ЯК СОЛ МУҲЛАТ. Вокуниши Раиси шаҳри Душанбе Рустами Эмомалӣ ба муроҷиатномаи саҳмдорони бинои сохтмонаш нотамом дар кӯчаи А. Ғуломов

Июнь 16, 2020 18:15

ДУШАНБЕ, 16.06.2020. /АМИТ «Ховар»/. Раиси шаҳри Душанбе муҳтарам Рустами Эмомалӣ бо таъсис додани комиссияи дахлдор аз ҳисоби муовинони Раиси шаҳр, роҳбарони сохтору ниҳодҳои марбута муроҷиатномаи саҳмдорони бинои сохтмонаш нотамоми нӯҳошёнаи истиқоматии 54-квартирадор, воқеъ дар кӯчаи Асадулло Ғуломов, маҳаллаи 83-и пойтахтро, ки тавассути сомонаҳои иҷтимоӣ пахш шудааст, мавриди баррасӣ қарор доданд, хабар медиҳад АМИТ «Ховар» бо истинод ба Раёсати иттилоот ва робитаҳои хориҷии дастгоҳи Раиси шаҳри Душанбе.

Тавре муайян гардид, сохтмони бинои нотамом ҳанӯз аз соли 2012 оғоз шуда, сохтмончии асосии он — ҶДММ «Союз-сохтмон» бо роҳи қаллобӣ маблағҳои сокинони саҳмгузорро аз худ кардааст ва бо ҳукми суд аз озодӣ маҳрум гардида, ҳоло дар маҳбас қарор дорад.

Масъалаи ҷуброни зарари 67 нафар саҳмгузорон, ки маблағи наздик ба 500 000 (панҷсад ҳазор) доллари ИМА-ро  ташкил медиҳад, тӯли солҳо дар зинаҳои гуногуни судию иҷроиявӣ мавриди баррасӣ қарор дошт ва то ҳол  ҳалли пурраи худро наёфта, сокинони мазкур бо хонаҳои истиқоматӣ таъмин нагардидаанд.

Раиси шаҳр сохторҳои марбутаи шаҳрдориро муваззаф  намуданд, ки бо саҳмгузорон вохӯриву суҳбат анҷом дода, дар ҳамкорӣ бо  ширкатҳои хонасозии ватанӣ сохтмони бинои мазкурро  дар муҳлати 1 (як) сол ба итмом расонанд, то ки саҳмдорон бо манзилҳои ободи дорои шароити лозимаи ҷавобгӯ ба талаботу меъёрҳои замонавӣ таъмин карда шаванд.

Июнь 16, 2020 18:15

Хабарҳои дигари ин бахш

ОБ ЗАХИРА НАМОЕД! Интиқоли оби нӯшокӣ дар баъзе кӯчаҳои ноҳияи Исмоили Сомонӣ ва Синои шаҳри Душанбе қатъ мегардад
ДУШАНБЕ – ШАҲРИ ҲУШМАНД. Пойтахти мамлакат дар татбиқи «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» пешсаф аст
Маҳмадсаид Зувайдзода: «Зиёда аз 200 бинову иншооти дигари Душанбе ба шабакаҳои гармидиҳӣ пайваст карда мешаванд»
Президенти мамлакат: «Тайи се соли охир дар Душанбе 255 майдончаи варзишӣ ба маблағи умумии 205 миллион сомонӣ сохта шуд»
Дар Душанбе низоми муосири назорат ва ҳисоби нерўи барқ ҷорӣ мегардад
Шурӯъ аз 15 июл дар Душанбе ярмаркаҳои фурӯши либос ва лавозимоти мактабӣ ташкил гардиданд
Рӯзҳои наздик дар шаҳри Душанбе Маҷмааи универсалии варзишӣ мавриди баҳрабардорӣ қарор мегирад
МАҶЛИСИ ВАКИЛОНИ ХАЛҚИ ШАҲРИ ДУШАНБЕ: ҳудуди маъмурии пойтахти Ҷумҳурии Тоҷикистон 20318,25 гектар муқаррар гардид
ТАҒЙИР ДОДАНИ САРҲАДИ НОҲИЯҲОИ ШОҲМАНСУР, ФИРДАВСӢ, СИНО ВА ИСМОИЛИ СОМОНӢ. Ин масъала пагоҳ дар иҷлосияи дуюми Маҷлиси вакилони халқи шаҳри Душанбе баррасӣ мегардад
ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Рӯзҳои наздик дар Душанбе дуюмин эстакадаи сесатҳа ба истифода дода мешавад
Дар Душанбе ҷаласаи сайёр бо мақсади пешгирӣ аз COVID-19 баргузор гардид
15 июл иҷлосияи дуюми Маҷлиси вакилони халқи шаҳри Душанбе баргузор мегардад