Вакилони Маҷлиси намояндагон дар ҷаласаҳои комиссияҳои доимии Ассамблеяи байнипарлумонии давлатҳои ИДМ онлайн иштирок намуданд
ДУШАНБЕ, 09.10.2020 /АМИТ «Ховар»/. 8-9 октябр вакилони Маҷлиси намояндагони Маҷлиси Олии Ҷумҳурии Тоҷикистон тариқи видеоконференсияи онлайнӣ дар ҷаласаҳои комиссияҳои доимии Ассамблеяи байнипарлумонии давлатҳои иштирокчии Иттиҳоди Давлатҳои Мустақил (АБП ИДМ) иштирок намуданд. Дар ин бора котиби матбуоти Маҷлиси намояндагони Маҷлиси Олии Ҷумҳурии Тоҷикистон Муҳаммадато Султонов ба АМИТ «Ховар» хабар дод.
Дар видеоконференсия вакилоне, ки узвияташон дар комиссияҳои доимии Ассамблеяи байнипарлумонии давлатҳои иштирокчии Иттиҳоди Давлатҳои Мустақил дар Шӯрои Маҷлиси намояндагон пешниҳод шуда буд, иштирок ва суханронӣ намуданд.
Дар видеоконференсия раиси Кумитаи Маҷлиси намояндагони Маҷлиси Олии Ҷумҳурии Тоҷикистон оид ба корҳои байналмилалӣ, иттиҳодияҳои ҷамъиятӣ ва иттилоот дар Комиссияи доимии Ассамблеяи Байнипарлумонӣ ИДМ оид ба масъалаҳои сиёсӣ ва ҳамкории байналмилалӣ Саидмурод Фаттоҳзода, раиси Кумитаи Маҷлиси намояндагони Маҷлиси Олии Ҷумҳурии Тоҷикистон оид ба илм, маориф, фарҳанг ва сиёсати ҷавонон дар Комиссияи доимии АБП ИДМ оид ба илм ва маориф Насиба Содиқӣ, раиси Кумитаи Маҷлиси намояндагони Маҷлиси Олии Ҷумҳурии Тоҷикистон оид ба тартиботи ҳуқуқӣ, мудофиа ва амният дар Комиссияи доимии АБП ИДМ оид ба мудофиа ва амният Рустам Шоҳмурод ва узви Кумитаи Маҷлиси намояндагони Маҷлиси Олии Ҷумҳурии Тоҷикистон оид ба масъалаҳои аграрӣ, захираҳои об ва замин дар Комиссияи доимии АБП ИДМ оид ба фарҳанг, иттилоот, туризм ва варзиш Зоир Раҳмонзода иштирок намуданд.
Дар нишасти онлайнӣ масъалаҳои ҳамкории байнипарлумонӣ ва механизми пешбурди фаъолияти Ассамблеяи байнипарлумонӣ ва узвияти ҳайати парлумонии Тоҷикистон дар комиссияҳои доимӣ мавриди баррасӣ қарор гирифт.
Мулоқоти Маҳмадтоир Зокирзода бо нозирони байналмилаллӣ
Раиси Маҷлиси миллӣ Рустами Эмомалӣ бо ҳайати мушоҳидони Ассамблеяи байнипарламентии ИДМ мулоқот намуданд
Дар Маҷлиси намояндагон се Созишнома ба тасвиб расид
Ба Кодекси мурофиавии иқтисодии Ҷумҳурии Тоҷикистон илова ворид карда мешавад
«Истиқлол ва шукргузорӣ дар ҳикмати давлатдорӣ»-таҳти чунин унвон дар Маҷлиси намояндагон ҳамоиш доир гардид
Ҷаласаи якуми иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон, даъвати шашум баргузор шуд
Дар Маҷлиси миллӣ масъалаҳо оид ба содироти молу маҳсулот баррасӣ гардиданд
Дар Маҷлиси намояндагон масъалаи тақвияти ҳамкорӣ бо СММ баррасӣ гардид
Дар Душанбе бо нозирони байналмилалӣ муколама доир гардид
Гурӯҳи дӯстии парламенти Ӯзбекистон аз шаҳри Турсунзода дидан намуд
