«MIR-24»: Интихоботи парлумонӣ дар Тоҷикистон бо cатҳи баланди иштироки шаҳрвандон баргузор гардид
ДУШАНБЕ, 02.03.2020 /АМИТ Ховар/. Аллакай соати 15 ба вақти маҳаллӣ интихобот баргузоршуда эълон шуд. Иштироки овоздиҳандагон аз 75 фоиз гузашт. Дар ин бора дар гузориши мустақими телевизионӣ хабар доданд, изҳор намуд дирӯз шабакаи телевизионии «МИР-24».
Рақс ва палови хушбӯй. Фазои идона дар интихоботи парлумонии Тоҷикистон ба иштироки cатҳи баланди шаҳрвандон низ таъсир расонид. Натиҷаҳои пешакӣ 2 март эълон хоҳанд шуд. 1 март, то нимаи рӯз, беш аз 75% овоздиҳандагон дар интихобот иштирок намуданд, гузориш медиҳад Вера Исмоилова.
Қуттиҳои овоздиҳиро кушоданд ва ҳисоби овозҳо ҷараён дорад. Соати 20:00 бо вақти маҳаллӣ беш аз се ҳазор участкаҳои интихоботӣ баста шуданд. Нозирони байналмилалӣ аз ҳамаи онҳо дидан намуданд. Онҳо зикр намуданд: дар ҳама ҷо — фазои дӯстӣ ва оромӣ.
«Одатан, мардум соати 10-11 ба участкаҳои интихоботӣ меоянд. Нозирони мо ҳангоми ифтитоҳи участкаҳои интихоботӣ ҳузур доштанд ва аллакай соати 6 субҳ мардуми зиёд барои овоздиҳӣ дар навбат буданд. Ин аз фаъол будани шаҳрвандон дарак медиҳад», — гуфт роҳбари Миссияи нозирони ИДМ Сергей Лебедев.
Аз субҳ дар саросари мамлакат фазои идона ҳукмфармо буд. Одамон дар саҳни бинои участка ва ҳавзаҳои интихоботӣ аз эҳсоси шодӣ рақс мекарданд.
Президенти мамлакат дар учаткаи овоздиҳии маҳалли зист овоз дод. Якҷоя бо дигар интихобкунандагон, ки дар ин соатҳои аввали овоздиҳӣ кам набуданд. Онҳоеро, ки бори аввал овоз медиҳанд, табрик намуда, ба онҳо гулҳо тақдим карданд.
«Ин бори аввал аст, ки ман дар чунин як рӯйдоди муҳими сиёсӣ- интихобот ширкат мекунам. Ба вакилони арзанда овоз додам. Хеле муҳим аст, ки дар маъракаи пешазинтихоботӣ ба сиёсати ҷавонон низ таваҷҷуҳ зоҳир шуд», — мегӯяд Фарангиси Тағоймурод.
Бобои Раҳмат 103-сола аст. Ӯ иштирокчии Ҷанги Бузурги Ватанӣ буда, худаш ба интихобот омад.
«Барои мо, интихобкунандагон, тамоми шароит фароҳам оварда шудаанд, то ба номзади арзанда овоз диҳем»,-мегӯяд собиқадор.
Онҳое, ки бо сабаби вазъи саломатӣ ба овоздиҳӣ омада натавонистанд, имкон доштанд дар хонаҳояшон овоз диҳанд.
Аллакай соати 15 ба вақти маҳаллӣ интихобот баргузоршуда дониста шуд.
Ба гуфтаи раиси КМИР, давоми рӯз ба Комиссия ягон шикоят ворид нагардид.
Файзалӣ Идизода бо Сафири Озарбойҷон дар Тоҷикистон мулоқот намуд
Файзалӣ Идизода бо раисони кумитаҳо, комиссияҳои мудофиа ва амнияти парламентҳои давлатҳои СААД мулоқот намуд
Созишнома байни Ҳукумати Ҷумҳурии Тоҷикистон ва Ҳукумати Федератсияи Русия ба тасвиб расид
Файзалӣ Идизода бо Сафири Ҷопон дар Тоҷикистон вохӯрӣ намуд
Раиси Маҷлиси намояндагон бо Раиси Кумитаи ҳуқуқи инсони Подшоҳии Арабистони Саудӣ мулоқот намуд
Дар Душанбе дурнамо ва рушди қонунгузории шаҳрак ва деҳот дар шароити ҷаҳонишавӣ баррасӣ карда шуд
Қонуни Ҷумҳурии Тоҷикистон «Дар бораи мақоми омӯзгор» қабул карда шуд
Ҳайати вакилони Тоҷикистон дар Муколамаи дуюми минтақавии парламентӣ оид ба рушди технологияҳои «сабз» иштирок намуд
Дар Маҷлиси намояндагон лоиҳаи Қонуни Ҷумҳурии Тоҷикистон «Дар бораи мақоми омӯзгор» мавриди баррасӣ қарор гирифт
Дар Русия ҷаласаҳои навбатии Ассамблеяи байнипарламентии давлатҳои ИДМ баргузор гардиданд
Файзалӣ Идизода бо ваколатдор оид ба ҳуқуқи инсон дар Федератсияи Русия вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо муовини Раиси Ҳукумати Федератсияи Русия Марат Ҳуснуллин мулоқот намуданд
