«Амонатбонк» ва Бонки миллии фаъолияти иқтисоди хориҷии Ӯзбекистон санади ҳамкорӣ ба имзо расониданд

Октябрь 1, 2020 14:40

ДУШАНБЕ, 01.10.20 /АМИТ «Ховар»/. Дар шаҳри Душанбе байни Бонки давлатии амонатгузории Ҷумҳурии Тоҷикистон «Амонатбонк» ва  Бонки миллии фаъолияти иқтисоди хориҷии Ҷумҳурии Ӯзбекистон Шартнома оид ба шартҳои умумии гузаронидани амалиёти банкнотӣ ба имзо расонида шуд, ки ҳадафаш  ба роҳ мондани амалиёти банкнотӣ миёни  бонкҳо мебошад.

Санади мазкурро  Раиси Бонки давлатии амонатгузории Ҷумҳурии Тоҷикистон Сироҷиддин Икромӣ ва  Раиси Бонки миллии фаъолияти иқтисоди хориҷии Ҷумҳурии Ӯзбекистон Алишер Мирсоатов  имзо карданд. Ҳамзамон дар ҷараёни вохӯрӣ Сироҷиддин Икромӣ ва Алишер Мирсоатов масъалаҳои марбут ба таҳкими ҳамкории байнибонкии ду давлати дӯст, аз ҷумла, афзоиш додани  гардиши савдои байни ду давлат тавассути  зиёд намудани ҳаҷми қарздиҳӣ ба соҳибкороне, ки ки ба воридоти молу маҳсулоти мавриди ниёзи мардум машғуланд ва масъалаҳои марбут ба коҳиши эҳтимолии фоизи қарзҳои байнибонкиро матраҳ намуданд.

Ҳамзамон Раиси Бонки миллии фаъолияти иқтисоди хориҷии Ҷумҳурии Ӯзбекистон  Алишер  Мирсоатов бо фаъолияти дафтари марказии Бонки давлатии амонатгузории Ҷумҳурии Тоҷикистон  «Амонатбонк» шинос гардид.

Сафари Алишер Мирсоатов ба Душанбе дар доираи ҷаласаи 7-уми Комиссияи байниҳукуматии Тоҷикистон ва Ӯзбекистон оид ба ҳамкории тиҷоративу иқтисодӣ баргузор гардид, ки дар он    масъалаҳои марбут ба ҳамкории тиҷоратию иқтисодӣ,  соҳаҳои роҳу нақлиёт, саноат, кишоварзӣ, сайёҳӣ, маориф ва илм, тандурустӣ, сармоягузорӣ, энергетика, гумрук, содирот ва фарҳанг баррасӣ гардиданд.

Октябрь 1, 2020 14:40

Хабарҳои дигари ин бахш

Дар Суғд барои дарёфти грантҳои раиси вилоят озмун баргузор мешавад
ҚУРБИ АСЪОР: дар Тоҷикистон 1 рубли русӣ аз 0. 1187 то 0.1190 сомонӣ муқаррар шудааст
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
ҚУРБИ АСЪОР: дар Тоҷикистон 1 доллари ИМА аз 10.9546 то 10.9800 сомонӣ муқаррар шудааст
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад