«ОЛТИН ҚАЛАМ». Рӯзноманигор аз Тоҷикистон барандаи ҷоизаи озмуни байналмилалии Ӯзбекистон шуд
ДУШАНБЕ, 04.05.2021 /АМИТ «Ховар»/. Дар Қасри «Туркистон» дар Тошканд маросими ботантанаи мукофотонидани ғолибон ва барандагони ҷоизаҳои Озмуни байналмилалӣ барои дарёфти Ҷоизаи миллии «Олтин Қалам» дар соҳаи рӯзноманигорӣ баргузор гардид, хабар медиҳад АМИТ «Ховар».
Дар номинаи «Барои беҳтарин маводи рӯзноманигори хориҷӣ дар бораи Ӯзбекистон» муҳаррири калони бахши ӯзбекии радиои «Овози тоҷик» -и Кумитаи телевизион ва радиои назди Ҳукумати Ҷумҳурии Тоҷикистон Отабек Ғоибов ҷои дуюмро гирифт.
Дар ин номина сармуҳаррири маҷаллаи «Business Turk» Рузубай Акурен сазовори ҷойи аввал гардид.
Ғолибон бо дипломи махсус, нишони «Олтин Қалам», ҳайкалча ва мукофоти пулӣ сарфароз хоҳанд шуд.
Ёдовар мешавем, ки Озмуни байналмилалӣ барои Ҷоизаи ХV миллии «Олтин Қалам» («Қалами тиллоӣ»)-ро Иттифоқи эҷодии рӯзноманигорони Ӯзбекистон дар якҷоягӣ бо Маркази бозомӯзии рӯзноманигорон ва якчанд ташкилот эълон карда буд. Ба озмун, ки ба 3 май — Рӯзи умумиҷаҳонии озодии матбуот бахшида шуда буд, маводи дар рӯзномаҳо ва маҷаллаҳо чопшуда, аз тариқи радио ва телевизион, инчунин нашрияҳои интернетӣ давоми сол — аз 31 марти 2020 то 31 марти 2021 интишорёфта фиристода шуда буданд.
АКСҲО: АМИТ «Ховар»/UzA
Дар Тоҷикистон Бозиҳои 20-уми Делфии ҷавонони кишварҳои аъзои ИДМ идома доранд
Фарҳанги пурғановати Тоҷикистон дар Туркманистон муаррифӣ мегардад
Имрӯз даври сеюми Озмуни ҷумҳуриявии «Фурӯғи субҳи доноӣ китоб аст» оғоз мегардад
Доир ба дастгирии истеъдодҳои ҷавон дар ИДМ конференсияи байналмилалӣ баргузор шуд
Дар Душанбе Бозиҳои 20-уми Делфии ҷавонони кишварҳои аъзои ИДМ оғоз мегардад
«ДОСТОНИ ХУДШИНОСӢ». Китоби нави Шоири халқии Тоҷикистон Давлат Сафар рӯнамоӣ гардид
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
ЗАБОН–САДОИ ХОТИРАИ МИЛЛАТ. Мулоҳизаҳои академик Фарҳод Раҳимӣ ба ифтихори Рӯзи забони давлатӣ
Президенти Тоҷикистон: «Мутахассисони соҳа бояд, ки истилоҳоти дурусту фаҳмо ва мувофиқ ба мазмуну муҳтавои соҳаҳои гуногунро барои истифода пешниҳод намоянд»
ЗАБОНИ МОДАРИИ МО—ЗАБОНИ ШИРИНУ ШЕВО ВА ШОИРОНАИ ТОҶИКӢ! Иқтибосҳо аз суханрониҳои Президенти Тоҷикистон Эмомалӣ Раҳмон
«ҶАҲОНИ РАССОМ». Дар Осорхонаи миллии Тоҷикистон намоиши асарҳои Дӯст Азизов ташкил гардид
