Пешвои миллат Эмомалӣ Раҳмон бо Президенти якуми Ҷумҳурии Қазоқистон Нурсултон Назарбоев суҳбати телефонӣ анҷом доданд.
ДУШАНБЕ, 30.12.2020 /АМИТ «Ховар»/. Имрӯз суҳбати телефонии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Президенти якуми Ҷумҳурии Қазоқистон муҳтарам Нурсултон Назарбоев сурат гирифт.
Пешвои миллат, Президенти Ҷумҳурии Тоҷикистон Президенти якуми Ҷумҳурии Қазоқистон ва дар шахсияти ӯ мардуми бародари Қазоқистонро ба муносибати фарорасии Соли Нав самимона табрик намуда, барои ҷомеаи Қазоқистон сулҳу субот ва шукуфоии минбаъдаро орзу намуданд.
Сарвари давлати мо ҳамчунин сипоси худро ба Нурсултан Назарбоев барои табрикоти гарму таманниёти нек ба унвони мардуми Тоҷикистон иброз доштанд.
Дар рафти суҳбат Президенти Ҷумҳурии Тоҷикистон густариши бомуваффақияти муносибатҳои зичи дӯстиву ҳамкориҳои ҳамаҷонибаи байни Тоҷикистону Қазоқистонро, сарфи назар аз оқибатҳои манфии пандемия, қайд карданд.
Инчунин, Сарвари давлати мо таъкид карданд, ки имрӯзҳо Ҷумҳурии Қазоқистон ба рӯйдоди муҳимми сиёсӣ – интихоботи парламентӣ омодагӣ мегирад. Дар ин иртибот ӯ ба сокинони Қазоқистон баргузории бомуваффақияти чорабинии мазкурро, ки омили боз ҳам бештар таҳким ёфтани субот, ризоият ва ваҳдати миллӣ дар ҷомеа арзёбӣ мегардад, таманно карданд.
Ҷонибҳо изҳори итминон намуданд, ки бо талошҳои муштарак шарикии стратегии Тоҷикистону Қазоқистон минбаъд низ ба нафъи мардумони ду кишвар тавсеа хоҳад ёфт.
Фармони Президенти Ҷумҳурии Тоҷикистон дар бораи зиёд намудани андозаи стипендияи донишҷӯёни муассисаҳои таҳсилоти олии касбӣ ва миёнаи касбии Ҷумҳурии Тоҷикистон, инчунин магистр, аспирант ва докторантҳо
Президенти Ҷумҳурии Тоҷикистон Эмомалӣ Раҳмон Вазири кишвари (корҳои дохилии) Ҷумҳурии Исломии Эрон Абдурризо Раҳмонии Фазлиро ба ҳузур пазируфтанд
Пешвои миллат Эмомалӣ Раҳмон дар ҷамъомади тантанавӣ ба ифтихори 28-солагии таъсисёбии Қувваҳои Мусаллаҳи Ҷумҳурии Тоҷикистон иштирок намуданд
Суханронии Пешвои миллат Эмомалӣ Раҳмон ба ифтихори рӯзи таъсисёбии Қувваҳои Мусаллаҳ
Амри Президенти Ҷумҳурии Тоҷикистон дар бораи баргузор кардани озмуни ҷумҳуриявии «Илм-фурӯғи маърифат»
Амри Президенти Ҷумҳурии Тоҷикистон дар бораи баргузор кардани озмуни ҷумҳуриявии «Фурӯғи субҳи доноӣ китоб аст» дар соли 2021
Пешвои миллат Эмомалӣ Раҳмон бо иштироки муовинони Сарвазир, ёрдамчиёни Президент ва роҳбарони як қатор вазорату идораҳои давлатӣ машварати корӣ доир намуданд
Президенти Ҷумҳурии Тоҷикистон Эмомалӣ Раҳмон бо Вазири корҳои хориҷии Ҷумҳурии Ӯзбекистон Абдулазиз Комилов мулоқот намуданд
Президенти Ҷумҳурии Тоҷикистон Эмомалӣ Раҳмон бо Дабири кулли Созмони Аҳдномаи амнияти дастаҷамъӣ Станислав Зас мулоқот намуданд
Президенти Ҷумҳурии Тоҷикистон Эмомалӣ Раҳмон аз 6 сафири нави фавқулодда ва мухтори кишварҳои хориҷ эътимоднома қабул карданд
Ниҳолшинонӣ дар Майдони «Истиқлол» ва шиносоӣ бо рафти корҳои сохтмонӣ
