ТОЗАГИИ СОҲИЛ. Дар ин иқдом 5000 нафар сокинони Турсунзода ширкат намуданд

Февраль 24, 2020 10:49

ТУРСУНЗОДА, 24.02.2020 /АМИТ«Ховар»/. Рӯзҳои истироҳатӣ бо иштироки беш аз 5000 нафар  сокинони  шаҳри Турсунзода дар соҳили дарёҳои Қаратоғу Ширкент, инчунин маркази шаҳр ва деҳот корҳои тозагӣ анҷом дода шуданд.

Иқдоми мазкур бо мақсади сазовор пешвоз гирифтани ҷашни 30-солагии Истиқлолияти давлатии Ҷумҳурии Тоҷикистон, амалӣ гардидани нақшаи чорабиниҳо бахшида ба Даҳсолаи байналмилалии амал «Об барои рушди устувор, солҳои 2018-2028», нақшаи ташкили иқдомҳои «Тозагии соҳил – 2020» ва «Тозагии маҳал» дар ҳудуди шаҳр, инчунни беҳтар намудани вазъи экологии муҳити зист, тоза нигоҳ доштани манбаъҳои обӣ, соҳили дарё ва канори каналу ҷӯйборҳо, баланд бардоштани маърифати экологии сокинони шаҳр ва ҷалби шаҳрвандон барои беҳтар намудани вазъи санитарию экологии муҳити зист гузаронида шуд. Дар ин бора сардори Шуъбаи ҳифзи муҳити зисти шаҳри Турсунзода Лоиқ Раҳмонов ба хабарнигори АМИТ «Ховар» итттилоъ дод.

Дар натиҷа беш 5 км соҳили дарёҳо аз партовҳои маишӣ, аз қабили зарфҳои пластикӣ, хасу хошок ва дигар намуди партовҳо тоза гардида, ба аҳолии соҳилнишин вобаста ба тоза нигоҳ доштани манбаъҳои обӣ маслиҳатҳои судманд дода шуданд.

Зимни баргузории иқдоми тозагии маҳал шафати шоҳроҳ то сарҳади Чумҳурии Ӯзбекистон, кӯчаҳои маркази шаҳр   ва ҳудуди деҳаҳо аз партовҳо, алафҳои бегона ва ғайра тоза гардида, дар натиҷа беш аз 20м партовҳо аз соҳил ва ҳудуди маҳал ба партовгоҳи асосии шаҳр интиқол дода шуд.

Дар ин замина бо иқдоми шуъбаи ҳифзи муҳити зисти шаҳр аз ҷониби командони ташкилоту идораҳо ва сокинони фаъол дар қитъаҳои вобасташуда ва назди бинову иншооти маъмурию истиқоматӣ зиёда аз 5 ҳазор бех гули садбарг ва дигар намуди гулҳои мавсимӣ шинонида шуданд.

Тибқи нақшаи масъулин, иқдомҳои тозагии соҳил ва маҳал то моҳи ноябри соли равон идома меёбанд.

Февраль 24, 2020 10:49

Хабарҳои дигари ин бахш

Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт
Дар Донишгоҳи техникии Тоҷикистон вобаста ба меъморӣ ва шаҳрсозӣ конференсияи илмӣ-амалӣ доир шуд