Маҳмадсаид Зувайдзода: «Зиёда аз 200 бинову иншооти дигари Душанбе ба шабакаҳои гармидиҳӣ пайваст карда мешаванд»
ДУШАНБЕ, 24.07.2020 /АМИТ «Ховар»/. Дар давраи тирамоҳу зимистони солҳои 2020-2021 бо мақсади таъмин намудани аҳолии шаҳри Душанбе бо неруи барқ ва гармӣ дар шабакаҳои пойтахт зиёд кардани истеҳсоли гармӣ ва расонидани иқтидори он то 500 Гкал/соат ба нақша гирифта шудааст. Зиёда аз 200 иншооти дигари иҷтимоию иқтисодии шаҳр ба шабакаҳои гармидиҳӣ пайваст карда мешаванд, ки бо ин амал дар пойтахт шумораи умумии иншооти бо гармӣ таъмин ба 2511 адад мерасад. Дар ин бора муовини якуми Раиси шаҳри Душанбе Маҳмадсаид Зувайдзода имрӯз зимни нишасти матбуотӣ ба намояндагони воситаҳои ахбори омма хабар дод.
Маҳмадсаид Зувайдзода ҳамчунин иттилоъ дод, ки дар шаш моҳи аввали соли 2020 дар шаҳри Душанбе боз 32 адад истгоҳи замонавии нақлиётии мусофирбар сохта шуда, таъмиру навсозии роҳу пулҳо дар 8 иншоот бо дарозии 19,0 километр, дар 2 иншооти ирригатсионӣ бо дарозии 3,1 километр ва дар 1 адад иншооти соҳилмустаҳкамкунӣ бо дарозии 3,3 километр ба анҷом расиданд.
Дар нишаст таъкид гардид, ки дар пойтахт дар ин давра бо мақсади зиёд намудани навъи дарахтони нодир ба миқдори 6444 бех дарахтони ороишию сояафкан ва буттагӣ аз хориҷи мамлакат ворид гардида, дар мавзеъҳои муқарраргардида шинонида шуданд. Дар мавсими ниҳолшинонӣ дар кӯчаю хиёбонҳо, боғҳои фарҳангӣ — фароғатӣ, шаҳраку маҳаллаҳо ва корхонаю ташкилот ба миқдори 122,9 ҳазор бех дарахту буттаҳо, 11,4 миллион бех гулҳои мавсимии бисёрсола ва дар 257,3 ҳазор метри мураббаъ майса корида шуд.
Гурӯҳҳои таблиғотӣ бо сарбозону афсарон ва ҳайати шахсии қисмҳои низомӣ дар пойтахт вохӯриҳо доир намуданд
Дар Душанбе бо масъулини сохторҳои оид ба корҳои дин, танзими анъана, ҷашну маросим ва иттиҳодияҳои динӣ мулоқот доир шуд
Дар Душанбе Нақшаи ташкил ва гузаронидани ярмаркаҳои фурӯши маҳсулоти кишоварзию агросаноатӣ дар соли 2021 тасдиқ гардид
Корхонаҳои нақлиётии шаҳри Душанбе сокинони пойтахтро барои омӯзиш ба курсҳои омода намудани ронандагони дараҷаи «Д» даъват менамоянд
Раиси шаҳри Душанбе ба Палатаи ҳисоб ҷиҳати санҷиши фаъолияти молиявии мақомот дар соли 2020 дархост ирсол намуданд
Аз 25 январ то 16 феврал барои дарёфти стипендияи Раиси шаҳри Душанбе озмун доир мегардад
Навсозии Маҷмааи муосири савдову хизматрасонии «Корвон» идома дорад
Лоиҳаи меҳмонхонаи 5-ситорадор, воқеъ дар кӯчаи Ҳабиб Аҳрорӣ ғолиби Озмуни «10 лоиҳаи беҳтарини солҳои 2017-2020 дар шаҳри Душанбе» гардид
Дар Душанбе хатсайри нави троллейбусии №2 ба фаъолият оғоз менамояд
Душанбе дар номинатсияи «Беҳтарин шаҳри варзишии Тоҷикистон дар соли 2020» ғолиб дониста шуд
Дар «Бозори Саховат»-и шаҳри Душанбе нархи маҳсулоти мавриди ниёзи аввал тағйир наёфтааст
Дар хиёбони Саъдии Шерозии шаҳри Душанбе иморатҳои баландошёна сохта мешаванд
