Нишасти дуюми вазирони корҳои хориҷии Муколамаи Ҳиндустон ва Осиёи Марказӣ дар шакли видеоконфронс баргузор гардид
ДУШАНБЕ, 29.10.2020 /АМИТ «Ховар»/. 28 октябр бо ташаббуси Ҳиндустон нишасти дуюми вазирони корҳои хориҷии Муколамаи Ҳиндустон ва кишварҳои Осиёи Марказӣ дар шакли видеоконфронс баргузор гардид. Дар ин ҳамоиш вазирони корҳои хориҷии кишварҳои узви Муколама ва Сарпарасти Вазорати корҳои хориҷии Ҷумҳурии Исломии Афғонистон ба сифати меҳмон иштирок карданд. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Ҷонибҳо дар бораи масъалаҳои ҳамкории сиёсӣ ва амниятӣ миёни Ҳиндустон ва кишварҳои Осиёи Марказӣ, пешбурди ҳамгироӣ ва шарокат дар минтақа ва ҳамчунин густариши ҳамкории тиҷоратию иқтисодӣ байни Ҳиндустон ва кишварҳои Осиёи Марказӣ мубодилаи афкор намуданд.
Зимни суханронӣ Вазири корҳои хориҷии Тоҷикистон Сироҷиддин Муҳриддин иброз дошт, ки ҳамкорӣ бо Ҷумҳурии Ҳиндустон, аз ҷумла дар чорчӯби Муколамаи Ҳиндустон ва Осиёи Марказӣ ва дигар абзорҳои ҳамкории минтақавӣ барои Тоҷикистон аҳамияти хосса дорад. Таъкид гардид, ки Тоҷикистон муколамаро ҳамчун як василаи муҳими рушд ва таҳкими шарокати роҳбурдӣ байни кишварҳои узви муколама арзёбӣ мекунад.
Дар нишаст аҳамияти васл гардидани роҳҳо ҷиҳати афзоиши тиҷорати минтақавӣ ва инчунин наздик намудани равобити мардумони Ҳиндустон ва Осиёи Марказӣ таъкид гардид. Зимнан, ҷонибҳо тасмим гирифтанд, ки неруи транзитӣ ва нақлиётии кишварҳои минтақаро рушди беҳтар диҳанд.
С. Муҳриддин дар мавриди мавзӯъҳои ҳамкории минтақавӣ татбиқи лоиҳаҳои бахши энергетикӣ, саноатӣ ва кишоварзиро муҳим арзёбӣ намуда, тавсеаи иқтидор ва имконоти содиротӣ ва интиқоли бемамониати молҳоро таъкид кард.
Ҷонибҳо ҳамчунин тавсеаи ҳамкории минтақавиро дар соҳаҳои тандурустӣ, фарҳанг, маориф ва сайёҳӣ муҳим арзёбӣ намуданд. Бо ишора ба ҳамагирии Ковид-19 ҷонибҳо даъват намуданд, ки барои пешгирии интишори баъдии ин беморӣ ва барқарорсозии рушди устувори иҷтимоию иқтисодии кишварҳои минтақа тадбирҳои муассири муштарак андешида шаванд.
Вазирон бо мақсади истиқрори сулҳ дар Афғонистон идомаи иштироки Афғонистонро дар Муколамаи Ҳиндустон ва Осиёи Марказӣ ҳамчун кишвари пайвасткунандаи роҳҳои транзитӣ дар густариши ҳамкории минтақавӣ дар соҳаҳои ҳамлу нақли мол ва энергетика таъкид намуданд.
Дар интиҳо Изҳороти муштарак дар бораи натиҷаҳои нишасти дуюми Муколамаи Ҳиндустон ва кишварҳои Осиёи Марказӣ қабул гардид.
АКСҲО аз ВКХ ҶТ
Ҳамкорӣ байни муассисаҳои таҳсилоти олии Тоҷикистон ва Донишгоҳи давлатии иқтисодии Озарбойҷон баррасӣ гардид
РАВАНДИ ОБИ ДУШАНБЕ. Барномаи чорабинии байналмилалӣ аз кадом бахшҳо иборат хоҳад буд?
Сафири Тоҷикистон бо муовини Фармондеҳи генералии Қӯшунҳои сарҳадии Лаҳистон вохӯрӣ кард
Сафари таърихии давлатӣ ба Чин. Натиҷаҳо беш аз 80 санади нави ҳамкорӣ ва ҷалби зиёда аз 8 миллиард доллари амрикоӣ сармоя ба иқтисодиёти Тоҷикистон
Сироҷиддин Муҳриддин бо роҳбари Дафтари барномаҳои САҲА дар Тоҷикистон мулоқот намуд
РАВАНДИ ОБИ ДУШАНБЕ. Дар дафтари СММ дар Арабистони Саудӣ оид ба Конфронси Душанбе чорабинӣ доир гардид
Нақши Тоҷикистон ҳамчун пешбарандаи дипломатияи об дар ҳамоиши байналмилалӣ дар Абузабӣ таъкид гардид
Дар Туркманистон бахшида ба Рӯзи ҷавонони Тоҷикистон вохӯрӣ баргузор гардид
Сафири Тоҷикистон бо муовини Вазири корҳои хориҷии Лаҳистон мулоқот намуд
Ҳамкории мутақобили судманди Тоҷикистон бо Созмони байналмилалии ҳуқуқи рушд баррасӣ гардид
РАВАНДИ ОБИ ДУШАНБЕ. Дар Конфронси чоруми Душанбе се санади муҳими ҷамъбастӣ қабул карда мешаванд
Аҳднома оид ба ҳамҷавории неку абадӣ, дӯстӣ ва ҳамкорӣ байни Ҷумҳурии Тоҷикистон ва Ҷумҳурии Мардумии Чин ба имзо расид
