Фирӯза Шарифӣ: «Фалак ормон, орзу, ишқ, муҳаббат ва ифодакунандаи розҳост»
ДУШАНБЕ, 09.10.2020 /АМИТ «Ховар»/. Имрӯз ба муносибати Рӯзи фалак, ки ҳамасола дар Тоҷикистон 10 октябр таҷлил мешавад, дар Кохи фарҳангии шаҳри Бохтар ҳамоиши идона доир гардид.
Тавре аз шуъбаи иттилоотию таҳлилии дастгоҳи раиси вилояти Хатлон ба АМИТ «Ховар» иттилоъ доданд, дар ҳамоиш муовини раиси вилояти Хатлон Фирӯза Шарифӣ аҳли ҳунар ва алоқамандони ин жанри мусиқии суннатиро шодбош гуфта, иброз намуд, ки дар сиёсати созандаю бобарори Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон фарҳанг ҷойгоҳи хос дошта, зери таваҷҷуҳи ҳамешагии Ҳукумати мамлакат қарор дорад.
“Дар баробари рушди дигар жанрҳои адабӣ-бадеӣ ва фарҳангӣ фалак ва шашмақом ҳамчун мусиқии суннатӣ соҳибмақом буда, аз фарҳанги волои миллати тоҷик дар масири таърих дарак медиҳанд”,-афзуд ӯ.
«Фалак яъне ормон, орзу, ишқ, муҳаббат, ифодакунандаи розҳо буда, аз даврони хеле дур дар байни мардум маҳбубият дорад. Инсонҳо тавассути ин жанр рози худро ба воситаи навозиши асбоби миллӣ, аз ҷумла дутор, най, ҳамчунин тариқи шифоҳӣ баён менамоянд», — зикр намуд Ф. Шарифӣ.
Бо шарофати соҳибистиқлолии мамдакат дар баробари дигар арзишҳои миллию фарҳангӣ фалак ва шашмақом мақоми хосса касб карда, тибқи Фармони Президенти Ҷумҳурии Тоҷикистон аз соли 2007 инҷониб бо мақсади ҳифзи мероси бадеию фарҳангии халқ ва рушду такомули ҳунари фалаксароӣ ҳар сол 10 октябр Рӯзи фалак дар сар то сари ҷумҳурӣ ҷашн гирифта мешавад. Таҷлили ин ҷашн рамзи арҷгузорӣ ба санъати волои миллӣ буда, дар пешрафти ин риштаи фарҳанг нақши шоиста мегузорад.
Дар анҷом ҳамоиши идонаро барномаи ҷолиби фарҳангии аҳли ҳунар ҳусну шукӯҳ бахшид.
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
