Аломатҳои нави коронавирус маълум шуданд
ДУШАНБЕ, 11.03.2020 /АМИТ «Ховар»/. Гурӯҳи табибон аз Сингапур аломатҳои нави бемории коронавируси COVID-19-ро муайян намуданд. Баъзе беморон нишонаҳои ба дигар касалиҳо хосро дороянд, ки ин ташхисро мушкил месозад, хабар медиҳад АМИТ «Ховар» бо истинод ба Sputnik.
Натиҷаи таҳқиқоти табибони Сингапур дар маҷаллаи «Lancet» нашр шудааст, иттилоъ медиҳад «РИА Новости».
Тибқи гуфтаи табибон, баъзе бемороне, ки бо гумони коронавирус назди онҳо омаданд, нишонаҳое доштанд, ки хоси ин беморӣ нест.
Одамон аз таб ва хориши бадан бо доначаҳо шикоят карданд. Инчунин дар онҳо аломатҳои хоси коронавирус: зуком, сулфаи тар ва дарди гулӯ дида намешуд. Бинобар ин ба онҳо баъди ташхис вараҷаи денге гузоштанд.
Нодуруст гузошта шудани ташхис танҳо баъди он ки табобати вараҷаи денге ба беморон кумак накард, маълум гашт. Онҳо ҳамоно аз душвории нафаскашӣ шикоят доштанд. Танҳо баъди озмоиш аз коронавирус ошкор гардид, ки санҷишҳо натиҷаи мусбат додаанд.
Табибон аз ҳамкасбони худ даъват намуданд, ки ба ташхис муносибати ҷиддӣ дошта бошанд ва фаромӯш насозанд, ки табобати нодуруст ба солимии аҳолӣ таҳдид мекунад. Аз хурӯҷи бемории қаблан номаълуми илтиҳоби шуш дар шаҳри Ухани Чин ҳукуматдорон 31 декабри соли 2019 ба Созмони Умумиҷаҳонии Тандурустӣ хабар доданд. Ангезандаи ин беморӣ коронавируси намуди нав буд, ки баъдтар ба он COVID-19 ном ниҳоданд.
Мутобиқи маълумоти охирин, шумораи мубталоён дар Чини қитъагӣ 80 754 нафарро ташкил медиҳад, ки аз ин 3 136 нафар ҳалок шуда, тахминан 60 ҳазор нафар шифо ёфтанд. Аз рӯи маълумоти СУТ, берун аз Чин 686 нафар ҷон бохтаанд.
Қаблан хабар доданд, ки дар Қазоқистон рӯйхати кишварҳое, ки аз сабаби коронавирус хавфнок шуморида мешуданд, тағйир дода шудааст:
Ба гурӯҳи 1 «а» Ҷумҳури Мардумии Чин, Эрон, Кореяи Ҷанубӣ ва Италия шомил мешаванд. Шахсони аз ин кишварҳо омадаро дар беморхона ба карантини 14 –рӯзаи ҳатмӣ фаро мегиранд; ба гурӯҳи 1 «б» Франсия, Испания, Германия дохил мешаванд, шаҳрвандони аз онҷо омадаро тавсия медиҳанд, ки муддати 10 рӯз тарки хона накарда, ба вазъи саломатиашон диққат диҳанд, дар ҳолати нахустин зуҳури ин беморӣ ба табибон муроҷиат намоянд; дар гурӯҳи дуюм Швейтсария ва Британияи Кабир ҷой дода шуданд. Ба нафарони аз Нидерландия омада муддати 14 рӯз зангҳои пайваста ба табибон тавсия дода шудааст; аксари кишварҳо ба гурӯҳи сеюм дохил мешаванд. Белгия, Шветсия, Норвегия, Ҳиндустон, Ироқ, Филиппин ва ИМА ҳамчунин дар номгӯйи гурӯҳи сеюманд.
АКС: Sputniknews.kz
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад
