Рустами Эмомалӣ бо Ян-Петер Олтерс мулоқот намуд
ДУШАНБЕ, 05.02.2020. /АМИТ «Ховар»/. Имрӯз Раиси шаҳри Душанбе Рустами Эмомалӣ бо ҳайати Бонки ҷаҳонӣ таҳти сарварии Намояндаи доимии Бонки ҷаҳонӣ дар Ҷумҳурии Тоҷикистон Ян-Петер Олтерс мулоқот намуд. Дар мулоқот масъалаҳо доир ба Лоиҳаи нави обтаъминкунии сокинони пойтахт, ки амалишавиии он солҳои 2020 – 2024 муқаррар гардидааст, бунёди иншооти нави корезию обтозакунӣ бо иқтидори 500 ҳазор мукааб метр дар як шабонарӯз, сохтмони «Иншооти обтозакунии Варзоб» мавриди баррасӣ қарор гирифтанд.
Дар ин бора аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ «Ховар» хабар доданд.
Тибқи иттилои манбаъ, дар вохӯрӣ ҳолати кунунӣ ва дурнамои ҳамкории мақомоти иҷроияи ҳокимияти давлатии шаҳри Душанбе бо ин созмони бонуфузи молиявии ҷаҳон мавриди баррасӣ қарор гирифт. Маҳаки асосии мулоқотро масъалаҳои марбут ба ҳамкории дуҷониба дар самти обтаъминкунӣ ва корезӣ ташкил дод.
Ҷонибҳо раванди татбиқи Лоиҳаи дуюми обтаъминкунии шаҳри Душанберо, ки дар доираи он беш аз 50 фоизи сокинон бо оби ошомидании босифат таъмин шуданд, мусбат арзёбӣ карданд.
Дар ҷараёни мулоқот тазаккур дода шуд, ки бо дарназардошти ҳалли мушкилоти таъмини муназзами оби ошомиданӣ барои сокинони пойтахт ва рафъи партовобҳо Лоиҳаи нави обтаъминкунӣ аз ҷониби мутахассисони Корхонаи воҳиди давлатии «Обу корези Душанбе» дар якҷоягӣ бо мутахассисони Бонки ҷаҳонӣ ва корезии Душанбе таҳия гардидааст.
Муҳлати амалисозии Лоиҳа солҳои 2020 – 2024 муқаррар гардида, мавзеи фарогирии он қисмати шимолу ғарбии шаҳри Душанбе (ноҳияи Сино) мебошад.
Тарафҳо ҷиҳати боз ҳам баланд бардоштани сифати таъминоти оби нӯшокӣ ва рафъи партовобҳо атрофи лоиҳаҳои нави ҳамкорӣ дар соҳаи обтаъминкунӣ ва корезӣ табодули назар намуданд.
Дар ин робита, масъалаи бунёди иншооти нави корезию обтозакунӣ бо иқтидори 500 ҳазор мукааб метр дар як шабонарӯз ва сохтмони «Иншооти обтозакунии Варзоб» муҳокима гардид.
Ҷонибҳо қарор доданд, ки минбаъд низ ҳамкориро дар соҳаи обтаъминкунӣ ва корезӣ идома дода, Лоиҳаҳои нави муштаракро дар соҳаи корезию обтозакунии шаҳри Душанбе роҳандозӣ мекунанд.
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд
Рустами Эмомалӣ бо сафари корӣ ба ноҳияи Дарвози Вилояти Мухтори Кӯҳистони Бадахшон ташриф оварданд
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор мегардад
Бо қарори Раиси шаҳри Душанбе Рӯзи Президент дар пойтахт дар сатҳи баланди ташкилӣ таҷлил мешавад
Бо мақсади тақвияти ҳамкорӣ дар соҳаи сайёҳӣ ҳайати шаҳри Душанбе ба Чин сафар намуд
Қарори Раиси шаҳри Душанбе оид ба омодагӣ ва таҷлили Рӯзи Конститутсияи Ҷумҳурии Тоҷикистон ба тасвиб расид
АЗ ВОДИИ РАШТ ТО ИСКАНДАРКӮЛ. Хатсайрҳои сайёҳии дохилӣ ба минтақаҳои сайёҳии Тоҷикистон анҷом ёфтанд
Марказҳои барқу гармидиҳии шаҳри Душанбе ба кор оғоз намуданд
Раиси шаҳри Душанбе Рустами Эмомалӣ оромгоҳи Мир Сайид Алии Ҳамадониро зиёрат намуданд
