба рушди технологияҳои «сабз» иштирок намуд
Дар Маҷлиси намояндагон лоиҳаи Қонуни Ҷумҳурии Тоҷикистон «Дар бораи мақоми омӯзгор» мавриди баррасӣ қарор гирифт
Дар Русия ҷаласаҳои навбатии Ассамблеяи байнипарламентии давлатҳои ИДМ баргузор гардиданд
Файзалӣ Идизода бо ваколатдор оид ба ҳуқуқи инсон дар Федератсияи Русия вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо муовини Раиси Ҳукумати Федератсияи Русия Марат Ҳуснуллин мулоқот намуданд
Файзалӣ Идизода дар ҷаласаи маҷозии роҳбарони парламентҳои кишварҳо иштирок намуд
Иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Ҳайати Гурӯҳи дӯстӣ ва ҳамкории Маҷлиси намояндагони Тоҷикистон бо Палатаи намояндагони Маҷлиси миллии Беларус мулоқот намуд
Намояндаи Тоҷикистон дар Конфронси умумиҷаҳонии парламентӣ оид ба мубориза бо терроризм ва пешгирии ифротгароӣ иштирок намуд
Вакили Маҷлиси намояндагон: «Парлумони Тоҷикистон иштирокчии фаъол ва шарики муътамади Форуми осиёии ҳамкории парламентӣ мебошад»
ЗАБОНИ ТОҶИКӢ — ЗАБОНИ ҚУДРАТ ВА ИЛМУ ТАҲСИЛ. Андешаҳо оид ба бузургдошти забони давлатии Тоҷикистон
