Дастаи «Зебонисо»-и Душанбе ғолиби дукаратаи Лигаи футболи бонувони Тоҷикистон гардид
ДУШАНБЕ, 10.09.2020. /АМИТ «Ховар»/. Дастаи «Зебонисо»-и шаҳри Душанбе дар даври ниҳоии Чемпионати Тоҷикистон оид ба футбол миёни бонувон дастаи «Хатлон»-и шаҳри Бохтарро бо ҳисоби 3:0 мағлуб намуда, ғолиби чемпионат гардид. Дар ин бора мухбири АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.
Бозии марказии даври ҳаждаҳуми Чемпионати Тоҷикистон миёни бонувон 9 сентябр дар шаҳри Бохтар сурат гирифт, ки дар он дастаи «Хатлон» дастаи футболи «Зебонисо»-и шаҳри Душанберо қабул кард. Барои ба даст овардани унвони чемпионӣ ба дастаи «Хатлон» ҳисоби мусовӣ кофӣ буд, вале дастаи «Зебонисо» бояд ҳатман ғалаба мекард. Бозии ҳалкунанда бо пирӯзии дастаи «Зебонисо»-и шаҳри Душанбе анҷом ёфт.
Дар ҳайати дастаи «Зебонисо» голҳоро Наталя Сотникова, Некубахт Худододова ва Нисо Абдуллоева ба нишон расониданд. Ҳамин тариқ, дастаи «Зебонисо»-и шаҳри Душанбе бо 49 хол дар ҷои аввали ҷадвали чемпионат қарор гирифт. Ин даста қаблан соли 2018 ғолиби чемпионат гардида буд.
Медалҳои нуқра насиби дастаи футболи «Хатлон»-и шаҳри Бохтар бо гирифтани 47 хол гардиданд, медалҳои биринҷиро дастаи «Зебо»-и ноҳияи Дӯстӣ соҳиб шуданд.
Ҷоизаи беҳтарин дарвозабони Чемпионати Тоҷикистон ба дарвозабони дастаи «Зебонисо» Сайёра Саидова сазовор дониста шуд. Ҳамлагари дастаи «Хатлон»»-и шаҳри Бохтар Лайло Ҳалимова, ки дар 18 бозӣ 78 гол задааст, беҳтарин нишонзан гардид. Ҷоизаи беҳтарин бозингарро Рафина Нормуродова аз дастаи футболи «Бешкент»-и ноҳияи Носири Хусрав ба даст овард.
Чемпионати Тоҷикистон оид ба футбол миёни бонувон:
Даври 10-ум
«Хатлон» – «Равшан» – 9:0
«Регар-ТадАЗ» – «Барқ» – 14:0
«Панҷшер» – «Зебо» – 0:13
«Бешкент» – «Чашма» – 12:0
«Зебонисо» – «Ҳосилот» – 14:0
Чемпионати Тоҷикистон оид ба футбол миёни бонувон:
Даври 11-ум
«Ҳосилот» – «Хатлон» – 0:16
«Чашма» – «Зебонисо» – 0:18
«Зебо» – «Бешкент» – 5:1
«Барқ» – «Панҷшер» – 0:6
«Равшан» – «Регар-ТадАЗ» – 0:2
Чемпионати Тоҷикистон оид ба футбол миёни бонувон:
Даври 12-ум
«Хатлон» – «Регар-ТадАЗ» – 3:0
«Панҷшер» – «Равшан» – 1:2
«Бешкент» – «Барқ» – 6:0
«Зебонисо» – «Зебо» – 1:1
«Ҳосилот» – «Чашма» – 2:1
Чемпионати Тоҷикистон оид ба футбол миёни бонувон:
Даври 13-ум
«Чашма» – «Хатлон» – 0:18
«Зебо» – «Ҳосилот» – 19:0
«Барқ» – «Зебонисо» – 0:15
«Равшан» – «Панҷшер» – 0:3
Чемпионати Тоҷикистон оид ба футбол миёни бонувон:
Даври 14-ум
«Хатлон» – «Панҷшер» – 10:0
«Бешкент» – «Регар-ТадАЗ» – 0:3
«Зебонисо» – «Равшан» – 16:0
«Ҳосилот» – «Барқ» – 0:0
«Чашма» – «Зебо» – 0:20
Чемпионати Тоҷикистон оид ба футбол миёни бонувон:
Даври 15-ум
«Зебо» – «Хатлон» – 0:0
«Барқ» – «Чашма» – 0:1
«Равшан» – «Ҳосилот» – 2:1
«Регар-ТадАЗ» – «Зебонисо» – 0:6
«Панҷшер» – «Бешкент» – 3:3
Чемпионати Тоҷикистон оид ба футбол миёни бонувон:
Даври 16-ум
«Хатлон» – «Бешкент» – 4:0
«Зебонисо» – «Панҷшер» – 12:0
«Ҳосилот» – «Регар-ТадАЗ» – 0:10
«Чашма» – «Равшан» – 0:3
«Зебо» – «Барқ» – 8:0
Чемпионати Тоҷикистон оид ба футбол миёни бонувон:
Даври 18-ум
«Хатлон» – «Зебонисо» – 0:3
«Ҳосилот» – «Бешкент» – 0:6
«Панҷшер» – «Чашма» – 1:0
«Зебо» – «Регар-ТадАЗ» – 0:1
«Барқ» – «Равшан» – 0:0
| ДАСТАҲО | Б | Ғ | М | Б | Т-Т | Х | |
| 1 | «Зебонисо» (Душанбе) | 18 | 16 | 1 | 1 | 171-3 | 49 |
| 2 | «Хатлон»(Бохтар) | 18 | 15 | 2 | 1 | 133-8 | 47 |
| 3 | «Зебо» (Дӯстӣ) | 18 | 13 | 3 | 2 | 124-12 | 42 |
| 4 | «Регар-ТадАЗ» (Турсунзода) | 18 | 12 | 1 | 5 | 94-19 | 37 |
| 5 | «Бешкент» (Носири Хусрав) | 18 | 9 | 2 | 7 | 67-27 | 29 |
| 6 | «Равшан» (Кӯлоб) | 18 | 4 | 1 | 13 | 9-83 | 13 |
| 7 | «Барқ» (Норак) | 18 | 3 | 3 | 12 | 7-106 | 12 |
| 8 | «Ҳосилот» (Фархор) | 18 | 3 | 3 | 12 | 9-117 | 12 |
| 9 | «Панҷшер» (Ҷалолиддин Балхӣ) | 18 | 2 | 4 | 12 | 18-121 | 10 |
| 10 | «Чашма» (Шаҳритус) | 18 | 3 | 0 | 15 | 10-152 | 9 |
АКС аз ФФТ
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
