Дар шоҳроҳи байналмилалии Душанбе-Турсунзода 170 бех дарахт шинонида шуд

Январь 20, 2021 10:52

ДУШАНБЕ, 20.01.2021 /АМИТ «Ховар»/. Ҳафтаи сипаришуда аз тарафи шуъбаи ҳифзи муҳити зисти шаҳри Ҳисор дар шоҳроҳи Душанбе-Турсунзода 170 бех дарахт шинонида шуд. Қаблан дар шафати ин шоҳроҳ, дар ҳудуди ноҳияҳои Рӯдакӣ 26 бех, Шаҳринав- 405 бех ва шаҳрҳои Душанбе- 410 бех, Турсунзода- 35 бех дарахтони сояфкану ороишӣ шинонида шуданд.

Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад, ки дар маъракаи ниҳолшинонӣ дар шоҳроҳи Душанбе-Турсунзода Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода ва роҳбарону намояндагони мақомоти иҷроияи ҳокимияти давлатии шаҳри Ҳисор иштирок намуданд.

Ёдовар мешавем, ки бо ташаббуси Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамасола дар саросари Ҷумҳурии Тоҷикистон маъракаи сабзазоркунӣ баргузор мегардад,  ки ба беҳтар шудани ҳолати беҳдоштӣ, баланд бардоштани сатҳи маърифати экологӣ ва зебопарастии аҳолӣ мусоидат менамояд.

Шоҳроҳи Душанбе – Турсунзода яке аз роҳҳои автомобилгарди байналмилалӣ маҳсуб ёфта, тавассути он ҳамлу нақли бор аз давлатҳои ҳамсоя сурат мегирад. Аз ин рӯ тасмим гирифта шудааст, ки дар шафати ин шоҳроҳ корҳои ободонӣ, аз ҷумла шинонидани дарахтони ороишӣ ва гулу буттаҳо ташкил карда шаванд.

Нигоҳубини ниҳолу дарахтони шинонидашуда ба зиммаи ҷамоатҳои шаҳраку деҳоти маҳаллӣ гузошта шуда, масъулияти баланди онҳоро тақозо менамояд.

Дар маъракаи навбатӣ дар ин мавзеъ шинонидани 120 бех дарахтони дигар дар назар дошта шудааст.

Январь 20, 2021 10:52

Хабарҳои дигари ин бахш

ДАРАХТ БИНШОН! Дар ноҳияи Хуросон тадбирҳои ниҳолшинонӣ анҷом дода шуд
ДАРАХТ БИНШОН! Имсол дар ноҳияи Шуғнон 3 ҳазор бех дарахтони сояафкану ороишӣ ва мевадор мешинонанд
ДАРАХТ БИНШОН! Дар кӯчаи Сирдарёи шаҳри Хуҷанд 150 бех ниҳоли дарахтони ҳамешасабз ва ороишӣ шинонида шуд
Дар Вилояти Мухтори Кӯҳистони Бадахшон 150 ҳазор бех ниҳолҳои сояафкану ороишӣ ва мевадиҳанда шинонида мешаванд
ТАТБИҚИ БАРНОМАИ «МАМЛАКАТИ САБЗ». Дар шаҳрҳои Душанбе ва Ваҳдат 1500 бех ниҳол шинонида шуд
ДАРАХТ БИНШОН! Омӯзгорони ноҳияи Рӯдакӣ дар канори шоҳроҳи Душанбе-Ваҳдат дарахтони ҳамешасабз шинониданд
ДАРАХТ БИНШОН! Дар варзишгоҳи марказии ноҳияи Восеъ беш аз 2000 бех дарахти сӯзанбарги ороишӣ шинонида шуд
«ШАҲРИ МАН – ХОНАИ МАН». Дар Душанбе беш аз 200 арчаи ҳамешасабз шинонида шуд
НАМУНАИ ИБРАТ! Дар замини назди бинои Мақомоти иҷроияи ҳокимияти давлатии ноҳияи Ҷайҳун 8 ҳазор қаламчаи гули садбарг шинонида шуда, боғи зардолу ва шафтолу бунёд гардидааст
ТОҶИКИСТОН — МАМЛАКАТИ САБЗ. Дар канори роҳҳои мошингарди ҷумҳурӣ беш аз 6 миллион ниҳолу буттаҳо шинонида мешаванд
ДАРАХТ БИНШОН! Дар минтақаҳои гуногуни ноҳияи Варзоб зиёда аз 14 ҳазор бех ниҳол шинонида шуд
ДАРАХТ БИНШОН! Дар Тоҷикистон ҳаракати ҷумҳуриявии ниҳолшинонӣ бомаром идома дорад