Вазири корҳои хориҷии Тоҷикистон дар ҷаласаи навбатии Шӯрои вазирони корҳои хориҷии ИДМ дар Москва иштирок намуд

Апрель 2, 2021 17:41

ДУШАНБЕ, 02.04.2021 / АМИТ «Ховар» /. Имрӯз, 2 апрел дар шаҳри Москва Вазири корҳои хориҷии Тоҷикистон Сироҷиддин Муҳриддин дар ҷаласаи навбатии Шӯрои вазирони корҳои хориҷии Иттиҳоди Давлатҳои Мустақил иштирок намуд. Дар ин бора АМИТ «Ховар» бо истинод ба Вазорати корҳои хориҷии Тоҷикистон хабар медиҳад.

Дар ҷараёни мулоқот роҳбарони мақомоти корҳои хориҷӣ масъалаҳои ҳамкориҳои сиёсӣ, тиҷорӣ, иқтисодӣ ва фарҳангию гуманитариро дар доираи Иттиҳод муҳокима карда, оид ба масъалаҳои мубрами рӯзномаҳои минтақавӣ ва байналмилалӣ мубодилаи ҳамаҷонибаи афкор анҷом доданд.

С. Муҳриддин зимни суханронӣ муносибатҳои шарикии созандаро, ки байни давлатҳои аъзои ИДМ дар асоси принсипҳои эътимод ва эҳтироми тарафайн ба вуҷуд омадаанд, зикр намудрд. Ӯ таъкид кард, ки Тоҷикистон самтҳо ва вазифаҳои афзалиятнокеро, ки раёсати Беларус дар ИДМ пешниҳод кардааст, дастгирӣ мекунад.

С. Муҳриддин диққати иштирокчиёни ҷаласаро ба мушкилоте, ки кишварҳои узви Иттиҳод бо сабаби пандемияи коронавируси нав дучор омадаанд, ҷалб намуд. Дар ин замина, зарурати ҳамкории зич оид ба фарқияти омилҳои ноустувории иқтисодӣ, иҷтимоӣ ва дигар, таҳияи якҷояи равишҳои нав ва ғайристандартӣ зикр карда шуд.

Дар заминаи баррасии масъалаҳои амният, вазир оид ба андешидани чораҳои зарурӣ ҷиҳати татбиқи амалии ташаббуси Президенти Ҷумҳурии Тоҷикистон вобаста ба таъсиси феҳристи ягонаи ташкилотҳои террористӣ ва экстремистии дар қаламрави давлатҳои аъзои ИДМ мамнӯъ сухан гуфт.

С. Муҳриддин гуфт, ки Тоҷикистон ба масъалаҳои таъмиқи ҳамкорӣ дар доираи ИДМ дар соҳаи фарҳангию гуманитарӣ доимо аҳамияти калон медиҳад. Вобаста ба ин, ба маълумоти иштирокчиёни ҷаласа расонида шуд, ки 21 марти соли равон дар Тоҷикистон маросими ботантанаи оғози татбиқи барномаи байнидавлатии пойтахти фарҳангӣ «Душанбе — пойтахти фарҳангии ИДМ дар соли 2021» баргузор гардид. Зикр гардид, ки Нақшаи чорабиниҳо дар Душанбе баргузории зиёда аз 30 чорабинии рангин ва гуногуни фарҳангию гуманитариро пешбинӣ мекунад.

Зимни ҷаласа вазирон ҷараёни татбиқи Барномаи амалро оид ба густариши шарикӣ байни вазоратҳои корҳои хориҷӣ дар соли 2020 ва татбиқи Нақшаи машваратҳои бисёрсатҳаи байни вазоратҳои корҳои хориҷиро дар доираи ИДМ барои соли 2020 баррасӣ карданд. Вазирони корҳои хориҷӣ лоиҳаи Муроҷиати Сарони давлатҳои аъзои ИДМ-ро ба халқҳои кишварҳои Иттиҳод ва ҷомеаи ҷаҳонӣ дар робита ба 80-солагии оғози Ҷанги Бузурги Ватании солҳои 1941-1945 мувофиқа карданд.

Дар фарҷоми ҷаласа қарорҳои дахлдор қабул карда шуданд.

АКС аз Хадамоти матбуоти Кумитаи иҷроияи ИДМ

Апрель 2, 2021 17:41

Хабарҳои дигари ин бахш

Дар Ню-Йорк нахустин вохӯрии Гурӯҳи дӯстони об дар соли 2025 баргузор гардид
Сафири Тоҷикистон бо директори генералии Агентии танзимкунандаи фаъолияти хайриявии Давлати Қатар мулоқот намуд
Дар Теҳрон иҷрои тавофуқоти дуҷониба байни Тоҷикистон ва Эрон баррасӣ гардид
Сафири Тоҷикистон бо Раиси Федератсияи палатаҳои тиҷоратии Арабистони Саудӣ мулоқот намуд
Президенти Ҷумҳурии Исломии Покистон бо Сафири Тоҷикистон мулоқот намуд
Давлатшоҳ Гулмаҳмадзода дар мулоқоти Вазири корҳои хориҷии Русия бо сафирони кишварҳои аъзои Иттиҳоди Давлатҳои Мустақил иштирок кард
Вазири корҳои хориҷии Тоҷикистон бо фиристодаи махсуси Иттиҳоди Аврупо оид ба Афғонистон мулоқот намуд
Дар Тошканд нишасти Шурои ҳамоҳангсозони миллӣ оид ба вохӯриҳои машваратии сарони давлатҳои Осиёи Марказӣ доир шуд
Сироҷиддин Муҳриддин бо мушовири махсуси Сарвазири Ҷопон мулоқот намуд
Вазири меҳнат, муҳоҷират ва шуғли аҳолии Тоҷикистон бо раис ва мудири иҷроияи Ширкати захираҳои инсонии «ARCO» мулоқот намуд
Намояндаи доимии Тоҷикистон дар ҳамоиш бахшида ба ташаббуси СММ «Огоҳии бармаҳал барои ҳама» иштирок намуд
Шуруъ аз 3 феврал байни Тоҷикистон ва Эрон қоидаҳои нав дар низоми бераводид амалӣ мегарданд