Аз 9 то 11 апрел дар Алмаато Чемпионати Осиё оид ба гӯштини озод ва юнонӣ-римӣ доир мешавад

ДУШАНБЕ, 08.04.2021 /АМИТ «Ховар»/. Аз 9 то 11 апрел дар шаҳри Алмаатои Ҷумҳурии  Қазоқистон мусобиқаи интихобии олимпии қораи Осиё баргузор мешавад. Аз Ҷумҳурии Тоҷикистон барои ба даст овардани роҳхати олимпӣ дар ин мусобиқаи сатҳи ҷаҳонӣ аз намуди гӯштини юнонӣ-римӣ Фирӯз Мирзораҷабов (60кг), Шероз Очилов (67кг), Ҳабиб Зуҳуров (77кг), Суҳроб Абдулҳаев (87кг), Мирзоамин Сафаров (97кг), аз намуди  гӯштини бонувон Ватансултон Шакаршоева (53кг) ва аз гӯштини тарзи озод Муҳаммад Икромов (57кг), Ҷамшед Шарифов (65кг), Ғуломҷон Шарипов (74кг), Баҳодур Қодиров (86кг)  ва Искандари Рустам (125кг) ба   шаҳри Алмаатои Қазоқистон  сафарбар гардидаанд.

Дар ин бора намояндаи расмии Кумитаи миллии олимпии Тоҷикистон Умаралӣ Сафаралӣ ба шореҳи варзиши АМИТ «Ховар» Меҳрони Қурбон   хабар дод.

Ин дуюмин  мусобиқаи сатҳи баланди интихоби варзишгарон ба Бозиҳои олимпии Токио мебошад. Дар ҳар категорияи вазнӣ иштирокчиёни финал соҳиби роҳхати Бозиҳои олимпӣ мегарданд.

Дар мусобиқаи мазкур беш аз 200 нафар  варзишгарон аз 24 давлати Осиё иштирок мекунанд.

Ҷадвали қувваозмоиҳо

8 апрел

Қуръакашӣ

9 апрел

Гӯштингирони юнонӣ-римӣ (60кг, 67кг, 77кг, 87кг, 97кг, 130кг)

11:00-13:00 – марҳилаи муқаддамотӣ

13:00-14:00 – нимфинал

14:00-14:30 – қувваозмоиҳои тасаллобахш

18:00-21:00 – финал

10 апрел

Гӯштини бонувон (50кг, 53кг, 57кг, 62кг, 68кг, 76кг)

11:00-13:00 – марҳилаи муқаддамотӣ

13:00-14:00 – нимфинал

14:00-14:30 – қувваозмоиҳои тасаллобахш

18:00-21:00 – финал

11 апрел

Гӯштини тарзи озод (57кг, 65кг, 74кг, 86кг, 97кг, 125кг)

11:00-13:00 – марҳилаи муқаддамотӣ

13:00-14:00 – нимфинал

14:00-14:30 – қувваозмоиҳои тасаллобахш

18:00-21:00 – финал