Дар Маҷлиси намояндагон мулоқоти вакилон бо Сафири Фаластин доир шуд

Февраль 26, 2021 16:00

ДУШАНБЕ, 26.02.2021 /АМИТ «Ховар»/. Имрӯз вакилони Парлумон, узви Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Шӯрои қонунгузории Давлати Фаластин Зоир Раҳмонзода, Ғиёсиддин Маҳмадмуродзода ва Ғайрат Азизов бо Сафири Фавқулода ва Мухтори давлати Фаластин дар Ҷумҳурии Тоҷикистон Луай Исса мулоқот намуданд. Дар ин бора котиби матбуоти Маҷлиси намояндагон Муҳаммадато Султонов ба АМИТ «Ховар» хабар дод.

Дар мулоқот иброз гардид, ки ҳамкорӣ ва  муносибатҳо  миёни Ҷумҳурии Тоҷикистон ва Давлати Фаластин дар ҳоли рушд қарор доранд. Тоҷикистон ба густариши ин ҳамкорӣ  таваҷҷуҳи хоса зоҳир менамояд.

Раиси гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Шӯрои қонунгузории Давлати Фаластин Зоир Раҳмонзода иброз намуд, ки Тоҷикистон чун субъекти мустақил ва баробарҳуқуқи низоми навини робитаҳои байналмилалӣ имрӯз бо 178 кишвари ҷаҳон,  аз ҷумла бо Давлати Фаластин робитаҳои дипломатӣ ба роҳ монда, муносибатҳояшро бо он дар сиғаи дуҷониба ва чорчӯбаи созмонҳои бонуфузи байналмилаливу минтақавӣ  фаъолона пеш мебарад. Муносибатҳои Тоҷикистон ва Фаластин бар пояи устувори таърихӣ такя мекунанд.

Ёдовар мешавем, ки ҳанӯз дар даврони Шӯравӣ байни Тоҷикистон ва Фаластин робитаҳои дӯстиву ҳамкорӣ барқарор гардида буданд.

Зикр гардид, ки новобаста аз вазъи сиёсиву иқтисодӣ ва буҳронҳои зиёди иҷтимоиву молиявии ҷаҳонӣ, махсусан дар шароити паҳншавии вазъи манфии эпидемиологӣ дар ҷаҳон, пеш аз ҳама, пандемияи COVID-19 дар кишвари мо соли сипаригашта ду чорабинии муҳими сиёсӣ, яъне интихоботи вакилони Маҷлиси намояндагон ва Маҷлисҳои маҳаллии вакилони халқ ва хосса, интихоботи Президенти Ҷумҳурии Тоҷикистон баргузор гардиданд.

Дар ин чорабиниҳои бузурги сиёсӣ, ки ояндаи дурахшони Ҷумҳурии Тоҷикистонро муайян мекарданд, мардуми шарифи кишвари мо бо истифода аз ҳуқуқҳои шаҳрвандӣ ва фарҳанги волои сиёсии хеш фаъолона ширкат варзида, барои дар фазои озоду демократӣ баргузор гардидани онҳо саҳми арзанда гузоштанд.

Зоир Раҳмонзода иброз намуд, ки “имрӯз дар Парлумони мо намояндагони шаш ҳизби сиёсӣ фаъолият менамоянд. Бо мақсади густариши робитаҳои дуҷониба миёни Маҷлиси намояндагони Маҷлиси Олии Ҷаҳумҳурии Тоҷикистон ва Шӯрои қонунгузории Давлати Фаластин Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Шӯрои қонунгузории Давлати Фаластин амал мекунад. Аз ин рӯ, мо омодагии худро баҳри таҳкими минбаъдаи ҳамкорӣ ва рушди робитаҳои байнипарлумонӣ таъкид менамоем”.

 

Февраль 26, 2021 16:00

Хабарҳои дигари ин бахш

Файзалӣ Идизода дар ноҳияи Сангвор бо интихобкунандагон вохӯрӣ намуд
Файзалӣ Идизода дар ноҳияи Лахш бо интихобкунандагон вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси Маҷлиси Парламенти Ҷумҳурии Қазоқистон Ерлан Кошанов мулоқот намуданд
Рустами Эмомалӣ дар шаҳри Остона бо фаъолияти технопарки байналмилалии Астана Хаб шинос шуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Президенти Ҷумҳурии Қазоқистон Қосим-Жомарт Токаев мулоқот намуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси Сенати Парламенти Ҷумҳурии Қазоқистон Маулен Ашимбаев мулоқот намуданд
Рустами Эмомалӣ дар пояи маҷмааи «Муҳофизони Ватан»дар Остона гулчанбар гузоштанд
Сафари расмии Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ дар Қазоқистон оғоз шуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ ба Ҷумҳурии Қазоқистон сафар намуданд
Ҳамкории Маҷлиси намояндагон бо Шурои қонунгузории Давлати Фаластин густариш меёбад
Шунавандагони мактаби САҲА оид ба дипломатия бо бинои нави Парлумони Тоҷикистон шинос шуданд
Густариши муносибатҳои байнипарлумонии Тоҷикистон ва Туркманистон баррасӣ гардид