ИМРӮЗ- РӮЗИ БАЙНАЛМИЛАЛИИ ЗАМИН АСТ. Сарвари СММ барои якҷоя бо табиат зиндагӣ кардан даъват намуд
ДУШАНБЕ, 22.04.2021 /АМИТ «Ховар»/. 22 апрел — Рӯзи байналмилалии Модар — Замин аст. Дабири кулли Созмони Милали Муттаҳид Антонио Гутерриш дар паёмаш ба ин муносибат ба қатъи истисмори бераҳмонаи захираҳои сайёра ва ҷанги худкушӣ бо табиат даъват кард. Вай таъкид кард, ки вақти фаъол кардани чораҳо ҷиҳати пешгирии гармшавии бошиддат ва ҳифзи гуногунии биологӣ фаро расидааст. Дар ин хусус АМИТ «Ховар» бо истинод ба Хадамоти ахбори СММ хабар медиҳад.
«Мо бепарвоёна захираҳои Заминро исроф мекунем, ки боиси бемадоршавии табиат мегардад. Мо нисбат ба ҳаво, замин ва баҳрҳо ҳамчун ба партовгоҳ муносибат мекунем», — изҳор дошт Гутерриш. Вай илова кард, ки ин ҳама сабаби он гардид, ки экосистемаҳои муҳимтарин ба вартаи фалокат расидаанд.
«Чунин амалҳо шабеҳи худкушӣ мебошанд. Мо бояд ҷанги худро бо табиат қатъ кунем ва онро солим гардонем, — даъват кард сарвари СММ. Ба гуфтаи вай, имрӯз зарур аст, ки барои мубориза бо тағйирёбии иқлим тадбирҳои фаъол андешида шаванд, то нагузорем, ки ҳарорати сайёра аз 1,5 дараҷа зиёдтар баланд шавад.
Дабири кулли СММ бо исрор ба ҳифзи гуногунии биологӣ — нигоҳ доштани намудҳои нобудшавандаи олами наботот ва ҳайвонот, инчунин коҳиши миқёси ифлосшавӣ аз тариқи рушди устувор тавсия кард.
«Ин иқдомот имкон медиҳанд, ки хонаи ягонаи мо наҷот ёбад ва миллионҳо ҷойҳои нави корӣ фароҳам оварда шаванд. Барқароршавӣ аз пандемияи COVID-19 — ин имкониятест барои ба роҳи тозатар, экологӣ ва босубот баровардани ҷаҳон», — зикр шудааст дар паёми Гутерриш.
Дар рӯзи байналмилалии Модар — Замин сарвари СММ барои якҷоя бо табиат зиндагӣ кардан даъват намуд.
ДАР АКС- Замин радифи Suomi NPP. АКСИ НАСА
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
ҲАРОРАТИ ГЛОБАЛИИ ҲАВО БА 1,5 ДАРАҶА РАСИДААСТ. Ин ба уҳдадории давлатҳо дар доираи Созишномаи Париж мухолифат мекунад
Президенти Тоҷикистон: «Кишоварзони мамлакат бояд ба масъалаи парваришу захираи тухмиҳои беҳтарин ва ниҳолҳои серҳосил таваҷҷуҳи махсус зоҳир намоянд»
Эмомалӣ Раҳмон: «Се ҷашни миллии мо – Наврӯз, Сада ва Меҳргон аз ҷониби мардуми фарҳангпарвари ҷаҳон пазируфта шудаанд»
«ОЛАМИ ГУЛДӮЗИИ ТОҶИКОН». Ин китоб мероси пурарзиши тоҷиконро ба ҷаҳониён муаррифӣ менамояд
Вобаста ба омодагӣ ба баргузории Конфронси байналмилалии сатҳи баланд оид ба Cоли байналмилалии ҳифзи пиряхҳо ҳамоиш доир шуд
ТАШАББУСИ ТОҶИКИСТОН. Созмони Милали Муттаҳид ба таҷлили Соли байналмилалии ҳифзи пиряхҳо оғоз намуд
Дар Созмони Милали Муттаҳид Соли байналмилалии ҳифзи пиряхҳо оғоз гардид
Масъуд Пизишкиён: «Дар Тоҷикистон эҳсоси ғурбат намекунам»
Эмомалӣ Раҳмон Масъуд Пизишкиёнро ба ҷашни Наврӯз даъват намуданд
НАЗАРИ КОРШИНОС. Робитаҳои Ҷумҳурии Тоҷикистон бо Ҷумҳурии Исломии Эрон бар пояи пайвандҳои таърихӣ асос ёфтаанд
САДА, ИН ПАРТАВИ ХУРШЕДИИ ИСТИҚЛОЛ АСТ! Имсол ин ҷашни бостониро дар Тоҷикистон 25-26 январ ҷашн мегиранд
