Президенти Тоҷикистон сарони давлатҳои Ӯзбекистон ва Қирғизистонро бо Рӯзи истиқлолият табрик намуданд
ДУШАНБЕ, 01.09.2020 /АМИТ «Ховар»/. Ба муносибати 29-умин солгарди Рӯзи истиқлолияти Ҷумҳурии Ӯзбекистон, ки 1 сентябр таҷлил карда мешавад, ба унвони Президенти Ҷумҳурии Ӯзбекистон Шавкат Мирзиёев аз роҳбарони давлатҳои хориҷӣ, созмонҳои бонуфузи байналмилалӣ, ходимони намоёни давлатӣ, ҷамъиятӣ ва динӣ табрикоти самимӣ ирсол мегарданд, иттилоъ медиҳад Агентии миллии иттилоотии «УзА».
Ба иттилои манбаъ, дар барқияи табрикотии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон чунин омадааст:
«Муҳтарам Шавкат Миромонович,
Шумо ва ҳамаи ҳамватанони Шуморо бо ҷашни миллӣ — Рӯзи истиқлолияти Ҷумҳурии Ӯзбекистон самимона табрик мегӯям.
Дар ин рӯзи фархунда ба Шумо саломатии бардавом, саодат ва дар корҳоятон муваффақиятҳои нав, инчунин ба халқи бародари ӯзбек сулҳи абадӣ, некӯаҳволӣ ва шукуфоӣ таманно дорам.
Дар тӯли солҳои истиқлолият Ӯзбекистон роҳи тӯлонии бунёди давлатдориро тай намуда, дар рушди иҷтимоию иқтисодӣ, таъмини болоравии некӯаҳволии мардум ва таҳкими нуфузи байналмилалии худ ба муваффақиятҳои назаррас ноил гардид. Махсусан дигаргуниҳое, ки имрӯз дар сиёсати дохилӣ ва хориҷии кишвар таҳти роҳбарии Шумо, муҳтарам Шавкат Миромонович, ба амал омада истодаанд, таассуротбахшанд.
Тақвият ва густариши пайвастаи равобити дӯстонаи Тоҷикистону Ӯзбекистон ва ҳамкории гуногунҷанба ҳамеша ҷузъи муҳимтарини сиёсати хориҷии Тоҷикистон буд ва мемонад.
Боиси хушнудист, ки солҳои охир бо саъю кӯшиши муштараки ҷонибҳо ҳамкории пурсамари байнидавлатии Тоҷикистон ва Ӯзбекистон дар тамоми соҳаҳои мавриди таваҷҷуҳи тарафайн бемайлон рушд мекунад.
Итминон дорам, ки мо минбаъд низ бар асоси анъанаҳои чандинасраи дӯстӣ, некию ҳамҷаворӣ, эҳтиром ва эътимоди мутақобила муносибатҳои шарикии стратегии ду кишварро ба манфиати халқҳои бародарамон, таъмини сулҳ, субот ва рушди минбаъдаи ҳамкории созанда дар минтақаамон ҳамаҷониба тақвият хоҳем дод.
Бо эҳтироми амиқ,
Эмомалӣ Раҳмон,
Президенти Ҷумҳурии Тоҷикистон»
***
Президенти Ҷумҳурии Тоҷикистон муҳтарам Эмомалӣ Раҳмон ҳамчунин дирӯз Президенти Ҷумҳурии Қирғизистон Сооронбой Жээнбеков ва мардуми ин кишварро бо Рӯзи истиқлолият, ки 31 август таҷлил мегардад, табрик намуданд. Дар ин бора агентии иттилоотии давлатии ин кишвар «Кабар» бо истинод ба шуъбаи сиёсати иттилоотии Дастгоҳи Президенти Ҷумҳурии Қирғизистон хабар медиҳад.
«Аз самими қалб ба Шумо саломатии бардавом, саодат ва дар фаъолияти давлатиатон муваффақият ва ба халқи бародари Қирғизистон осмони осоишта, некӯаҳволӣ ва шукуфоӣ таманно дорам. Дар тӯли солҳои истиқлолият Қирғизистон ба дигаргуниҳои муҳим дар сохтори давлатӣ, таъмини рушди бемайлони иҷтимоию иқтисодӣ ва таҳкими нуфузи худ дар арсаи байналмилалӣ ноил гашт. Мо ҳамеша аз ин дастовардҳои ҳамсояи наздикамон шод ҳастем ва ба таҳким ва густариши пайвастаи муносибатҳои дӯстонаи Қирғизистону Тоҷикистон ва ҳамкории гуногунҷанба ба манфиати халқҳоямон аҳамияти калон медиҳем», — гуфта мешавад дар барқияи табрикотии Президенти Ҷумҳурии Тоҷикистон.
Эмомалӣ Раҳмон изҳори итминон кардаанд, ки муносибатҳои неки ҳамҷавории ду кишвар, ки анъанаҳои бойи таърихӣ доранд, минбаъд низ дар доираи шарикии созанда босуръат рушд хоҳанд кард.
АКСҲО аз бойгонии АМИТ «Ховар»
Президенти Ҷумҳурии Тоҷикистон Эмомалӣ Раҳмон ба Амири Давлати Қатар Шайх Тамим бин Ҳамад Оли Сонӣ барқияи изҳори тасаллӣ ирсол намуданд
Пешвои миллат Эмомалӣ Раҳмон бо намояндагони се ширкати калонтарини металлургии Чин мулоқот намуданд
Президенти Ҷумҳурии Тоҷикистон Эмомалӣ Раҳмон бо роҳбарону фаъолони вилояти Суғд ва кормандони соҳаи саноати кишвар мулоқот намуданд
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар мулоқот зимни боздид аз сохтмони корхонаи ғанигардонии маъдани оҳан дар ноҳияи Бобоҷон Ғафуров
Сарвари давлат Эмомалӣ Раҳмон ба таври фосилавӣ ба бунёди корхонаҳои истеҳсоли семент дар шаҳри Истаравшан ва истеҳсоли оҳак дар ноҳияи Бобоҷон Ғафуров оғоз бахшиданд
Пешвои миллат Эмомалӣ Раҳмон дар ноҳияи Бобоҷон Ғафуров аз ҷараёни сохтмони корхонаи металлургии ҶСП «Комбинати металлургии тоҷик» дидан намуданд
Сарвари давлат Эмомалӣ Раҳмон дар Минтақаи озоди иқтисодии Суғд марҳилаи дуюми ҶДММ «Сайри Суғд»-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ 4 иншоотро дар шаҳри Хуҷанд ва ноҳияи Кӯҳистони Мастчоҳ ифтитоҳ намуданд
Пешвои миллат Эмомалӣ Раҳмон дар шаҳри Хуҷанд бинои нави маъмурии Суди вилояти Суғдро ба истифода доданд
Сарвари давлат Эмомалӣ Раҳмон аз намоиши маҳсулоти кишоварзӣ ва дастовардҳои соҳаи аграрии ноҳияи Бобоҷон Ғафуров дидан намуданд
Президенти Ҷумҳурии Тоҷикистон Эмомалӣ Раҳмон дар ноҳияи Бобоҷон Ғафуров бинои нави маъмурии Маркази солимгардонии Соҳили Унҷиро ифтитоҳ намуданд
Пешвои миллат Эмомалӣ Раҳмон дар ноҳияи Бобоҷон Ғафуров 4 иншооти таъйиноти гуногунро ба таври фосилавӣ ба истифода доданд
