ОИНҲОИ НАВРӮЗӢ. Бонки миллӣ барои бошандагони «Хона-интернати беморони рӯҳии шаҳри Ҳисор» хони идона орост
ДУШАНБЕ, 19.03.2021/АМИТ «Ховар»/. Дар арафаи ҷашни байналмилалии Наврӯз Бонки миллии Тоҷикистон барои 240 нафар бошандагони Муассисаи давлатии «Хона-интернати беморони рӯҳии шаҳри Ҳисор» дастархони идона ороста, ба онҳо туҳфаҳои наврӯзӣ тақдим намуд. Дар ин бора ба АМИТ «Ховар» аз Бонки миллии Тоҷикистон иттилоъ доданд.
Иқдоми мазкур дар доираи оинҳои наврӯзӣ ва пайравӣ ба ташаббусу ибтикороти башардӯстонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ сурат гирифт.
Зимни аёдат роҳбарияти бонк бо шароити зисти бошандагони ин муассиса шинос шуда, онҳоро бо фарорасии фасли зебои баҳор ва ҷашни Наврӯзи байналмилалӣ табрик гуфтанд.
Зикр карда шуд, ки ғамхорӣ ба ятимону маъюбон, оилаҳои камбизоат, шахсони ниёзманд ва дастгирии қишри осебпазири ҷомеа дар сиёсати иҷтимоии Пешвои муаззами миллат ва Ҳукумати Ҷумҳурии Тоҷикистон аз ҷумлаи самтҳои муҳим маҳсуб мешавад.
Бонки миллии Тоҷикистон бо ҷонибдорӣ аз иқдоми инсонпарварона ва ҳидоятҳои Пешвои миллат минбаъд низ ба таври доимӣ, новобаста аз иду ҷашнҳо ба ниёзмандон дасти ёрӣ дароз хоҳад кард.
Дар Бонки миллии Тоҷикистон тақвияти робитаҳои байнибонкии Тоҷикистон ва Ҳиндустон баррасӣ шуд
ҚУРБИ АСЪОР: 1 рубли русӣ аз 0.1000 то 0.1007 сомонӣ муқррар шудааст
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
Агентии «S&P Global Ratings» рейтинги соҳибихтиёрии қарзии Тоҷикистонро ба дараҷаи «B+/B» бо дурнамои «устувор» баланд бардошт
