Котиби генералии Кумитаи олимпии Қатар ноиби президенти Шӯрои олимпии Осиё интихоб шуд
ДУШАНБЕ, 20.01.2021 /АМИТ «Ховар»/. Котиби генералии Кумитаи олимпии Қатар Ҷасим Рашид Ал-Буэнайн ноиби президенти Шӯрои олимпии Осиё (ОСА) интихоб шуд. Номзадии Ал-Буэнайнро ба ин мақом президенти Кумитаи олимпии Қатар шайх Ҷоан ибни Ҳамад Ал-Танӣ пешниҳод кардааст.
Тибқи муқаррароти Оинномаи ОСА, пас аз он ки шаҳри Давҳа мизбони Бозиҳои Осиё-2030 интихоб шуд, ба Кумитаи олимпии Қатар иҷозат дода шуд, ки ба мақоми ноиби президенти ОСА номзад пешниҳод кунад.
Тавре аз Кумитаи миллии олимпии Тоҷикистон ба АМИТ «Ховар» иттилоъ доданд, Ал-Буэнайн иҷрокунандаи директори кумитаи дархостии Давҳа-2030 буда, дар омодагӣ ба бозиҳо нақши калидӣ хоҳад дошт.
«Барои ман ноиби президенти Шӯрои олимпии Осиё будан ифтихори бузург аст. Мехоҳам миннатдориамро ба президенти ОСА шайх Аҳмад Ал-Фаҳад Ал-Сабоҳ ва ҳамаи оилаи Шӯрои олимпии Осиё расонам, ки имкони саҳм гузоштан ба ояндаи дурахшони варзиши Осиёро фароҳам карданд. Ҳамчунин ба президенти Кумитаи олимпии Қатар Ҷоан ибни Ҳамад Ал-Танӣ барои таъйини ман ва супоридани намояндагии Давҳа-2030 дар Кумитаи иҷроияи ОСА изҳори сипос менамоям. Тавре мо гуфта будем, Қатар барои гузаронидани Бозиҳои Осиё имрӯз омода аст, бинобар ин мо имкон дорем, ки сарфаи хароҷоти худро барои сармоягузории инфрасохтор ва рушди варзиш дар саросари қора истифода барем», — гуфтааст Ҷасим Рашид Ал-Буэнайн.
Ал-Буэнайн ба ҳайати 12-нафараи Кумитаи иҷроияи ОСА ворид гардида, намояндаи дуюми Қатар дар ин мақом мешавад. Ноиби президенти Кумитаи олимпии Қатар Танӣ Абдураҳмон Ал-Куварӣ аз соли 2019 ноиби президенти ОСА мебошад.
Ёдовар мешавем, ки моҳи декабри соли гузашта Давҳа дар Ассамблеяи генералии ОСА ба ҳайси мизбони Бозиҳои Осиё-2030 интихоб шуд.
Пагоҳ дар Душанбе Мусобиқаи ҷумҳуриявӣ оид ба ҷиу-ҷитсу байни калонсолон баргузор мешавад
ҶОМИ ОСИЁ-2026. Дастаи мунтахаби Тоҷикистон оид ба футзал бозии дуюми худро анҷом дод
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо тими Ҷопон бозӣ мекунад
ҶОМИ ФУТЗАЛИ ОСИЁ-2026. Бозии дастаҳои мунтахаби Тоҷикистон ва Узбекистон мусовӣ анҷом ёфт
Дастаи мунтахаби наврасони Тоҷикистон (U-17) бо ҳамтоён аз Ҳиндустон бозиҳои санҷишӣ анҷом медиҳад
ҶОМИ ОСИЁ-2026. Имрӯз дастаи мунтахаби Тоҷикистон оид ба футзал бо дастаи Узбекистон бозӣ мекунад
Довар аз Тоҷикистон бозиҳои қисми ниҳоии Ҷоми футзали Осиё-2026-ро ҳакамӣ мекунад
35-СОЛАГИИ ИСТИҚЛОЛИ ДАВЛАТӢ. Дар Вилояти Мухтори Кӯҳистони Бадахшон беш аз 20 майдонча ва толори варзишӣ сохта шуд
Машғулият оид ба таҳлили бозиҳо барои мураббиёни лигаҳои наврасони Тоҷикистон оид ба футбол идома дорад
Дастаи мунтахаби Тоҷикистон оид ба футбол ба 100-гонаи беҳтаринҳои раддабандии ФИФА ворид гардид
Бозии дастаҳои мунтахаби Тоҷикистон ва Арабистони Саудӣ оид ба футзал мусовӣ анҷом ёфт
«ФУТБОЛ БА НАЗДИ ШУМО МЕОЯД». Дастаи кӯдакони ноҳияи Лахш соҳиби ҷойи аввал гардид
