Дар Душанбе имкониятҳои сайёҳии Тоҷикистон муаррифӣ мегардад

Декабрь 3, 2020 10:52

ДУШАНБЕ, 03.12.2020/ АМИТ «Ховар»/. 9 декабр дар Душанбе  оид ба   имконияту захираҳои  сайёҳии Тоҷикистон  баргузории  намоишгоҳ  дар назар дошта шудааст. Дар ин  намоишгоҳ  ширкатҳои сайёҳии ватанӣ ва  ассотсиатсияҳои  хизматрасонии маҳсулоти сайёҳӣ  имкониятҳои сайёҳии мамлакатро муаррифӣ менамоянд.

Аз Кумитаи рушди сайёҳии назди Ҳукумати Ҷумҳурии Тоҷикистон ба АМИТ «Ховар» иттилоъ доданд, ки ҳадаф аз ташкили намоишгоҳ рушди соҳаи сайёҳии дохилӣ, ҷалби васеи мардум ба сайру саёҳат, беҳтар намудани тарзи ҳаёти солим тавассути саёҳат, огоҳии комил пайдо кардани аҳолӣ аз таъриху фарҳанг  ва дар заминаи он баланд бардоштани худшиносии миллӣ мебошад.

Ҳамзамон тавсеаи ҳамкории судманд байни  вазорату идораҳо, мақомоти маҳаллӣ дар самти татбиқи самараноки Солҳои рушди деҳот, сайёҳӣ ва ҳунарҳои мардумӣ  аз ҳадафҳои дигари намоишгоҳи имконияти сайёҳӣ мебошад. Интизор меравад, ки дар намоишгоҳ дар радифи имконияти сайёҳии мамлакат, ҳамзамон акси манзараҳои ҷолиби табиати Тоҷикистон ва армуғонҳо, ки маҳсули дастони ҳунармандони тоҷик мебошанд, ба тамошо гузошта шаванд.

Инчунин дар доираи намоишгоҳ баргузории ҳамоиш дар назар аст, ки дар он масъалаҳои марбут ба рушди соҳаи сайёҳӣ дар Тоҷикистон матраҳ хоҳанд гашт.

Декабрь 3, 2020 10:52

Хабарҳои дигари ин бахш

Дар Душанбе ҷаласаи ҳаштуми Шурои ҳамоҳангсозии миллӣ оид ба рушди соҳаи сайёҳӣ баргузор гардид
Сомонаи Кумитаи рушди сайёҳии назди Ҳукумати Ҷумҳурии Тоҷикистон дар таҳрири нав фаъол гардид
Байни Донишгоҳи байналмилалии сайёҳӣ ва соҳибкории Тоҷикистон ва Донишгоҳи шарқии Қазоқистон санади ҳамкорӣ ба имзо расид
Тоҷикистон ва Туркия ҳамкориро дар соҳаи сайёҳӣ тақвият мебахшанд
Дар Анталия машғулияти омӯзишӣ барои намояндагони соҳаи сайёҳии Тоҷикистон оғоз ёфт
Намояндагони бахши сайёҳии Тоҷикистон ба Туркия сафар намуданд
Намояндагони ниҳодҳои сайёҳии Иттиҳоди Давлатҳои Мустақил дар Душанбе таҳкими ҳамкорӣ дар соҳаи сайёҳиро баррасӣ намуданд
«Бешаи палангон» ба Феҳристи мероси умумиҷаҳонии ЮНЕСКО ворид карда мешавад
«КОХИ НАВРӮЗ» — ШОҲКОРИИ ДАВРОНИ ИСТИҚЛОЛ. Меҳмонон ва сайёҳони дохилию хориҷӣ ҳатман ба ин макони тамошобоби Душанбе меоянд
«Пахтачинӣ», «Пиллаи аввали ман». Сайёҳии аграрӣ дар Тоҷикистон чӣ гуна рушд меёбад ва кӣ ба он таваҷҷуҳ дорад?
БЕҲТАРИН СУБЪЕКТҲОИ ХИЗМАТРАСОНИ САЙЁҲӢ. Кумитаи рушди сайёҳии Тоҷикистон озмун эълон менамояд
Базму сурур дорад, ҳар хонадони Хоруғ. НИГИНЕ ДАР БОМИ ҶАҲОН