COVID-19 зарурати созишномаи глобалиро дар бораи омодагӣ ба пандемияҳо дар оянда нишон дод

Июнь 1, 2021 13:36

ДУШАНБЕ, 01.06.2021 /АМИТ «Ховар»/. Роҳбари СУТ аз ҳама кишварҳо даъват кард, ки таҳияи шартномаи байналмилалиро дар бораи омодагӣ ба пандемияҳо дастгирӣ кунанд. Ба гуфтаи ӯ, «хатои азим» хоҳад буд, агар чунин ҳисобида шавад, ки хатари COVID-19 пушти сар мондааст. Тавре АМИТ «Ховар» бо истинод ба хадамоти матбуоти СММ гузориш медиҳад, роҳбари СУТ  дар ин бора ҳангоми пӯшидани Ассамблеяи ҷаҳонии тандурустӣ иттилоъ додааст.

Бо тазаккури ин ки бемории COVID-19 ва фавт ба асари он дар саросари ҷаҳон коҳиш меёбад, директори генералии СУТ доктор Тедрос Гебрейесус ба ҳар ҳол исрор варзид, ки танҳо бо роҳи татбиқи чораҳои мушаххаси эпидемиологӣ дар якҷоягӣ бо эмгузаронӣ ба пандемия хотима додан имконпазир аст.

Доктор Тедрос аз ҳамаи давлатҳо даъват кард, ки уҳдадор шаванд, ки то охири  сентябр 10 фоизи аҳолии кураи Замин ва то охири сол — 30 фоизи онро эм мекунанд. Ба гуфтаи ӯ, кишварҳо танҳо дар ҳоле  метавонанд бехатарии шаҳрвандони худро таъмин кунанд, ки агар масъулияти дигаронро бар дӯш бигиранд. Ва пандемия, -бо изҳори таассуф таъкид  кард роҳбари СУТ -берағбатиро ҷиҳати табодулаи маълумот, иттилоот, технология ва захираҳо бо ҳамдигар нишон дод.

Созишномаи ҷаҳонӣ

Директори генералии СУТ коркарди созишномаи байналмилалиеро  зарур меҳисобад, ки имкон бидиҳад таҳдидҳои эҳтимолии ҷаҳонӣ ба саломатӣ пешакӣ шиносоӣ шаванд, маводи зарурӣ барои пандемия захира шавад, дастрасии баробар ба ваксинаҳо, тестҳои санҷишӣ ва доруҳо таъмин гардад ва «урдуи» мутахассисон барои кор дар ҳолатҳои фавқулода омода карда шавад.

«Ҳар гуна созишномаи байналмилалӣ бояд аз ҷониби кишварҳои узви СУТ таҳия ва қабул карда шавад», — таъкид кард Тедрос ва илова кард, ки коркарди шартнома бояд ба таври ҳамаҷониба, бомулоҳиза ва бо дарназардошти таъхирнопазирии вазифа сурат бигирад. «Мо вақт надорем», — гуфт номбурда.

То 30 май тибқи маълумоти тасдиқшуда, дар саросари ҷаҳон 169.597.415 нафар ба COVID-19 сироят ёфтааст ва 3.530.582 нафар фавтидааст. Мутобиқи иттилоот, то 27 май бар зидди коронавирус 1.546.316.352 ваксина гузаронида шудааст — сухан дар бораи миқдори вояҳо меравад, на ваксинаҳо, чунки тавре ки маълум аст, баъзе ваксинаҳо ворид намудани ду вояро ба бадан тақозо мекунанд.

Номҳои нав барои гунаҳои коронавирус

Имрӯз СУТ қарорро дар бораи додани номҳои нав ба гунаҳои асосии вируси муқадамотии SARS-CoV-2, ки дар натиҷаи гунашавии (мутатсия) он пайдо шудааст, эълон кард. Барои ин ҳарфҳои алифбои юнонӣ истифода хоҳанд шуд. Дар Созмон таъкид мекунад, ки номҳои кунунии илмӣ боқӣ хоҳанд монд, аммо «онҳо барои талаффуз ва дар хотир гирифтан чандон осон нестанд ва бинобар ин метавонад боиси иштибоҳ шаванд». Дар натиҷа, гунаҳои нави вирус аз рӯи маҳалли ошкоршавии онҳо — «Британиягӣ», «Ҳиндустонӣ», «Бразилиягӣ» ва ғайра номгузорӣ шуданд, ки боиси тамғагузорӣ ва табъиз шудаанд.

Барои пешгирӣ аз ин ва осон кардани мубодилаи иттилоот, СУТ аз ҳукуматҳо, воситаҳои ахбори омма ва ҷомеа даъват мекунад, ки номҳои навро эътироф ва истифода кунанд.

ДАР АКС: чораҳои муназзами эпидемиологӣ ва эмгузаронии баробар — танҳо ҳамин тавр метавон бар пандемия пирӯз шуд, чунин меҳисобанд дар СУТ. Акс аз ПАОЗ

Июнь 1, 2021 13:36

Хабарҳои дигари ин бахш

Эмомалӣ Раҳмон: «Қаҳрамонони сулҳу субот ва ваҳдати миллӣ танҳо мардуми шарифу сарбаланди Тоҷикистон мебошанд»
10 АМАЛИ ЗАМИНАСОЗИ СУЛҲУ ВАҲДАТ. Ба истиқболи 28-солагии Рӯзи Ваҳдати миллӣ
ВАҲДАТИ МИЛЛӢ – КАФОЛАТИ ПОЙДОРИИ ДАВЛАТ. Мулоҳизаҳои Прокурори генералии Ҷумҳурии Тоҷикистон дар ин мавзуъ
Эмомалӣ Раҳмон ва Си Ҷинпин оғози парвозҳои мустақими мусофирбарӣ байни Душанбе ва Пекинро рӯйдоди муҳим номиданд
Ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Каролин Глейч: «Тоҷикистон сарзамине бо табиати нотакрор аст ва мебояд, ин зебоиро ба тамоми ҷаҳон нишон дод!»
Кирти Вардхан Сингҳ: «Ҳифзи пиряхҳо ҳамбастагӣ, ҳамкории байналмилалӣ ва фаҳмиши муштараки илмиро талаб мекунад»
Кэтрин Рассел, директори иҷроияи ЮНИСЕФ: «Мо мехоҳем, ки садои кӯдакон ва ҷавонон дар сиёсати иқлимӣ шунида шавад»
Ясмин Сиддиқӣ: «Обшавии пиряхҳо танҳо як мушкили муҳити зист нест, ин буҳрони об, ғизо ва рӯзгор аст»
Қоҳир Расулзода Конфронси байналмилалии сатҳи баланд оид ба ҳифзи пиряхҳоро натиҷагирӣ намуд
Шамс Аббосӣ: «Таҳти роҳбарии Эмомалӣ Раҳмон мардуми тоҷик дар самти мубориза бо тағйирёбии иқлим ва пешбурди донишҳои экологӣ қадамҳои бузург мегузоранд»
Султон Ҷамшед: «ВАО-и Тоҷикистон дар инъикоси кори конфронси сатҳи баланд муваффақ буд»