Чаро парвози нахустини «ЮтЭйр» дар масири Душанбе-Москва сурат нагирифт?
ДУШАНБЕ, 03.04.2021 /АМИТ «Ховар»/. Тамоми мусофироне, ки мебоист шаби 3 апрел тавассути ҳавопаймои ширкати русии «ЮтЭйр» аз Душанбе ба Москва парвоз мекарданд, имкон доранд бидуни ягон монеа 9 апрел тавассути ҳавопаймои «ЮтЭйр» аз Душанбе ба Москва парвоз намоянд, гуфт дар суҳбат ба хабарнигори АМИТ «Ховар» директори Агентии авиатсисияи граждании Ҷумҳурии Тоҷикистон Икром Субҳонзода.
Дар посух ба саволи он ки чаро парвози мунтазами нахустини «ЮтЭйр» дар масири Душанбе–Москва шаби 3 апрел ба таъхир афтод, Икром Субҳонзода гуфт, ки ин аз ҷониби Россия сурат гирифтааст. Сабабаш ба Қарори Ҳукумати Федератсияи Россия ворид нагардидани тағйирот доир ба оғози парвозҳои мунтазами ҳавоии Россия бо шаш давлат, аз ҷумла, Тоҷикистон, Ӯзбекистон, Германия, Венесуэла, Сурия ва Шри-Ланка, мебошад, ки тибқи он бояд бо ин кишварҳо аз 1 апрел Россия парвозҳои мунтазам оғоз менамуд.
Роҳбарияти Агентии авиатсияи граждании Ҷумҳурии Тоҷикистон аз тамоми мусофироне, ки парвозашон ба 9 апрел дар хатсайри Душанбе –Москва ба таъхир гузошта шудааст, хоҳиш менамояд, ки ба ҳар гуна овозаю дасиса дода нашаванд, парвози онҳо ҳатман 9 апрел бидуни ягон мушкилот ва монеа сурат гирифта, хароҷоти мусофирон ҷуброн мегардад.
Бояд як нуктаро таъкид сохт, ки дар парвози ҳавопаймои «ЮтЭйр», ки 9 апрел дар масири Душанбе –Москва анҷом дода мешавад, тамоми мусофирон, аз ҷумла онҳое низ,ки шаҳрвандии Россияро надоранд, ҳуқуқи парвоз кардан доранд, зеро ду ширкати ҳавоӣ — «Сомон Эйр»-и Тоҷикистон ва «ЮтЭйр»-и Россия дар хатсайри Душанбе-Москва Душанбе ва Москва –Душанбе –Москва парвозҳои мунтазами ҳавоиро анҷом медиҳанд.
АКС аз бойгонӣ
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
