Дар Левакант даври шаҳрии Фестивал-озмуни ҷумҳуриявии «Андалеб-2021» ҷамъбаст шуд
ДУШАНБЕ, 21.04.2021 /АМИТ «Ховар»/. Ҳунармандони шаҳри Левакант даври шаҳри Фестивал-озмуни ҷумҳуриявии телевизионии эҷодиёти халқ «Андалеб-2021»-ро бо баргузории барномаи фарҳангӣ, иборат аз намоиши ҳунарҳои мардумии «Бозори ҳунар», намоиши сарулибоси миллӣ бо иловаи навгониҳои муосир, навозиши умумӣ, рақси якка, суради якка, навозиши якка, суруди анъанавӣ ва саҳначаи ҳаҷвӣ ҷамъбаст намуданд.
Тавре ба хабарнигори АМИТ «Ховар» аз мақомоти иҷроияи ҳокимияти давлатии шаҳри Левакант иттилоъ доданд, ҳайати ҳакамон ва меҳмонон тибқи Низомномаи Фестивал-озмуни ҷумҳуриявии телевизионии эҷодиёти халқ «Андалеб-2021» аз намоиши гӯшаи ҳунарҳои мардумӣ дар долони Қасри фарҳанги шаҳр дидан намуданд. Сипас намоиши ҳунармандони аҳли ҳунару фарҳанг пешниҳоди ҳакамон гардонида шуд.
Зикр гардид, ки ҳадаф аз баргузории фестивал- озмун намоиш додани дастовардҳои ҳунарию фарҳангии 30 соли Истиқлоли давлатии Ҷумҳурии Тоҷикистон ва ҳунарҳои мардумӣ буда, иқдоми хуб барои дарёфти чеҳраҳо бо диду нигоҳи нав мебошад.
Муҳтавои шеъру сурудҳои дастаҳои ҳунарӣ ба мавзӯъҳои истиқлоли давлатӣ, меҳру муҳаббат нисбат ба Ватан, инъикоси рӯҳияи хештаншиносӣ, ватандорӣ, ифтихори миллӣ, файзу баракати истиқлол, тарғиби арзишҳо ва мероси пурғановати фарҳанги миллӣ, тарғиби ҳунарҳои мардумӣ, ваҳдату ягонагӣ, дӯстии халқҳои сарзамини Тоҷикистон равон гардида буд, ки аз ҷониби ҳакамон хуб пазируфта шуд.
Даври аввал ва дуюми озмун дар маҳалҳо бо салоҳдиди мақомоти иҷроияи ҳокимияти давлатии вилоятҳо ва шаҳру ноҳияҳо бо таъсиси кумитаҳои тадорукот ва ҳайати ҳакамон аз ҳисоби мутахассисони варзидаи соҳа, олимону адибон, мақомоти иҷроияи ҳокимияти давлатӣ, раёсат, шуъба, бахшҳои фарҳанг ва телевизиону радиои маҳаллӣ баргузор гардида, то 15 май ҷамъбаст, ғолибон муайян ва ба раёсати вилоятҳо пешниҳод мегарданд.
Даври сеюми (ҷамъбастии) фестивал — озмун нимаи якуми моҳи август бо иштироки ғолибони даври дуюм дар Филармонияи давлатии Тоҷикистон ба номи Акашариф Ҷӯраеви шаҳри Душанбе баргузор мегардад.
Аксҳо: Мақомоти иҷроияи ҳокимияти давлатии шаҳри Левакант
Дар Тоҷикистон Бозиҳои 20-уми Делфии ҷавонони кишварҳои аъзои ИДМ идома доранд
Фарҳанги пурғановати Тоҷикистон дар Туркманистон муаррифӣ мегардад
Имрӯз даври сеюми Озмуни ҷумҳуриявии «Фурӯғи субҳи доноӣ китоб аст» оғоз мегардад
Доир ба дастгирии истеъдодҳои ҷавон дар ИДМ конференсияи байналмилалӣ баргузор шуд
Дар Душанбе Бозиҳои 20-уми Делфии ҷавонони кишварҳои аъзои ИДМ оғоз мегардад
«ДОСТОНИ ХУДШИНОСӢ». Китоби нави Шоири халқии Тоҷикистон Давлат Сафар рӯнамоӣ гардид
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
ЗАБОНИ МОДАРИИ МО—ЗАБОНИ ШИРИНУ ШЕВО ВА ШОИРОНАИ ТОҶИКӢ! Иқтибосҳо аз суханрониҳои Президенти Тоҷикистон Эмомалӣ Раҳмон
«ҶАҲОНИ РАССОМ». Дар Осорхонаи миллии Тоҷикистон намоиши асарҳои Дӯст Азизов ташкил гардид
