«ҶОМИ ПОЙТАХТ». Барои дарёфти он дар Душанбе Мусобиқаи кушоди варзишӣ оид ба футболи хурд баргузор мегардад

Март 9, 2020 10:12

ДУШАНБЕ, 09.03.2020 /АМИТ «Ховар»/.  Аз 13 март то 17 апрел дар майдончаҳои Федератсияи футболи Тоҷикистон Мусобиқаи кушоди варзишӣ оид ба футболи хурд байни кормандони вазорату идораҳо ва ташкилоту муассисаҳо барои дарёфти «Ҷоми пойтахт» баргузор карда мешавад. Бо ин мақсад   яксаду бисту ҳаштҳазору ҳашсад сомонӣ ҷудо мегардад. Дар ин бора қарори Раиси шаҳри Душанбе Рустами Эмомалӣ ба имзо расид.

Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ “Ховар” хабар доданд,  Рустами Эмомалӣ   бо қарори мазкур  ба   ин иқдом  бо мақсади дар сатҳи баланди ташкилӣ, ғоявию бадеӣ  таҷлил намудани Рӯзи пойтахти Ҷумҳурии Тоҷикистон — шаҳри Душанбе, ташвиқу тарғиб ва  рушду равнақи варзиш, таъмини оммавияти варзишу солимгардонӣ роҳандозӣ мегардад.

Ёдовар мешавем, ки Рӯзи пойтахт, тибқи Қонуни Ҷумҳурии Тоҷикистон «Дар бораи рӯзҳои ид», ҳамасола шанбеи сеюми  моҳи апрел дар чор ноҳияи шаҳр,  аз ҷумла боғҳои фарҳангию фароғатии Душанбе бо баргузории базмҳои идона, нишасту ҷамъомадҳо ва дигар чорабиниҳои гуногуни фарҳангию варзишӣ таҷлил мегардад.

Хотиррасон мешавем, ки  ҳамасола  дар арафаи таҷлили  Рӯзи пойтахти Ҷумҳурии Тоҷикистон –шаҳри Душанбе  ва бо мақсади дар сатҳи баланди ташкилию ғоявӣ баргузор гардидани он  як  зумра  барномаҳои фарҳангию фароғатӣ ва варзишӣ  баргузор мешаванд.

Аз ҷумла,    озмунҳои соҳавӣ дар пойтахт- «Табиби беҳтарини сол», «Муассисаи беҳтарини сол»,   «Омӯзгори сол», «Мураббии сол», «Хонандаи сол», «Беҳтарин муассисаи таълимӣ дар самти корҳои ободонӣ», «Нозири беҳтарини сол» ва ғайраҳо  ҷамъбаст гардида, ғолибони озмунҳои  мазкур дар ҷамъомади тантанавӣ ҳавасманд гардонида мешаванд.

Март 9, 2020 10:12

Хабарҳои дигари ин бахш

Дар Душанбе даври ҷумҳуриявии озмуни «Сайри гули лола» баргузор мегардад
Имрӯз дар «Кохи Суруш»- и шаҳри Душанбе Рӯзи пойтахти Ҷумҳурии Тоҷикистон таҷлил карда шуд
ДУШАНБЕ-ШАҲРИ КӮДАКОНИ ХУШБАХТ! Дар пойтахт сохтмони 56 муассисаи таҳсилоти томактабӣ идома дорад
ДУШАНБЕ-ШАҲРИ РАВАНДСОЗ. Ин равандҳо фарогири доираи васеи кишварҳо аз чор қитъаи олам- Осиё, Аврупо, Африқо ва Амрико мебошад
ТУ ШАҲРИ ГУЛБАДОМОНӢ, ДУШАНБЕ ! Ба Рӯзи пойтахти Ҷумҳурии Тоҷикистон бахшида мешавад
ПОЙТАХТ — СИМОИ МИЛЛАТУ ДАВЛАТ! Иқтибосҳо аз суханрониҳои Президенти Тоҷикистон ба муносибати Рӯзи пойтахт
Шаҳриёри шаҳри умеду орзуҳо ва идомадиҳандаи роҳи ниёгони некном
ДУШАНБЕИ ДИГАР. Бинои нави Парлумони Тоҷикистон дар пойтахти кишвар шаҳомоти хоса дорад
ДУШАНБЕ –МУАРРИФИ ТАЪРИХУ ФАРҲАНГ. Сокини пойтахт будан дар баробари ифтихор аз ҳар шахс масъулияти зиёд талаб мекунад
Бахшида ба Рӯзи пойтахти Тоҷикистон барномаҳои фарҳангӣ ва мусобиқаҳои варзишӣ доир мегарданд
Нақши пойтахт дар таҳкими давлатдории навини миллӣ муҳим арзёбӣ мегардад
Душанбе оинаи миллат ва пайвандгари таърих бо ояндаи давлат аст