Бадахшон: интихобот дар тамоми ҳавзаҳо бомаром идома дорад

Март 1, 2020 14:55

ХОРУҒ, 01.03.2020 /АМИТ «Ховар»/. Интихоботи даъвати нави вакилон ба Маҷлиси намояндагони Маҷлиси Олии Ҷумҳурии Тоҷикистон ва маҷлисҳои маҳаллии вакилони халқ дар ҳамаи участкаҳои интихоботии ҳудуди Вилояти Мухтори Кӯҳистони Бадахшон субҳи барвақт муташаккилона оғоз гардид.

Интихобкунандагон бо дарки масъулият ба хотири рушду ободии фардои мамлакат ба участкаҳои интихоботӣ ҳозир шуда, мутобиқи муқаррароти қонунгузорӣ ба ҷонибдории ҳизбҳои сиёсӣ ва номзадҳои арзанда овоз медиҳанд.

Бо мақсади иҷрои талаботи қонунгузории интихоботии Ҷумҳурии Тоҷикистон аз ҷониби Комиссияи марказии интихобот ва раъйпурсии Ҷумҳурии Тоҷикистон ҷиҳати дар сатҳи баланд гузаронидани интихоботи даъвати нави вакилон ба Маҷлиси намояндагони Маҷлиси Олии Ҷумҳурии Тоҷикистон дар ҳудуди вилоят 2 ҳавзаи якмандатии интихобот- ҳавзаи интихоботии Ванҷ, рақами 40 ва ҳавзаи интихоботии Хоруғ, рақами 41 таъсис дода шудааст.

Тавассути Ҳавзаи интихоботии Хоруғ, рақами 41 оид ба интихоботи вакилони Маҷлиси намояндагони Маҷлиси Олии Ҷумҳурии Тоҷикистон дар ҳудуди шаҳри Хоруғ дар маҷмӯъ 14 участкаи интихоботӣ ташкил карда шудааст, ки дар ҳамаи участкаҳо шароити мусоиди овоздиҳӣ фароҳам мебошад. Хусусан барои нафарони имконияташон маҳдуд кабинаҳои алоҳидаи овоздиҳӣ ва ҷиҳати бе монеа ворид шудан ба бинои участка тариқи аробачаҳои маъюбӣ гузаргоҳҳои махсус низ сохта шудаанд.

Дар маҷмӯъ дар ҳавзаи интихоботии Хоруғ, рақами 41, ки  шаҳри Хоруғ, ноҳияҳои Ишкошим, Мурғоб, Роштқалъа ва қисман ноҳияи Шуғнонро фаро мегирад, 124 участкаи интихоботӣ мавҷуд аст. Аз шумораи умумии интихобкунандагони ин ҳавза 1 ҳазору 260 нафар дар ин маъракаи муҳими сиёсӣ бори аввал иштирок мекунанд.

Масъулони Ҳавзаи интихоботии Хоруғ, рақами 41 мегӯянд, ки давоми рӯз, яъне то замони ҷамъбасти овоздиҳӣ, ки соати 20:00-и имшаб муқаррар шудааст, интихобкунандагоне, ки  бо сабаби беморӣ ва ё сабабҳои дигар ба бинои овоздиҳӣ омада наметавонанд, аз ҷониби комиссияҳои участкавии интихобот қуттиҳои сайёр ташкил карда шуда, дар ҳузури нозирону намояндагони воситаҳои ахбори омма ва шахсони боэътимод овоздиҳии онҳо пурра таъмин карда мешавад.

Интихобот дар ҷомеаи демократӣ падидаи муҳим маҳсуб меёбад ва иштироку таваҷҷуҳи имрӯзаи мардум дар ин чорабинии муҳими сиёсӣ аз он шаҳодат медиҳад, ки онҳо  барои ояндаи давлату миллати худ бетараф нестанд ва бо интихоби номзади арзанда  ва ё ҳизби сиёсӣ дар  пешрафту ободии Тоҷикистони соҳибистиқлол саҳми арзанда мегузоранд.

Март 1, 2020 14:55

Хабарҳои дигари ин бахш

Иҷлосияи шашуми Маҷлиси намояндагони Маҷлиси Олии Ҷумҳурии Тоҷикистон, даъвати шашум баргузор гардид
Ҷаласаи якҷояи даҳуми Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, даъвати шашум доир шуд
Пагоҳ ҷаласаи якҷояи даҳуми Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, даъвати шашум баргузор мешавад
Дар шаҳри Душанбе иҷлосияи бистуми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид
Ҷаласаи Шурои Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид
Имрӯз Иҷлосияи бистуми Маҷлиси миллии Маҷлиси Олии Ҷумҳурии Тоҷикистон, даъвати шашум доир мегардад
НАҚШИ МУШОҲИДОНИ БАЙНАЛМИЛАЛӢ. Шарҳи Котиби Комиссияи марказии интихобот ва раъйпурсии Тоҷикистон дар ин мавзуъ
Пагоҳ Иҷлосияи бистуми Маҷлиси миллии Маҷлиси Олии Ҷумҳурии Тоҷикистон, даъвати шашум доир мегардад
28 декабр ҷаласаи якҷояи даҳуми Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, даъвати шашум баргузор мешавад
Иҷлосияи бистуми Маҷлиси миллии Маҷлиси Олии Ҷумҳурии Тоҷикистон, даъвати шашум доир мегардад
Дар иҷлосияи Маҷлиси намояндагон як зумра лоиҳаи қонунҳо мавриди баррасӣ қарор гирифтанд
28 декабр ҷаласаи якҷояи даҳуми Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, даъвати шашум баргузор мегар­дад