Зулфия Давлатзода дар ҷаласаи 17-уми вазирони фарҳанги кишварҳои узви Созмони ҳамкории Шанхай сухан гуфт
ДУШАНБЕ, 11.09.2020 /АМИТ «Ховар»/. 10 сентябр Вазири фарҳанги Ҷумҳурии Тоҷикистон Зулфия Давлатзода дар ҷаласаи 17-уми вазирони фарҳанги кишварҳои узви Созмони ҳамкории Шанхай (СҲШ), ки ба таври онлайн баргузор гардид, иштирок ва суханронӣ намуд. Дар ин бора ба хабарнигори АМИТ «Ховар» аз маркази матбуоти Вазорати фарҳанги Ҷумҳурии Тоҷикистон иттилоъ доданд.
Дар ҷаласа намояндаи котиботи СҲШ, вазирони фарҳанг аз Ҳиндустон, Қазоқистон, Қирғизистон, Покистон, Ӯзбекистон ва Чин иштирок намуданд.
Зимни ҷаласа масъалаҳои таҳкими робитаҳои байналмилалӣ дар соҳаи фарҳанг, баргузории барномаҳои фарҳангӣ ва рушди соҳа баррасӣ гардиданд.
Вазири фарҳанги Ҷумҳурии Тоҷикистон Зулфия Давлатзода иброз дошт, ки «ҳамкории фарҳангӣ байни кишварҳои узви СҲШ ба анъанаи нек табдил ёфтааст ва ба ташаккули фазои умумии фарҳангӣ дар минтақа мусоидат менамояд. Зеро фарҳанг барои таҳкими дӯстии байни давлатҳо нақши мусоид дорад».
— Ба шарофати таваҷҷуҳи доимӣ ва амиқи Пешвои миллат, Президенти Ҷумҳурии Тоҷикистон Эмомалӣ Раҳмон ба рушди фарҳанг дар давлати мо ҳамасола барномаҳо ва созишномаҳои байналмилалӣ дар соҳаи фарҳанг бомуваффақият амалӣ мегарданд, — зикр намуд мавсуф.
Зимни ҷаласаи 17-уми вазирони фарҳанги кишварҳои узви Созмони ҳамкории Шанхай Вазири фарҳанги Тоҷикистон оид ба корҳои иҷрошуда ва нақшаҳои минбаъдаи ҳамкории фарҳангӣ бо ҳар як кишвари узви СҲШ маълумот дод.
Дар Осорхонаи миллии Тоҷикистон оид ба дастовардҳои Истиқлоли давлатӣ ҳамоиш доир гардид
Моҳи октябр дар Душанбе Бозиҳои XX Делфии ҷавонони кишварҳои аъзои ИДМ доир мегардад
Дар Душанбе Рӯзҳои кинои Эрон баргузор мегарданд
Дар Рим Намоишгоҳи байналмилалии «Тоҷикистон – кишвари ёдгориҳои нодир» ташкил карда мешавад
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар Осорхонаи миллии Тоҷикистон маҳфили «Шоҳномахонӣ» баргузор гардид
«ТОҶИ СОМОН». Марҳилаи интихоби беҳтарин филмҳо барои синамоҷоизаи миллӣ оғоз гардид
Котиби генералии Ассамблеяи парламентии Осиё дар Осорхонаи миллӣ бо таъриху тамаддуни тоҷикон шинос шуд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
