Теъдоди фавтидагон бар асари таркиш дар Бейрут то 78 тан афзуд

ДУШАНБЕ, 05.08.2020 /АМИТ «Ховар»/. Теъдоди фавтидагон бар асари  таркиши  шадид дар бандари Бейрут то 78 тан афзуд, зиёда аз чаҳор ҳазор нафар захмӣ шуданд, хабар медиҳад канали телевизионии «Ал – Ҷазира» бо истинод ба Вазорати тандурустии Лубнон.

Дар айни ҳол мақомоти Лубнон  афзоиши теъдоди қурбониёнро  пешгӯӣ мекунад, чунки шумораи зиёди одамон бедарак шудаанд ва аз зери биноҳои харобшуда ҷасадҳо  берун карда мешаванд.

Шоми сешанбе дар минтақаи бандарии Бейрут таркиши  шадид рух дод. Нисфи биноҳои шаҳр осеб дидаанд, беморхонаҳо аз осебдидагон пур  гаштаанд.

Сарвазири Лубнон Ҳасан Дияб нигоҳдории номуносиби 2750 тонна селитраи аммиакро дар бандар дар тӯли шаш сол сабаби  таркиш  номид.

Бо сабаби ин фоҷиа дар Лубнон мотами серӯза эълон шудааст. Президенти кишвар Мишел Аун аз аъзои ҳукумат хоҳиш намуд, ки ба ҷаласаи изтирорӣ ҳозир шаванд, то ин ки дар мамлакат ба муддати ду ҳафта вазъи фавқулода эълон карда шавад.

АКС: http://saint-666.ru/