КАСЕ НЕСТ ҲОСИЛРО ҶАМЪ КУНАД. Вазорати кишоварзии ФР аз ҳукумат хоҳиш мекунад, ки вуруди тоҷикон ва ӯзбекҳоро ба Россия барои корҳои мавсимӣ иҷозат диҳад
ДУШАНБЕ, 12.02.2021 /АМИТ «Ховар»/. Вазорати кишоварзии Федератсияи Россия аз Ҳукумати Россия хоҳиш кард, ки ба муҳоҷирони меҳнатӣ барои анҷоми корҳо дар саҳроҳои минтақаҳои гуногуни кишвар иҷозат бидиҳад, хабар медиҳад АМИТ «Ховар» бо истинод ба хабаргузории «Sputnik».
Муовини сарвазир Виктория Абрамченко ба Вазорати меҳнат, Вазорати корҳои дохилӣ ва Вазорати кишоварзӣ супориш дод, ки масъалаи ҷалби коргарони хориҷиро барои иҷрои корҳои кишоварзӣ дар соли 2021 дида бароянд. Ташаббускори ҷалби муҳоҷирон ба соҳаи кишоварзии ватанӣ муовини якуми вазири кишоварзии Федератсияи Россия, раиси Шӯрои директорони ҶСК «Росагролизинг» Ҷамбулат Хатуов мебошад.
Аз мактуби ҷаноби Хатуов бармеояд, ки шаҳрвандони Россия («коргарон аз ҷумлаи аҳолии маҳаллӣ») дар муқоиса бо шаҳрвандони Тоҷикистон ва Ӯзбекистон «таҷрибаи дахлдор ва дониши ҳадди ақалли махсус надоранд». Ёдовар мешавем, ки сухан дар бораи корҳои мавсимии кишоварзӣ меравад. Дар ин бора 10 феврал РБК бо истинод ба нусхаи мактубе, ки дар идора мавҷуд аст, хабар дода буд.
Дар Вазорати кишоварзии Федератсияи Россия ба “Sputnik” гуфтанд, ки ҳоло ин масъала таҳти назорати доимии вазорат қарор дорад ва тадбирҳои иловагӣ, ки «ба муттасил гузаронидани корҳои мавсимии саҳроӣ, ба шумули таъмини захираҳои меҳнатӣ» равона карда шудаанд, коркард мешаванд.
Хабар дода шуд, ки соли 2020 дар шароити баста шудани сарҳадҳо ба сабаби пандемия Вазорати кишоварзӣ норасоии неруи кориро аз ҳисоби мутахассисони дигар соҳаҳои иқтисодиёт ва ҷалби донишҷӯёни мактабҳои олии кишоварзӣ ҳал кард.
Дар айни замон масъалаи бо коргарон таъмин намудани соҳа яке аз масъалаҳои асосии бисёр минтақаҳои Федератсияи Россия мебошад.
«Мутобиқи маълумоти минтақаҳо, эҳтиёҷ ба неруи кории хориҷӣ тақрибан 38,2 ҳазор нафарро ташкил медиҳад ва дар ҳамин ҳол 22,3 ҳазор нафар ё 58,4% ба вилоятҳои Волгоград ва Астрахан рост меояд», — зикр карданд дар Вазорати кишоварзии ФР.
Ин ба истеҳсоли анъанавии маҳсулоти сабзавотӣ бо истифодаи меҳнати дастӣ дар минтақаҳои ҷанубӣ вобаста аст. Бо дарназардошти чунин вазъият, идора талаботи ҳар субъектро ба захираҳои меҳнат таҳлил намуда, ба ҳукумат пешниҳод фиристод. Дар ҳамин ҳол, кишвари Краснодар 10 ҳазор муҳоҷири меҳнатии дорои ихтисосҳои сохтмонӣ дархост кардааст.
Пештар маълум шуд, ки Россия омода аст, ки 20 ҳазор муҳоҷири меҳнатиро аз Тоҷикистон интихоб ва қабул кунад. Дирӯз Вазири меҳнат, муҳоҷират ва шуғли аҳолии Ҷумҳурии Тоҷикистон Ширин Амонзода низ зимни нишасти матбуотии ҳисоботӣ дар Душанбе гуфт, ки Тоҷикистон ва Россия дар бораи бозгашти муҳоҷирони меҳнатӣ ба Федератсияи Россия фаъолона музокира мекунанд ва аз ҷумла, махзани сабти оморро мувофиқа менамоянд. Ба гуфтаи вай, соли гузашта беш аз 129,8 ҳазор нафар барои кор аз Тоҷикистон рафтанд, ки ин нисбат ба соли 2019 76% камтар аст.
АКС аз сомонаи zavtra.ru
ПРЕЗИДЕНТИ ТОҶИКИСТОН ДАР ИН МАВРИД ҲУШДОР ДОДА БУДАНД. Барномаи муҳити зисти СММ ба амалҳои фаврӣ дар мубориза бо буҳрони сегонаи сайёра даъват менамояд
СОЛИ БАЙНАЛМИЛАЛИИ ҲИФЗИ ПИРЯХҲО. Ташаббуси Тоҷикистон барои пешгирии оқибатҳои ҳузнангез дар сайёра хеле саривақтӣ мебошад
Сарфармондеҳи Олии Қувваҳои Мусаллаҳ: «Ман ба афсарону сарбозони далеру шуҷоъ, бонангу номуси Ватан бовар дорам ва бо онҳо ифтихор мекунам»
«РИВОЯТИ ЭМОМАЛӢ РАҲМОН». Яъқуб Ясно, нависанда ва пажуҳишгар: «Агар шумо шахсияти сиёсии дигареро дар замони муосир мешиносед, ки бештар аз муҳтарам Эмомалӣ Раҳмон дар эҳё ва рушди фарҳанги ориёӣ самимона заҳмат кашидааст, намуна ва мисол биоваред!»
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
ҲАРОРАТИ ГЛОБАЛИИ ҲАВО БА 1,5 ДАРАҶА РАСИДААСТ. Ин ба уҳдадории давлатҳо дар доираи Созишномаи Париж мухолифат мекунад
Президенти Тоҷикистон: «Кишоварзони мамлакат бояд ба масъалаи парваришу захираи тухмиҳои беҳтарин ва ниҳолҳои серҳосил таваҷҷуҳи махсус зоҳир намоянд»
Эмомалӣ Раҳмон: «Се ҷашни миллии мо – Наврӯз, Сада ва Меҳргон аз ҷониби мардуми фарҳангпарвари ҷаҳон пазируфта шудаанд»
«ОЛАМИ ГУЛДӮЗИИ ТОҶИКОН». Ин китоб мероси пурарзиши тоҷиконро ба ҷаҳониён муаррифӣ менамояд
Вобаста ба омодагӣ ба баргузории Конфронси байналмилалии сатҳи баланд оид ба Cоли байналмилалии ҳифзи пиряхҳо ҳамоиш доир шуд
ТАШАББУСИ ТОҶИКИСТОН. Созмони Милали Муттаҳид ба таҷлили Соли байналмилалии ҳифзи пиряхҳо оғоз намуд
Дар Созмони Милали Муттаҳид Соли байналмилалии ҳифзи пиряхҳо оғоз гардид
