Дар Душанбе ғолибони озмунҳои шаҳрии «Омӯзгори сол», «Мураббии сол» ва «Хонандаи сол» муайян шуданд

Январь 6, 2021 12:14

ДУШАНБЕ, 06.01.2021/АМИТ «Ховар»/. Дар Душанбе  озмунҳои шаҳрии  «Омӯзгори сол», «Мураббии сол» ва «Хонандаи сол» ҷамъбаст гардида, ғолибон муайян шуданд. Омӯзгори фанни химияи Муассисаи таълимии давлатии Литсейи №3  барои хонандагони болаёқати шаҳри Душанбе Азизбек Зумратов ғолиби даври шаҳрии озмуни «Омӯзгори сол», мураббии муассисаи таҳсилоти  томактабии №132-и ноҳияи Сино Шаҳло Неъматзода ғолиби даври шаҳрии озмуни «Мураббии сол» ва  хонандаи синфи 10-и муассисаи таҳсилоти миёнаи умумии №52-и ноҳияи И.Сомонӣ Сумая Абдулфаёзиддин  ғолиби даври шаҳрии озмуни «Хонандаи сол» дониста шуданд.

Тавре аз Раёсати иттилоот ва робитаҳои хориҷии дастгоҳи Раиси шаҳри Душанбе ба АМИТ  «Ховар»  хабар доданд, дар даври ноҳиявии озмуни “Омӯзгори сол-2020” аз 13 фанни таълимӣ, аз ҷумла синфҳои ибтидоӣ, таърих ва ҳуқуқ, забон ва адабиёти тоҷик, забони русӣ, забони хориҷӣ, математика, физика, химия, биология, география, технологияи иттилоотӣ, технология  (таълими меҳнат) дар ноҳияи Сино 263 нафар, И.Сомонӣ 162 нафар, Шоҳмансур 253 нафар, Фирдавсӣ 175 нафар, дар маҷмӯъ 853 нафар омӯзгор,    дар озмуни  “Хонандаи сол-2020” дар ноҳияи Сино 27 нафар, Шоҳмансур 22 нафар, И.Сомонӣ 20 нафар, Фирдавсӣ 21 нафар,   дар маҷмӯъ 90 нафар хонанда ва дар озмуни  “Мураббии сол-2020” дар ноҳияи И.Сомонӣ 9 нафар, Шоҳмансур 9 нафар, Фирдавсӣ 11 нафар ва Сино 26 нафар, дар маҷмӯъ 55 нафар мураббӣ  иштирок намуданд.

«10-12 декабри соли 2020 бо иштироки 4 нафар довталаб- мураббиёни муассисаҳои таҳсилоти томактабии    №152-и ноҳияи Сино Шаҳло Неъматзода, №159-и ноҳияи Шоҳмансур Заррина Ғуломалиева, №132-и ноҳияи Фирдавсӣ   Зебо Бодурова ва  №17-и  ноҳияи И.Сомонӣ Фарангиз Бобоҷонова даври шаҳрии озмуни “Мураббии сол-2020” баргузор гардид, ки дар он  Шаҳло Неъматзода бо ба даст овардани 44,1 хол ғолиби даври шаҳрии озмун дониста шуд. 14-16 декабри соли 2020 бо иштироки  4 нафар довталаб- омӯзгорони муассисаи таҳсилоти миёнаи умумии №93-и ноҳияи Сино  Малика Сафарова, Муассисаи таълимии давлатии Гимназияи №2 барои хонандагони болаёқати шаҳри Душанбе аз ноҳияи Шоҳмансур Гулбаҳор Алматова, Муассисаи таълимии давлатии Литсейи №3 барои хонандагони болаёқати шаҳри Душанбе аз ноҳияи И. Сомонӣ Азизбек Зумратов ва  муассисаи таҳсилоти миёнаи умумӣ-гимназияи №74-и ноҳияи Фирдавсӣ  Нигора Эргашева даври шаҳрии озмуни “Омӯзгори  сол-2020” баргузор гардид, ки дар он  Азизбек Зумратов бо ба даст овардани 40,8 хол ғолиби даври шаҳрии озмун дониста шуд”,-афзуд манбаъ.

