Дар Италия бар асари коронавирус 11 нафар фавтида, 325 каси дигар сироят ёфтаанд

Февраль 27, 2020 13:21

ДУШАНБЕ, 27.02.2020 /АМИТ «Ховар»/. Дар Италия шумораи  беморони аз коронавирус фавтида ба 11 нафар расида, дар 325 нафари дигар ин беморӣ зоҳир гашт. Тавре рӯзи чоршанбе  рӯзномаи Il Messaggero   менависад, аз бист  вилояти Италия он  дар нуҳтояш  ҳолатҳои  сироятёбӣ  ба қайд гирифта шудаанд.

Чун пештара  шумораи бештари сироятёфтагон — 240 нафар  дар  шимоли Ломбардия зиндагӣ доранд, ки он охири ҳафтаи гузашта маркази хуруҷи ин беморӣ гардида буд. Рӯзи сешанбе боз се нафари дигар дар Сисилия, дар Палермо сироят ёфтанд. Аз ҳамин сабаб, маъмурияти маркази ин минтақаи ҷазиравӣ тасмим гирифт, то мактабҳоро барои тамиз кардан муддати се рӯз банданд.

Ҳукуматдорон инчунин мунтазири тасдиқи бемории нахустин дар минтақаи Марк ҳстанд, аммо моқомоти онҷо аллакай  то 4 март бастани мактабҳо ва бекор сохтани тамоми чорабиниҳои оммавиро фармоиш додаанд.

Чунин тасмим танқиди ҳукумати марказиро ба миён овард. Тавре  агентии ANSA  бо истинод ба манбаъҳои қасри ҳукуматии Киджа хабар медиҳад, чунин қарорҳои мақомоти минтақавӣ «ба хатти умумӣ»-и  ташаннуҷ  нанамудани вазъ дар ҷойҳое, ки хатари паҳншавии вирус нест, мувофиқат намекунад. Рӯзе қабл сарвазир    Ҷузеппе Конте   қарори бастани  мактабҳоро  дар минтақаҳое, ки  хуруҷи беморӣ  мавҷуд нест, «беасос» номид.

Ҳамагӣ 10 шаҳри Ломбардия дар наздикии Лоди ва як шаҳри  дар ҳамсоягии Венето ҷойгир пурра дар карантин қарор доранд. Дар панҷ вилоят, аз ҷумла Ломбардия,  Венето, Эмилия-Романия, Лигурия, Фриули-Венетсия-Ҷули, ба таври ҷиддӣ чораҳои карантинӣ амал карда,   ҳамзамон тамоми осорхонаҳо, театрҳо, кинотеатрҳо, толорҳои варзишӣ ва муассисаҳои фароғатӣ  баста шуда, чорабиниҳои оммавӣ бекор карда шудаанд.

   Акс аз бойгонӣ 

Февраль 27, 2020 13:21

Хабарҳои дигари ин бахш

Ҳамоиши Воситаҳои ахбори омма ва марказҳои таҳлилии СҲШ дар Чжэнчжоу баргузор мешавад
Дар натиҷаи суқути ҳавопаймои Ан-24 дар вилояти Амури Русия ҳамаи мусофирон ҳалок шуданд
Бемориҳои музмини ғайрисироятӣ ҳамасола сабаби 1,8 миллион марги пешгиришаванда мегарданд
Пешгӯиҳои ҳарорат барои соли 2050 аз соли 2025 оғоз мегарданд
Коршиносони ИДМ лоиҳаи Нақшаи чорабиниҳо бахшида ба 35-солагии Иттиҳодро мувофиқа намуданд
Бинобар гармии рекордӣ дар Чин талабот ба неруи барқ ба нуқтаи баландтарин расид
Хисороти аз офатҳои табиӣ расида дар Чин аз 7,5 миллиард доллар зиёд шуд
Гармои шадид дар Испания дар ду моҳи охир сабаби марги 1180 нафар гардид
Бар асари боронҳои мавсимӣ ва обхезии шадид дар Покистон 104 нафар ҳалок гардид
Бархе аз минтақаҳои Аврупоро гармои шадид фаро гирифт
Бар асари фаромадани ярч ва обхезӣ дар шимоли Ҳиндустон 51 нафар ҳалок гардид
Созмони ҷаҳонии тандурустӣ чораҳои муҳофизат аз гармии тобистонро пешниҳод менамояд