Дар шаҳри Кӯлоб 52 нафар иштирокчиёни даври вилоятӣ ва ҷумҳуриявии озмунҳо қадрдонӣ шуданд

Январь 29, 2021 08:51

ДУШАНБЕ, 29.01.2021 /АМИТ «Ховар»/. Дар шаҳри Кӯлоб бо иштироки Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода 52 нафар иштирокчиёни даври вилоятӣ ва ҷумҳуриявии озмунҳои ҷумҳуриявии «Тоҷикистон-Ватани азизи ман» ва «Фурӯғи субҳи доноӣ китоб аст» бо Ифтихорнома, Сипоснома ва маблағҳои пулӣ қадрдонӣ гардиданд. Дар ин бора АМИТ «Ховар» бо истинод ба шуъбаи иттилооти раиси шаҳри Кӯлоб хабар медиҳад.

Ҳамчунин бахшида ба сазовор пешвоз гирифтани ҷашни 30-солагии Истиқлоли давлатии Ҷумҳурии Тоҷикистон соли 2020 бо қарори раиси шаҳри Кӯлоб комиссияи озмуни шаҳрӣ барои муайян кардани беҳтарин деҳот, деҳа, маҳалла, кӯча ва оилаи беҳтарин гузаронида шуда, беҳтаринҳо муайян карда шуданд.

Аз рӯи ҷамъбасти нишондиҳандаҳои деҳоти беҳтарин ҷойи якум ба деҳоти Зиракӣ,  ҷойи дуюм ба деҳоти Кӯлоб ва ҷойи сеюм ба деҳоти Даҳана дода шуд.

Аз рӯи нишондиҳандаҳои деҳаи беҳтарин ҷойи якумро деҳаи Гулистони Ҷамоати деҳоти Зарбдор, ҷойи дуюмро деҳаи Саричашмаи Ҷамоати деҳоти Кӯлоб ва ҷойи сеюмро деҳаи Зиракии Ҷамоати деҳоти Зиракӣ соҳиб шуданд.

Аз рӯи нишондиҳандаҳои маҳаллаи беҳтарин ҷойи якум ба маҳаллаи Исмоили Сомонии шаҳри Кӯлоб, ҷойи дуюм ба маҳаллаи Сайфидин Сангови шаҳри Кӯлоб ва  ҷойи сеюм ба маҳаллаи Мир Сайид Алии Ҳамадонии шаҳри Кӯлоб сазовор дониста шуд.

Аз рӯи нишондиҳандаҳои кӯчаи беҳтарин ҷойи якумро ба кӯчаи Ҷумъа Алии шаҳри Кӯлоб, ҷойи дуюмро ба кӯчаи Нонбойи поёни шаҳри Кӯлоб ва ҷойи сеюмро ба кӯчаи Сангак Сафарови шаҳри Кӯлоб сазовор донистанд.

Аз рӯи нишондиҳандаҳои оилаи беҳтарин ҷойи якумро оилаи Абдуҷаббор Зардиев, сокини Ҷамоати деҳоти Зиракӣ, ҷойи дуюмро оилаи Шариф Шеров, сокини Ҷамоати деҳоти Даҳана ва ҷойи сеюмро оилаи Амирхон Наимов, сокини кӯчаи Сайфиддин Сангови шаҳри Кӯлоб касб намуданд.

Дар ҷамъбаст ба ғолибони озмун Ифтихорнома, Сипоснома ва туҳфаҳои хотиравӣ, аз ҷумла мукофотпулиҳо дар ҳаҷми аз 2000 то 1500 сомонӣ супурда шуданд.

Январь 29, 2021 08:51

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Тандиси биринҷии чеҳраи Президенти Тоҷикистон ба Осорхонаи миллӣ супорида шуд
АЗ НАВРӮЗ ТО НАВРӮЗ. Дар Донишкадаи давлатии санъати тасвирӣ ва дизайни Тоҷикистон фестивали муд баргузор мегардад
ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус
НАВРӮЗ ДАР ЗАРАФШОН. Он бо «тухмҷангак»-и кӯдакон оғоз мегардад