Иттилоъ дода шуд, ки  17-18 декабри соли 2020 бо  иштироки  4 нафар довталаб — хонандагони муассисаҳои таҳсилоти миёнаи умумии №87-и ноҳияи Сино  Камол Юсупов, №35-и ноҳияи Шоҳмансур Ифтихор Носиралиев, №52-и  ноҳияи И. Сомонӣ  Сумая Абдулфаёзиддин, ва  №42-и ноҳияи Фирдавсӣ  Арасту Турсунзода даври шаҳрии озмуни “Хонандаи сол-2020” баргузор гардид, ки дар он  Сумая Абдулфаёзиддин бо ба даст овардани 81 хол ғолиби даври шаҳрии озмун дониста шуд.

Ҳамзамон, ғолибони даври шаҳрии озмунҳои “Мураббии сол-2020” — мураббии муассисаи таҳсилоти  томактабии №132-и ноҳияи Сино Шаҳло Неъматзода,  “Омӯзгори сол”- омӯзгори фанни химияи Муассисаи таълимии давлатии Литсейи №3  барои хонандагони болаёқати шаҳри Душанбе Азизбек Зумратов ва “Хонандаи сол — 2020” — хонандаи синфи 10-и муассисаи таҳсилоти миёнаи умумии №52-и ноҳияи И.Сомонӣ Сумая Абдулфаёзиддин  барои иштирок дар даври ҷумҳуриявӣ ба Вазорати маориф ва илми Ҷумҳурии Тоҷикистон пешниҳод карда шуданд.

Январь 6, 2021 12:14

Хабарҳои дигари ин бахш

«Ҷавонон – пайравони Пешвои миллат ва меросдори анъанаҳои наврӯзӣ». Дар Душанбе Фестивали чоруми дӯстии ҷавонон доир мешавад
«КАРНАВАЛИ НАВРӮЗӢ». Имрӯз дар Майдони Истиқлоли шаҳри Душанбе бахшида ба ҷашни байналмилалии Наврӯз барномаи фарҳангӣ доир мегардад
«Карнавали Наврӯзӣ» дар Майдони Истиқлоли шаҳри Душанбе 25 март баргузор мегардад
ХУШ ОМАДӢ, НАВРӮЗИ МАН! Дар Боғи фарҳангӣ-фароғатии ба номи Садриддин Айнӣ сокинону меҳмонон ҷашни Наврӯз таҷлил гардид
Аз ҷониби Раиси шаҳри Душанбе Рустами Эмомалӣ ба қишри ниёзманди ҷомеа ва сарбозони қисмҳои низомӣ кумак расонида шуд
ТАНТАНАҲОИ НАВРӮЗӢ. Имрӯз дар тамоми боғҳои пойтахт барномаҳои рангини фарҳангӣ баргузор мегарданд
Субҳи имрӯз дар «Боғи Ғалаба» сокинони чор ноҳияи пойтахт бо оростани гулхани ҷашнӣ фарорасии Соли нави аҷдодиро пешвоз гирифтанд
Дар шаҳри Душанбе Фестивали байналмилалии «Наврӯз-мероси фарҳангию ҷаҳонгардӣ» баргузор гардид
РАМЗИ БАҲОРУ НАВРӮЗ. Дар чор ноҳияи шаҳри Душанбе табақи суманак гузошта шуд
Дар Душанбе бо мақсади муаррифии имконияти сайёҳӣ ва фарҳанги миллии тоҷикон фестивали байналмилалӣ оғоз ёфт
«НАВРӮЗ-МЕРОСИ ФАРҲАНГИЮ ҶАҲОНГАРДӢ». Дар шаҳри Душанбе фестивали байналмилалӣ баргузор мегардад
ДУШАНБЕ-МАКОНИ БЕҲТАРИНИ САЙЁҲӢ. Дар айёми баҳор пойтахт барои гардишгарӣ хеле муносиб аст