Сафири Тоҷикистон бо Раиси Маҷлиси миллии Афғонистон мулоқот намуд
ДУШАНБЕ, 23.04.2021 /АМИТ «Ховар»/. Мулоқоти Сафири Тоҷикистон дар Афғонистон Саъдӣ Шарифӣ бо Раиси Мишрону Ҷирга (Маҷлиси миллӣ)-и Шӯрои миллии Ҷумҳурии Исломии Афғонистон Фазлҳодӣ Муслимёр 19 апрел баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Сафири Тоҷикистон дар мулоқот иброз намуд, ки ташкили Гурӯҳи дӯстии парлумонӣ, фаъол намудани муносибатҳои байнипарлумонӣ ва табодули боздидҳо байни гурӯҳҳои дӯстӣ аз омилҳои муҳими таҳкими муносибот миёни ду кишвари дӯсту бародар ба ҳисоб мераванд. Пешниҳод шуд, ки анъанаҳои таҳкими равобити густарда миёни Маҷлиси миллии Тоҷикистон ва Маҷлиси миллии Афғонистон ривоҷ ёбанд.
Раиси Маҷлиси миллии Афғонистон бо ишора ба ҳамсоягии нек ва равобити густарда миёни Тоҷикистон ва Афғонистон иброз намуд, ки аз мардум ва Президенти Тоҷикистон муҳтарам Эмомалӣ Раҳмон сипосгузор аст, зеро ҳамеша дар талоши хатми ҷанги Афғонистон буданд. Вай муносиботи ҳасанаи ду кишвари бародарро барои якдигар бисёр арзишманд хонд.
Инчунин 21 апрел Сафири Тоҷикистон бо Вазири маодин ва нафти Афғонистон Муҳаммадҳорун Ҷаҳонсурӣ мулоқот намуд.
Дар мулоқот масъалаҳои густариши ҳамкорӣ байни Вазорати саноат ва технологияҳои нав, Саридораи геологияи Тоҷикистон ва Вазорати маодин ва нафти Афғонистон дар самти истифодаи самараноки захираҳои энергетикӣ, канданиҳои фоиданок, нафту газ, сангу филизоти қиматбаҳо ва табодули таҷрибаи мутахассисони соҳа мавриди баррасӣ қарор гирифтанд.
АКСҲО аз Сафорати Тоҷикистон дар ҶИА
Дар Душанбе Конфронси байналмилалӣ «Осиёи Марказӣ – меҳвари СҲШ: 25 соли ҳамкорӣ ба хотири рушди муштарак» доир гардид
Дар Корея аз иқдомҳои Тоҷикистон дар самти мубориза бо биёбоншавӣ ва хушкӣ ёдовар шуданд
Дар Душанбе машваратҳои сиёсӣ байни вазоратҳои корҳои хориҷии Тоҷикистон ва Венесуэла баргузор шуд
Байни давлатҳои Осиёи Марказӣ ва Чин Паймони ҳамсоягии абадӣ, дустӣ ва ҳамкорӣ ба имзо расид
Шараф Шерализода дар иҷлосияи 59-уми Шурои ҳуқуқи инсони СММ иштирок намуд
Сарвазири Тоҷикистон бо директори минтақавии Бонки ҷаҳонӣ дар Осиёи Марказӣ мулоқот намуд
Дар вилояти Чунчонбукдои Корея густариши ҳамкорӣ ва муаррифии имкониятҳои Тоҷикистон баррасӣ гардид
Ҳайати Тоҷикистон дар ҷаласаи 73-юми Конфронси оморчиёни аврупоии Комиссияи иқтисодии СММ барои Аврупо иштирок намуд
Сафири Тоҷикистон бо директори генералии Мақомоти фарҳанг ва сайёҳии Аморати Абу Забӣ мулоқот намуд
Дар ҷаласаи солонаи Шурои иҷроияи ЮНИСЕФ масъалаҳои муҳими стратегӣ баррасӣ гардид
Сафири Тоҷикистон бо Раиси Шурои идории Институти байналмилалии дипломатияи фарҳангӣ Аморот мулоқот намуд
Бо ташаббуси Тоҷикистон дар ЮНЕСКО ҳамоиши сатҳи баланд оид ба яхшиносӣ баргузор гардид
