БАШОР АСАД БОЗ ПРЕЗИДЕНТИ СУРИЯ ИНТИХОБ ШУД. Димишқ пирӯзии ӯро бо мушакпаронӣ ва сайругашти густурда таҷлил намуд

ДУШАНБЕ, 28.05.2021 /АМИТ «Ховар»/. Таҷлили натиҷаҳои интихоботи президентӣ дар Сурия, ки сарвари феълии ин кишвар Башор Асад пирӯз шуд, бо сайругашти густардаи мардумӣ сурат гирифт. Одамон ҳатто пеш аз эълони натиҷаҳои овоздиҳӣ ба майдони Умайя омаданро шурӯъ карданд ва амалан ҳама дар даст парчами Сурия ё акси Асад доштанд, — хабар медиҳад ТАСС.

Дар майдон саҳна ва якчанд экран насб шуда буд, ки дар онҳо чорабиниҳо пахш мешуданд. Аз баландгӯякҳо мусиқии миллӣ садо медод. Дар атрофи майдон мушакҳо паронида мешуданд.

Тахминан соати 23:30 (01:30 ба вақти Душанбе) дар экранҳо раиси Шӯрои Мардумии (парлумони) Сурия Ҳаммуд Сабоҳ зоҳир шуд  ва эълом дошт, ки президенти амалкунандаро 95,1% овоздиҳандагон дастгирӣ кардаанд. Издиҳом ба додани шиорҳои «Аллоҳ, Сурия, Башор» шурӯъ кард ва мушакпаронии идона сурат гирифт.

                                                                                   АКС аз AFP