Сокинони ду деҳаи шаҳри Турсунзода бо оби тозаи нӯшокӣ таъмин гардиданд
ТУРСУНЗОДА, 30.11.2020 /АМИТ «Ховар»/. Дар доираи чорабиниҳо бахшида ба Даҳсолаи байналмилалии амал «Об барои рушди устувор», солҳои 2018-2028 дар деҳаи Чанори Ҷамоати деҳоти Қаратоғ ва деҳаи Кадучии Ҷамоати деҳоти Работи шаҳри Турсунзода хатҳои оби нӯшокӣ мавриди баҳрабардории сокинон қарор гирифтанд. Ба ин муносибат бо иштироки роҳбарони мақомоти иҷроияи ҳокимияти давлатии шаҳр ҳамоиш баргузор шуд.
Ҷиҳати амалӣ намудани ин корҳои муҳим ба соҳибкорон, фаъолон ва аҳли деҳаҳо арзи сипоси намояндагони мақомоти иҷроияи ҳокимияти давлатии шаҳри Турсунзода баён гардид.
Тибқи иттилои котиби матбуоти шаҳри Турсунзода Фирӯз Холиқов, хати оби нӯшокии деҳаи Чанор аз масофаи 4500 метр бо қубури қутраш 90 мм кашида шуда, аҳолии беш аз 1400-нафараи деҳаи Чанорро бо оби нӯшокӣ таъмин менамояд. Инчунин хати оби нӯшокии сокинони деҳаи Кадучӣ давоми ду моҳи охир тариқи ҳашари дастаҷамъона аз пояи кӯҳ то деҳа кашида шуда, масофаи он тақрибан 5 км мебошад.
Анҷоми корҳои мазкур бо ҳашари дастаҷамъонаи сокинони деҳа дар ҳамкорӣ бо мутахассисон ва техникаҳои Корхонаи истифодабарии оби нӯшокии деҳоти шаҳри Турсунзода сурат гирифт.
Зимни ифтитоҳи иншооти мазкур муовини раиси шаҳр Ҳамдам Долизода иштирок намуда, ба сокинони ду ҷамоат барои корҳои дастаҷамъона ҷиҳати кашидани хати оби нӯшокӣ ва ба соҳибкорону сокинони ин деҳаҳо, ки дар ин иқдоми муҳим саҳм гузоштаанд, изҳори сипос кард. Ӯ иброз дошт, ки мардуми меҳнатдӯсти шаҳри Турсунзода бахшида ба ҷашни 30-солагии Истиқлоли давлатии Ҷумҳурии Тоҷикистон дар баробари дигар сокинони шаҳру ноҳияҳои мамлакат имрӯзҳо бунёдкорию созандагиро пешаи худ намудаанд.
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
Имрӯз дар баъзе ноҳияҳои Тоҷикистон барф меборад
Дар Боку таҳкими ҳамкории Тоҷикистон ва Донишгоҳи Академияи дипломатии Озарбойҷон дар соҳаи маориф ва илм баррасӣ шуд
