Дар Душанбе Сафири Россия медалҳоро бахшида ба 75-солагии Ғалаба ба собиқадорон тақдим намуд
ДУШАНБЕ, 13.02.2020 /АМИТ «Ховар»/. Дирӯз дар Душанбе Сафири Фавқулода ва Мухтори Федератсияи Россия дар Ҷумҳурии Тоҷикистон Игор Лякин-Фролов бахшида ба 75-солагии Ғалаба дар Ҷанги дуюми ҷаҳонӣ ба собиқадорон медалҳои ҷащнӣ тақдим кард.
Мукофоти олиро, ки бо фармони Президенти Россия ба муносибати Соли гиромидошт ва шараф ташкил шудааст, аз дасти Сафири Россия дар Тоҷикистон Игор Лякин-Фролов шаш нафар собиқадорони тоҷикистонӣ, ки барои ба даст овардани Ғалабаи бузург хизматҳои зиёд кардаанд, гирифтанд.
Барои арҷ гузоштан ба собиқадорон ва сари таъзим фуруд овардан ба онҳое, ки ин рӯз- лаҳзаи олии ҳаётро ба мо додаанд, намояндагони ҳайатҳои дипломатии мустақар дар Тоҷикистон, низомиёни пойгоҳи ҳарбии 201-уми Россия, кормандони намояндагии Бунёди рушди «Институти таҳқиқоти Авруосиё» ва донишҷӯёну мактаббачагон омада буданд.
«Чор омил буд, ки пирӯзии мардуми шӯравиро бар Германияи фашистӣ таъмин намуданд — ҷасорат ва қаҳрамонӣ, ҳаракати партизании оммавӣ, ҳамбастагӣ ва ваҳдати ҳамаи Иттиҳоди Шӯравӣ ва ақибгоҳи қавӣ», — гуфт сафир зимни маросим дар Маркази илму фарҳанги Россия.
Клавдия Коршунова, Рауза Валетова, Екатерина Леонидова, Александр Струнаев, Елена Степовская и Анна Гаврикова соҳиби мукофот гардиданд. Ҳамаи онҳо дар замони ҷанг дар ақибгоҳ меҳнат карда, ба сафи пеш кумак расонданд. Зимни қабули медал собиқадорон муҳимияти ҳифзи сулҳу суботро дар ҷумҳурӣ, минтақа ва ҷаҳон зикр намуданд.
Фармон дар бораи мукофотонидани собиқадоронро президенти Россия Владимир Путин имзо кард.
Тавре АМИТ «Ховар» хабар дод, қаблан бахшида ба 75-солагии Ғалаба собиқадорони ҷанг — сокини шаҳри Душанбе Олег Соболеви 96-сола, ки баъд аз ҷанг дар АМИТ «Ховар» беш аз ним аср кор кардааст, инчунин сокинони вилояти Суғд Абдуқодир Холматов, Абдулло Ҷӯраев ва Улмас Мирзоортиқов медалҳои ҷашнӣ гирифта буданд.
Ёдовар мешавем, ки тибқи маълумоти Шӯрои собиқадорони ҷанг ва меҳнати Тоҷикистон, айни замон дар ҷумҳурӣ 198 собиқадори Ҷанги дуюми ҷаҳонӣ боқӣ мондааст. Тақрибан 300 ҳазор нафар аз Тоҷикистон ба сафи пеш (фронт) рафта, зиёда аз 92 ҳазор нафар барнагаштаанд.
АКСҲО аз Маркази илму фарҳанги РФ дар ТҶ
Қоҳир Расулзода: «Раёсати Тоҷикистон дар Созмони ҳамкории Шанхай ба иқтисод ва мавқеи ин созмони бонуфуз таҳким бахшид»
Дар Душанбе ҷаласаи Шурои сарони ҳукуматҳо (сарвазирон)-и давлатҳои аъзои Созмони ҳамкории Шанхай баргузор гардид
Имконоти сармоягузорӣ, тиҷорат ва соҳибкории Тоҷикистон дар расонаҳои Амороти Муттаҳидаи Арабӣ муаррифӣ гардиданд
Сафири Тоҷикистон бо Вазири фарҳанг, варзиш ва ҷавонони Умон вохӯрӣ намуд
Ҳамкории Тоҷикистону Миср дар соҳаи технологияи рақамӣ баррасӣ гардид
Сафири Тоҷикистон бо Вазири адлияи Кувайт мулоқот кард
Президенти Узбекистон Вазири корҳои хориҷии Тоҷикистонро ба ҳузур пазируфт
ТОҶИКИСТОН ВА СОЗМОНИ ҲАМКОРИИ ШАНХАЙ. Саҳми давлати мо дар таҳкими ҳамкории гуногунҷанба ва баланд бардоштани нуфузи созмон назаррас аст
Сироҷиддин Муҳриддин дар ҷаласаи вазирони корҳои хориҷии Осиёи Марказӣ ва Иёлоти Муттаҳидаи Амрико дар қолаби С5+1 иштирок кард
Сарвазири мамлакат Қоҳир Расулзода бо муовини Сарвазир – вазири корҳои хориҷии Покистон Исҳоқ Дор мулоқот намуд
Афзалияти ҷашни бостонии тоҷикон–Меҳргон тавассути воситаҳои ахбори оммаи Амороти Муттаҳидаи Арабӣ муаррифӣ гардид
Сарвазири Тоҷикистон бо муовини якуми Президенти Эрон мулоқот намуд
